M'akuri 15:11 - Te B'aib'ara

¹¹ Ma ti onimaki b'a ti na boni kamaiuaki n ana akoi te UEA are Iesu n ai aroia naba.

M'akuri 15:11 Iomraidhean Croise

I-Rom 3:24

A bane ni kaetaki aroia n reitaki ma te Atua n ana akoi ae aki kaboaki; ao E karaoa aei iroun Iesu Kristo are kainaomataia:

I-Rom 5:15

Ma te aki-ongeaba nakon te tua bon tiaki ti te bo arona ma te b'ai n tituaraoi. B'a ngkai a bati aika mate i bukin ana aki-ongeaba temanna nakon te tua, ao e a m'aiti riki ana akoi te Atua ma te b'ai n tituaraoi are reke n ana akoi te Aomata ae ti temanna are Iesu Kristo, nakoia ake a bati.

I-Rom 6:23

B'a boon te bure te mate; ma ana b'ai n tituaraoi te Atua te maiu are aki toki i nanoni Kristo Iesu are ara UEA.

1.I-Korinto 16:23

E na mena i roumi ana akoi te UEA are Iesu Kristo.

2.I-Korinto 13:14

E na mena i roumi ni kabaneingkami ana akoi te UEA are Iesu Kristo, ma ana tangira te Atua, ma ana raorao te Tamnei are Raoiroi.

2.I-Korinto 8:9

B'a kam ata ana akoi ara UEA are Iesu Kristo, b'a ngke E kaub'ai, ao E riki n aki kaub'ai i bukimi, b'a kam aonga ni kaub'ai n ana aki kaub'ai.

I-Karatia 1:6

I mimi ngkai kam kai rairaki mairoun Teuare weteingkami n ana akoi Kristo, nakon te euangkerio teuana;

I-Karatia 2:16

ao ti ataia b'a e aki kaetaki reitakin te aomata ma te Atua ni karaoani baika tangiraki n te Tua, b'a ti n onimakinan Iesu Kristo; ngaira naba, ti onimakina Kristo Iesu, b'a a aonga ni kaetaki reitakira ma te Atua n onimakinani Kristo, ma tiaki ni karaoan are e tangiraki n te Tua: b'a bon akea temanna ae e na kaetaki reitakina ma te Atua ni karaoani baika tangiraki n te Tua.

Tito 2:11

B'a E a tia te Atua ni kaota ana akoi i bukini kamaiuaia aomata ni kabaneia.

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,