M'akuri 13:43 - Te B'aib'ara

⁴³ Ngke e a b'ara nako te botaki arei, ao a iraki B'auro ma B'arenaba irouia I-Iutaia aika bati ma aomata aika kakaonimaki nakoni karaoan ana kaantaninga te Atua, aika a tia n riki b'a kaain te Aro n I-Iutaia. E taetae B'auro ma B'arenaba nakoia, ni kairoroia b'a a na kairaki maiuia n taai nako n ana akoi te Atua.

M'akuri 13:43 Iomraidhean Croise

Mataio 23:15

A na reke kaimi, taani koroboki ma B'aritaio, aika taani m'am'ana-te-aba! B'a kam ri nanoni marawa ao kam ri aon te aba b'a kam na anaa nanon te aomata nakon ami koaua; ao ngkana e reke, ao kam karaoa ae e na reke iai uoua aron taun teuanne n riki b'a kaaini Keenna n ai aromi.

M'akuri 11:23

Ngke e roko ao e nora aron ana akoi te Atua nakoia, ao e kim'areirei; ao e kaungai nanoia ni kabane b'a a na nim ma te UEA ma nanoia ni koaua.

M'akuri 13:50

Ma a kaunaki irouia I-Iutaia aine ake a kakannato ake a kakaonimaki nakon ana kaantaninga te Atua, ao a kauniia naba mm'aane ake a kakannato n te kaawa, ao a karaoi m'akuri ake a riki ni b'ainikirinaki iai B'auro ma B'arenaba irouia aomata, ao a kakioia nako man abaia.

M'akuri 14:22

ni kakorakorai nanoia taan onimaki, ao ni buokiia b'a a na botum'aka n onimaki, ao a kaangai, “Ti riai n ri nanon rawawata aika bati b'a ti aonga n rin n Uean te Atua.”

M'akuri 14:3

Ma ngaia are, a kamaniia B'auro ma B'arenaba ni maeka i Ikonio, n tataekina taekan te UEA ma te ninikoria. Ngke a karaoa aei, ao a anganaki iroun te UEA te kona ni karaoi kanikina ma m'akuri ni kamimii b'a ana b'ai ni kakoaua i bukin aia taeka are a taekinna i bukin ana akoi b'a e koaua.

M'akuri 16:14

E ongora iroura te aine temanna ae arana Nei Ruria, ae te I-Tuateira, ae te tia kaboa nako te kunnikai ae uraro. E tataromauria te Atua, ao E kauka nanona te UEA b'a e na butim'aai baike e taekini B'auro.

M'akuri 17:17

Ma ngaia are, e kauntaeka ni m'aneabaia I-Iutaia ma I-Iutaia ao aomata aika tiaki I-Iutaia aika tataromauria te Atua; ao e kauntaeka naba n te tabo ni m'akete n te bong ae koraki ma aomata ake a rikekei.

M'akuri 17:34

Ma iai aomata tabem'aang ake a raoraona B'auro, ao a riki b'a taan onimaki: temanna i buakoia bon Rionutio ae kaain te Areiobako, ao te aine ae arana Tamariti, ao tem'angina riki.

M'akuri 17:4

Iai tabem'aang i buakoia aika a anaaki nanoia, ma ngaia are a raona B'auro ma Tira; ao a raonaki naba irouia I-Erene aika bati aika tataromauria te Atua, ao irouia aine aika bati aika kakannato.

M'akuri 18:7

E kitana ikekei ao e nako n ana auti te aomata ae arana Titio Iouteto, ae tataromauria te Atua; e kaan ana auti ma m'aneabaia I-Iutaia.

M'akuri 2:10

ao i Berukia, Bamburia ma Aikubita, ao i aban Ribua ake i rarikini Kurene; ao iai naba i buakora aika roko n iruwa mai Rom,

M'akuri 28:23

A kotea aia bong ma B'auro, ao a kawaria aomata aika bati riki ni nena ni maeka n te bong anne. E waaki ma ngaiia man te ingabong ni karokoa ae e bong, ni kab'arab'araa nakoia taekan uean te Atua; ao e kataia n anai nanoia ni m'akoron taeka ake e anai man ana tua Mote ao man aia boki burabeti, b'a a na kakoaua are e taekinna i bukin Iesu.

M'akuri 6:5

A bane ni kukurei n te taeka arei te koraki arei; ao a rinea ngkanne Tetebano, ae te aomata ae te tia onimaki ni koaua ao e on n te Tamnei are Raoiroi; a rinea naba Biribo, ma Berokoro, ma Nikanora, ma Timon, ma Baremena, ma Nikorao ae te I-Antioka ae tiaki te I-Iutaia, ma e a tia n rairaki nakon te Aro n Iutaia.

I-Rom 11:6

ao ngkana tiaki i bukin ana akoi ae e riki iai aei, ma i bukin te b'ai are a karaoia ana aomata, ao nanona ngkanne b'a akea koauan ana akoi.

