M'akuri 16:1 - Te B'aib'ara

¹ E roko naba B'auro i Rerebe ao i Rutetera; ao noria, e mena iai te aomata ae onimakina Iesu, ae arana Timoteo; tinana bon te I-Iutaia ae onimakina naba Iesu, ao tamana te I-Erene.

M'akuri 16:1 Iomraidhean Croise

Etira 9:2

A tia tabeman m'anen Iteraera ni mare ma aine aika Ianena, ao a kariaia natiia m'aane b'a a na karaoa naba ae ai aron are a karaoia. Ara mataniwi ma ara taani kairiiri bon taani moan karaoa te bure ae moan te kam'araa aei, ao ngkai ana Aomata te Atua aika a tabu a irengan ma aomata aika Ianena.

M'akuri 14:1

Ngke a mena B'auro ma B'arenaba i Ikonio, ao a nako ni m'aneabaia I-Iutaia, ao a taetae n te aro are a onimaki iai I-Iutaia ma I-Erene aika rangi ni bati.

M'akuri 14:21

Ngke a tia B'auro ma B'arenaba n taekina te euangkerio i Rerebe, ma ni karikiia aomata aika bati iai b'a taan onimakina Iesu, ao a oki nako Rutetera, ao Ikonio, ao Antioka,

M'akuri 14:6

Ngke a ataia ao a biri nako nakoni kawan Rukaonia, are Rutetera ma Rerebe, ao nakoni kaawa nako ake a kaani ma ngaiia,

M'akuri 17:14

Ma ngaia are, e a kawaekoaki ngkanne ni kanakoaki B'auro irouia taan onimaki nakon te tabo are e mena tari iai; ma e tiku Tira ma Timoteo i Beroia.

M'akuri 18:5

Ngke a roko Tira ma Timoteo mai M'aketonia, ao akea ana m'akuri B'auro b'a ti te tataekina ana taeka te Atua, ni kaota raoi nakoia I-Iutaia b'a bon te Kristo Iesu.

M'akuri 19:22

Ao e kanakoia uoman mai buakoia raona ake a buobuokia, are Timoteo ma Erateto nako M'aketonia, ao ngaia e tiku ni kamanna i Atia.

I-Rom 16:21

E kamauringkami Timoteo, are raou ni m'akuri; ao a kamauringkami naba au bu aika Roukio, ma Iaton, ma Totibatero.

1.I-Korinto 16:10

Ngkana arona b'a e roko i roumi Timoteo, ao kam na tarataraia b'a a na akea te bae e na makiningkami iai; b'a te tia m'akuri ngaia i bukin te UEA, n ai arou naba.

1.I-Korinto 4:17

Anne bukin ae I kanakoa iai Timoteo nako imi, ae natiu ae tangiraki ae kakaonimaki, i nanon te UEA, b'a e na kauringngkami taiani koaua aika I nakonako iai n onimakinan Kristo Iesu; ao boni ngaai naba aika I reireiniia iai kaain te ekaretia n taabo ni kabane.

1.I-Korinto 7:14

I taekina aei i bukina b'a te mm'aane ae aki onimaki e a warekaki b'a temanna ngaia i buakoia ana aomata te Atua i bukin arona ni katiteuanaki ma buuna; ao te aine ae aki onimaki e a riki b'a temanna ngaia i buakoia ana aomata te Atua i bukini buuna ngkae e onimaki. B'a ngkana tiaki arona aei, ao natiia a na katotoong aroia ataei aika natiia beekan; ma ngkana arona aei, ao a butim'aeaki natiia iroun te Atua.

2.I-Korinto 1:1

Mairouni B'auro, ae ana tia tuatua Kristo Iesu n nanon te Atua, ao mairoun Timoteo ae tarira, nakon ana ekaretia te Atua i Korinto, ao nakoia ake a itiaki ni kabaneia ake a mena i Akaia ni kabuta.

