M'akuri 15:23 - Te B'aib'ara

²³ A korea te reta b'a uotaia, ae kaangai taekana: Ti anga ara kamauri, ngaira aika taan tuatua ma taari aika unimm'aane, nakoimi ngkami aika taari aika tiaki I-Iutaia i Antioka, i Turia ao i Kirikia.

M'akuri 15:23 Iomraidhean Croise

Mataio 4:24

E taona Turia ni kabuta rongorongon Iesu, ao a bane n uotaki nako Ina aomata aika aoraki n aekan aoraki nako ma maraki, ao akana taniaki irouia taimonio, ma akana iai aorakin aia iango, ma akana aki kona te nakonako; ao E kamaiuia.

M'akuri 11:18

Ngke a ongo baikekei, ao e toki aia kauntaeka; ao a karaoiroa te Atua, ni kaangai: “E anganiia naba aomata aika tiaki I-Iutaia te Atua rairan te nano nakon te maiu!”

M'akuri 11:20

Ma iai taan onimaki tem'angina aika I-Kubero, ao I-Kurene, ake a nako Antioka ao a tataekina te UEA are Iesu nakoia I-Erene naba.

M'akuri 14:27

Ao ngke a roko i Antioka, ao a botiia kaain te ekaretia, ao a karakini b'aai ni kabane ake E karaoi te Atua i rouia, ma arona ngke E kauka mataroan te onimaki nakoia aomata aika tiaki I-Iutaia.

M'akuri 15:1

A roko aomata tabem'aang mai Iutaia nako Antioka, ao a reireiia taari, ni kaangai, “Kam aki konaaki ni kamaiuaki ngkana kam aki korotabonim'aneaki, n ai aron ana taeka Mote.”

M'akuri 15:2

E bo te kauntaeka ae ab'ab'aki i marenaia uakekei ma B'auro ao B'arenaba i bukin te baere a taekinna uakekei; ao a rineaki ngkanne B'auro ma B'arenaba ma raoia tabem'aang mai Antioka b'a a na nako Ierutarem nakoia taan tuatua ma unimm'aane i bukin te baere a kauntaeka iai.

M'akuri 15:22

E tara n raoiroi nakoia taan tuatua ma unimm'aane ma kaain te ekaretia ni kabane b'a a na kanakoia aomata aika rineaki mai buakoia nako Antioka, b'a raoni B'auro ma B'arenaba. A rinea ngkanne Tira ao Iuta are arana teuana Baretaba, aika aomata aika rangi n onimakinaki i buakoia taari.

M'akuri 15:4

Ngke a roko i Ierutarem, ao a m'aneaki n akoaki iroun te ekaretia ikekei, ao irouia taan tuatua ma unimm'aane; ao a tuangiia b'aai ni kabane ake E karaoi te Atua ma ngaiia.

M'akuri 15:41

Ao e nako B'auro ma Tira, ni kabuta aon Turia ma Kirikia, ao e kakorakoraia ekaretia.

M'akuri 18:18

E kabatiai riki ana bong B'auro n tiku ma taari i Korinto, ao rimwi e kabo ma ngaiia, ao e borau ma Nei Beritikira ao Akura nako Turia; ao e korobuatau B'auro i Kengkirea i m'aini borauna, b'a kakoroan nanon ana taeka ni bau are e bae iai.

M'akuri 21:25

Ma ti a tia ni korea ara reta nakoia aomata ake tiaki I-Iutaia, ake a tia n onimaki, ni kaota ara baire b'a a na kawakinia mani kanakin am'arake ake a tia ni kareanaki nakoni bouananti; ao a na kawakinia naba man te kangi raraa, ao mani kanakiia maan aika mate b'a a koonaki roroaia, ao man te wene ni bure.

M'akuri 21:3

Ngke e ria Kubero, ao ti kitanna n ri maiakina ni borau nako Turia, ao ti aerake i Turo: b'a a kaerakeaki iai kaako.

M'akuri 23:26

Mairouni Keraurio Rutia nakoni Berika, ae te tia tautaeka ae moan te kakannato:

M'akuri 6:9

Ao a kauntaeka ma Tetebano aomata tabem'aang aika kaain te m'aneaba are aranaki b'a m'aneabaia Aomata aika Inaomata, aika I-Iutaia mai Kurene, ao mai Arekanria, ni botaki ma I-Iutaia mai Kirikia ao mai Atia.

I-Karatia 1:21

Ao rimwi I nako n aaba ake Turia ma Kirikia.

Iakobo 1:1

Mairoun Iakobo, ae ana toro te Atua ma te Uea are Iesu Kristo; nakoia ana aomata nako te Atua ake a uamaae i aonnaba; kam na mauri.

2.Ioane 1:10

Ngkana e kawaringkami temanna ao e aki uota te taeka n reirei aei, ao kam na tai butim'aia ni karinna i nanon ami auti, ao kam na tai kamauria.

2.Ioane 1:13

A kani kamauriko natin tarim ae rineaki.

2.Ioane 1:3

E na mena i roura te akoi, ma te nanoanga, ma te raoi, mairoun te Atua ae te Tama ao mairoun Iesu Kristo are Natin te Tama; a na mena baikai i roura ngaira aika ti ata te koaua aika ti i tangitangiri.

3.Ioane 1:14

Ma I kaantaninga b'a N na waetata n noriko, ao ti na taetae ni kaaitara.