M'akuri 16:15 - Te B'aib'ara

¹⁵ E b'abetitoaki ma kaain ana auti, ao e butiira, ni kaangai, “Ngkai kam a tia n taku b'a te tia onimakina te UEA ngai ni koaua, ao kam na rin n tiku n au auti.” Ao e kairoroira.

M'akuri 16:15 Iomraidhean Croise

Karikani B'aai 19:3

Ma e imanonoia Roota ni karokoa a iria nakon ana auti. Ao e tuanga ana toro Roota b'a e na kam'aa tabeua te kariki ma ni katauraoa te katairiki i bukiia ana iruwa akekei. Ao ngke e a tauraoi, ao a am'arake.

Karikani B'aai 33:11

I butiiko b'a ko na butim'aai taian b'ai n tangira aika I uoti nako im; E nanoangaai te Atua, ao E anganai b'aai ni kabane aika I kainanoi.” E teimatoa Iakob'a ni kairoroia ni karokoa e kariaia.

2.Uea 4:8

N te bong teuana ngke e mena Eritai n te kaawa ae Tunem, ao e kaitibo ma te aine ae e kaub'ai are e kaooa b'a e na am'arake ma ngaia n ana auti. Ao i mwiin anne, ao n taai are e a manga roko iai i Tunem ao e am'am'arake ma neierei ao buuna.

Mataio 10:41

Ane m'anea n akoa te burabeti i bukina b'a te burabeti, ao e na karekea kaniwangana ae ti te bo ma te kaniwanga i bukin te burabeti; ao ane m'anea n akoa te aomata ae raoiroi, ao e na anganaki te kaniwanga ae ti te boo ma te kaniwanga i bukin te aomata ae raoiroi.

Mataio 3:6

A b'abetitoaki i rouna n te karaanga are te Ioretan, ngke a kaoti aia bure.

Ruka 14:23

Ao e taku te mataniwi nakon te toro, “Ko na nako ni kawai aika raababa ma kawain te marenaua, ao imanonoia aomata b'a a na nako mai, b'a e aonga ni kaonaki au auti.

Ruka 24:29

ma a imanonoia uakekei ao a kangai, “Ko na tiku i roura, b'a e a kani bong ao e a kan toki te ngaina.” Ao Ngaia E rin n te auti n tiku ma ngaiia.

M'akuri 11:14

E na taetae nako im n taeka ake ko na kamaiuaki iai, ma am utu ni kabaneia.’

M'akuri 16:31

Ao ngaiia a taku, “Ko na onimakina te UEA are Iesu, ao ko a kamaiuaki iai ma am utu.”

M'akuri 16:33

Ao e kaira B'auro ma Tira n aoan te tairiki naba anne, ao e teboki mwini kaiia; ao e a b'abetitoaki naba ngkekei ma kaain ana auti ni kabaneia.

M'akuri 16:34

E kaira rake ngkanne B'auro ma Tira nakon ana auti, ao e anganiia kanaia. E kaonaki nanona n te kim'areirei i bukin onimakinan te Atua i rouna; ao ai aroia naba kaain ana utu.

M'akuri 18:8

Ao Kiritebo, are te tia taua taekan aia m'aneaba I-Iutaia, e onimakina te UEA ma kaain ana auti ni kabaneia; ao I-Korinto aika bati, ngke a ongo ana taeka te Atua, ao a onimaki ao a b'abetitoaki.

M'akuri 8:12

Ma ngke a kakoauaa Biribo n ana rongorongo aika raraoi ake e taekin i bukin Uean te Atua ma aran Iesu Kristo, ao a b'abetitoaki, mm'aane ma aine.

M'akuri 8:38

E tua ngkanne te iunaki b'a e na tei te ka; ao e ruo ma Biribo nako nanon te ran, ao e b'abetitoaki irouni Biribo.

I-Rom 16:23

E kamauringkami Kaio ae ngaia ae I mena moa ngkai i rouna; ao a kamauringkami naba kaain te ekaretia aika raou i rouna. E kamauringkami naba Erateto, ae te tia kawakina m'anen te kaawa; ao ai arona naba ma Kuareto ae raora naba n onimaki.

2.I-Korinto 12:11

I a tia n riki ni baba. Ao kam karika aei nako iu. I bon riai ni kamoamoaki i roumi. B'a I bon aki mangori riki nakoia taan tuatua ake kam atongiia b'a akea n ai aroia, e boni ngae ngke akea bonganau.

2.I-Korinto 5:14

B'a e tautaekaniira ana tangira Kristo; ao ngkai ti kakoaua b'a E mate i bukiia aomata ni kabaneia, ao nanona b'a a bane aomata ni buokanib'ai ni matena;

I-Karatia 6:10

Ma ngaia ae ti na kakaraoa ae e raoiroi nakoia aomata ni kabaneia, n aron ae ti kona, ao ai moara riki nakoia kaain te utu n onimaki.

I-Ebeto 1:1

Mairouni B'auro, ae ana tia tuatua Kristo Iesu n nanon te Atua, nakoia ake a itiaki ake i Ebeto ake a teimatoa ni katiteuanaki ma Kristo Iesu ni maiuia:

I-Biribi 1:7

E bon riai reken te namakin aei i rou i bukimi ni kabaneingkami, b'a kioina ngkai kam memena i nanou. B'a kam a tia ni bane ni buokanib'ai ma ngai n te m'akuri are I anganaki iroun te Atua, n arou ngkai I kabaeaki ao ngke I kakaitarai taeka aika eekaanako te euangkerio, ma ni karina te euangkerio i nanoia aomata b'a e na tiku ni matoatoa.

Biremon 1:17

Ma ngaia aei, ngkana ko taku b'a raom ngai, ao ko na m'aneia n akoia b'a kanga ngai.

Ebera 13:2

Kam na ururinga akoaia iruwa. Iai tabem'aang aika karaoa anne, ao a aki ataia iai b'a a tia naba n akoia anera.

1.Betero 5:12

E korea te reta ae kimototo Tirouano i buku, ae te tari ae I taku b'a e kakaonimaki. I kani kaungaingkami ma ni kaotiota te akoi aei b'a te akoi ni koaua ae mairoun te Atua: kam na teimatoa iai.

2.Ioane 1:10

Ngkana e kawaringkami temanna ao e aki uota te taeka n reirei aei, ao kam na tai butim'aia ni karinna i nanon ami auti, ao kam na tai kamauria.

3.Ioane 1:5

Ngkoe ae ko tangiraki, ko boni kakaonimaki ni karaoa ae ko karaoia i bukiia taari, ai moara riki nakoia taari ake ko aki tataneiai ma ngaiia;

3.Ioane 1:8

Ma ngaia ae ngaira, ti bon riai ni buokiia aomata aika ai aroia aikai, b'a ti aonga n riki b'a raao ni m'akuri i bukin te koaua.

1.Tamuera 28:23

E rawa Tauro ao e taku b'a e na akea te b'ai ae e na kanna. Ma a kaungaa ana aobitia b'a e na am'arake. Ni bon tokina e b'ara nanona, e teirake man te tano, ao e tekateka i aon te kainiwene.