M'akuri 15:6 - Te B'aib'ara

⁶ A botaki taan tuatua ma unimm'aane b'a a na iangoa te baerei.

M'akuri 15:6 Iomraidhean Croise

Taeka n Rabakau 15:22

A na bane ni kaairua b'aai nako ngkana akea te reirei ae e raoiroi e anai taian babaaire aika iangoaki raoi b'a a aonga n nakoraoi b'aai.

Mataio 18:20

B'a ike a botaki iai uoman ke teniman n arau, ao Ngai I mena naba iai i buakoia.

M'akuri 11:30

A boni karaoia, ao a angani B'arenaba ma Tauro b'a a na nako n nikiri irouia unimm'aane.

M'akuri 15:2

E bo te kauntaeka ae ab'ab'aki i marenaia uakekei ma B'auro ao B'arenaba i bukin te baere a taekinna uakekei; ao a rineaki ngkanne B'auro ma B'arenaba ma raoia tabem'aang mai Antioka b'a a na nako Ierutarem nakoia taan tuatua ma unimm'aane i bukin te baere a kauntaeka iai.

M'akuri 15:22

E tara n raoiroi nakoia taan tuatua ma unimm'aane ma kaain te ekaretia ni kabane b'a a na kanakoia aomata aika rineaki mai buakoia nako Antioka, b'a raoni B'auro ma B'arenaba. A rinea ngkanne Tira ao Iuta are arana teuana Baretaba, aika aomata aika rangi n onimakinaki i buakoia taari.

M'akuri 15:25

Ao e tara n tamaroa nako ira, ngkae e reke nanora ae ti teuana, b'a e riai b'a ti na rineia aomata ni kanakoia nakoimi, ma raora aika tangiraki are B'arenaba ma B'auro,

M'akuri 15:4

Ngke a roko i Ierutarem, ao a m'aneaki n akoaki iroun te ekaretia ikekei, ao irouia taan tuatua ma unimm'aane; ao a tuangiia b'aai ni kabane ake E karaoi te Atua ma ngaiia.

M'akuri 16:4

Ao ngke a kabuta kaawa nako uakekei, ao a anganiia ekaretia taeka ake a motikaki irouia taan tuatua ma unimm'aane ake a mena i Ierutarem b'a a na tauu.

M'akuri 21:18

N te bong are i mwina ao ti airi ma B'auro n nako ni kawara Iakobo; ao a bane n roko unimm'aane iai.

M'akuri 6:2

Ao uake tengauni ma uoman a weteia aomata aika bati ake a onimakina Iesu, ao a kaangai, “E aki riai b'a ti na kaaki taekan ara m'akuri n tataekina ana taeka te Atua, ao ti na katabeira n te m'akuri n tib'atib'a.

Ebera 13:17

Kam na ongeaba nakoia ami taani kairiri, ao kam na aan taeka i rouia: b'a a tantani n aki motirawa i bukini kawakinani maiumi, ngkai a nang taekin aroia ni m'akuri. Ngkana kam ongeaba i rouia ma n iri nanoia, ao a na karaoa aia m'akuri ma te kim'areirei; ma ngkana kam aki, ao a na karaoa aia m'akuri ma te rawawata n nano, ao anne bon akea buokami iai.

Ebera 13:7

Kam na ururingiia ami taani kairiri ngkoa, ake a tataekina ana taeka te Atua nako imi; kam na taratarai aroia ni maiuia ma mateia, ao kam na kakairi n aia onimaki.