2.I-Korinto 1:19

B'a Natin te Atua, are Iesu Kristo, are tataekinaki nako imi i roura i rou ma Tirouano ma Timoteo, E aki nano tiotio i marenan te “Eng” ao te “Tiaki”, ma bon ti te “Eng” i Rouna.

I-Biribi 1:1

Mairouni B'auro ma Timoteo, aika ana toro Kristo Iesu, nakoia ake a itiaki ni kabaneia, ake a nim ma Kristo Iesu, ake a mena i Biribi; ao nakoia naba ake mataniwi ma taani buobuoki:

I-Biribi 2:19

Ngkana nanon te UEA, ao iai au kaantaninga b'a N nang kanakoa Timoteo nakoimi, b'a e aonga ni kauungaki naba nanou n ataakin taekami.

I-Korote 1:1

Mairouni B'auro, ae ana tia tuatua Kristo Iesu n nanon te Atua, ao mairoun Timoteo ae tarira,

1.I-Tetaronike 1:1

Mairouni B'auro, ma Tirouano, ma Timoteo, nakoia kaain te ekaretia i Tetaronike, aika ana b'ai te Atua ae te Tama ma te UEA are Iesu Kristo: ami b'ai te akoaki ma te raoi.

1.I-Tetaronike 3:2

ao ti kanakoa Timoteo, ae tarira, ae raora ni m'akuri i bukin te Atua, n tataekinan euangkerioni Kristo, b'a e na kateimatoaingkami ma ni kaungaingkami n ami onimaki;

1.I-Tetaronike 3:6

Ma ngkae e a roko Timoteo i roura i mwin okina mai roumi, ao e kaongoraeira n taeka aika raraoi aika taekan ami onimaki ma ami tangira; ao e tuangiira naba b'a kam aki toki n ururingiira ma te kukurei, ao kam rangi ni kan norira, n ai arora naba ngkai ti rangi ni kan noringkami.

2.I-Tetaronike 1:1

Mairouni B'auro, ma Tirouano, ma Timoteo, nakoia kaain te ekaretia i Tetaronike aika ana b'ai te Atua ae Tamara ma te Uea are Iesu Kristo;

1.Timoteo 1:18

I anganiko te taeka aei, natiu ae Timoteo, n ai aron taian taeka ni burabeti ake a rimoa n taekiniko, b'a ko na kamanenai b'a am b'ai ni buaka b'a e aonga n nako raoi arom ni buaka,

1.Timoteo 1:2

nakon Timoteo, ae natiu ni koaua i nanon te onimaki: am b'ai te akoaki, ma te nanoangaki, ma te raoi, mairoun te Atua ae te Tama ma Kristo Iesu are ara Uea.

2.Timoteo 1:2

nakon Timoteo, ae natiu ae tangiraki: am b'ai te akoaki, ma te nanoangaaki ma te raoi, mairoun te Atua ae te Tama ma Kristo Iesu are ara Uea.

2.Timoteo 1:5

I aki kona ni m'aninga taekan te onimaki ni koaua ane i nanom, are mena moa i nanon tibum are Nei Roiti ma tinam are Nei Eunike; ao I bon ataia b'a e mena naba ngkai i nanom.

2.Timoteo 3:11

ma b'ainikirinau nako, ma marakiu nako, ake a ituai i Antioka, i Ikonio, ao i Rutetera; ake b'ainikirinau ake I taona nanou nako iai; ao E kamaiuai te Uea mani baikai ni kabane.

Biremon 1:1

Mairouni B'auro, ae kabureaki i bukini Kristo Iesu, ao mairoun Timoteo ae tarira; nakoni Biremon ae tangiraki ae raora ni m'akuri,

Ebera 13:23

Kam na ata tarira are Timoteo b'a e a tia ni kainaomataki; ao ngkana e aki waeremwe n roko i rou, ao ti na uaia n noringkami.