I-Rom 3:24

A bane ni kaetaki aroia n reitaki ma te Atua n ana akoi ae aki kaboaki; ao E karaoa aei iroun Iesu Kristo are kainaomataia:

I-Rom 5:2

are E a tia ni karekea angara n te onimaki b'a ti na roko i nanon te akoaki aei, ae ti mena iai ngkai; ao ti kakatonga ni kaantaningan te neboaki ma te Atua.

I-Rom 5:21

B'a aron te bure ngke e noraki arona n uea n te mate, ao ai arona naba b'a e na uea te akoi ni kaetan arora n reitaki ma te Atua, ao ni kairira naba nakon te maiu are aki toki iroun Iesu Kristo are ara UEA. Ao te bure e karokoa te mate, ao a bane n rotaki aomata ni kabaneia n te mate i bukina b'a a bane ni bure.

2.I-Korinto 5:11

Ma ngaia aei, b'a ngkai ti ata m'aakan te UEA, ao ti anai nanoia aomata; ma a ataaki arora iroun te Atua; ao bon au kaantaninga b'a ti ataaki raoi i roumi ni mataniwin nanomi.

2.I-Korinto 6:1

Ao ngkai raon te Atua ni m'akuri ngaira, ao ti butingkami b'a kam na aki butim'aea ana akoi te Atua n te aro ae akea bonganana;

I-Karatia 5:1

B'a E kainaomataira Kristo i bukin te aro n inaomata; ma ngaia ae kam na teimatoa, ao kam na tai manga bae i aan te amo n toronaki.

I-Karatia 5:4

Kam a raure ma Kristo, ngkami aika kam taku b'a e reke reitakimi ma te Atua n te Tua; kam b'aka man te akoaki.

I-Ebeto 2:8

B'a kam kamaiuaki n te akoi i bukin te onimaki; ao tiaki mai roumi ae reke iai aei, ma bon ana b'ai n tituaraoi te Atua;

I-Biribi 3:16

Ma ae ti a roko iai, ao ti na nakonako iai n te kawai naba anne.

I-Biribi 4:1

Ma ngaia aei, tariu aika kam tangiraki, aika kam kan noraki i rou, ae kakim'areireiau, ao au baunuea, kam na teimatoa i nanon te UEA, ngkami aika kam tangiraki.

I-Korote 1:23

Ma kam bon riai ni matoatoa ma n nene n ami onimaki, ao kam na aki kam'aingaki man te kaantaninga are reke i roumi ngke kam ongo taekan te euangkerio; are e tataekinaki nakoia aomata ni kabaneia i aonnaba ni kabuta ao are I riki iai, ngai ae B'auro, b'a te tia m'akuri i bukina.

I-Korote 1:28

Boni ngaia are ti tataekinna, n tuatuangia aomata ni kabaneia ma n reireiia n te rabakau ni kabane, b'a ti aonga ni kaotiia aomata ni kabaneia b'a a ikawai ni maiuia n reitaki ma Kristo;

Tito 2:11

B'a E a tia te Atua ni kaota ana akoi i bukini kamaiuaia aomata ni kabaneia.

Ebera 12:15

Kam na tarataraingkami b'a e kawa temanna ni b'aka man te akoaki iroun te Atua, ao b'a e kawa n riki b'a kanga ai aron te wakaa ae mao ni kakiriweingkami, ao a na kam'araeaki iai aomata aika bati.

Ebera 13:9

A na tai anaaki nanomi n aeka n reirei nako aika kaokoro ma taekan te euangkerio. B'a e raoiroi ae reke kateimatoan te nano n te akoi, ma tiaki n taian am'arake, aika akea kab'aiaia iai akana katabeia iai.

1.Betero 5:12

E korea te reta ae kimototo Tirouano i buku, ae te tari ae I taku b'a e kakaonimaki. I kani kaungaingkami ma ni kaotiota te akoi aei b'a te akoi ni koaua ae mairoun te Atua: kam na teimatoa iai.

2.Betero 3:14

Ma ngaia aei, ngkami aika kam tangiraki, ngkai kam tiku ni kakantaninga, ao kam na kakorakoraingkami b'a kam aonga n noraki i rouna b'a akea baarekami ke te bae buakaka iroumi, ao kam rau ni maiumi

1.Ioane 2:28

Ma ngaia aei, ngkami aika ataei aika kam uarereke, kam na nim ma Ngaia; b'a ngkana E a manga oki Kristo, ao ti na aki maaku ma ni kaota ae ti rangi ni mamaa i Rouna i matana.

2.Ioane 1:9

Ane aki toua mwin ana taeka n reirei Iesu ma e kitanna n tan nako, ao akea te Atua i rouna; ane toua mwin ana reirei, ao bon iai i rouna te Tama ma te Nati.