M'akuri 13:40 - Te B'aib'ara

⁴⁰ Ma ngaia ae kam na tarataraingkami, b'a e kaawa n roko i aomi te baere atongaki irouia burabeti, ae e kaangai taekana

M'akuri 13:40 Iomraidhean Croise

Itaia 29:14

Ma ngaia are, N na manga karaoi b'aai ake a katiaokiia ma ni kamimiia, ao N na kamaunai wanawanaia akana a taku b'a a rabakau ma n ataib'ai.”

Etekiera 33:9

Ma ngkana ko bon kauringiia, ma a bon teimatoa naba ni kaakaraoa te bure, ao a na mate i bukin aia bure ao ngkoe akea am bure iai.

Ab'akuka 1:5

Ao E taku te UEA nakoia Aomata, “Tarataraia botannaomata akana i rarikimi, ao kam na mimi ni baika kam noori. N nang karaoa te b'ai teuana ae kam na bon aki kakoaua ngkana kam ongo taekana.

Maraki 3:2

Ao ngkana e roko te bong aei, e na riki b'a kaanga te ura ae e korakora are e karana te tirewa ke kaanga te toobu ae e korakora i nanon te betin n uaati. Bon akea ae e na konaa n teirake ni kaaitaraa.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Ruka 24:44

Ao E taku nako ia, “Aikai au taeka ake I atong ngkoa nako imi, ngke I memena i roumi, b'a e riai b'a b'aai ni kabane ake a taekinaki i buku n ana tua Moote ma aia boki burabeti, ao i nanon Taian Areru, a na bane ni kakoroaki bukiia.”

Ioane 6:45

E koreaki irouia burabeti ae kaangai, ‘A na bane aomata nako n reireiaki iroun te Atua. E riki b'a au reirei te aomata ane ongo ma n reirei iroun te Tama.

M'akuri 15:15

E bo raoi aei ma aia taeka burabeti, n aron are koreaki ni kaangai,

M'akuri 7:42

Ao E tannako te Atua mai rouia, ao E katikuia n aroia b'a a na taromauri itoini karawa; n ai aron are koreaki n aia boki burabeti, ni kaangai, “Ngkami aika te botannaomata ae Iteraera, tiaki i buku maan ake kam tiring ao kam anga b'a ami karea n te rereua angaun te ririki?

Ebera 12:25

Kam na tarataraingkami b'a kam na aki rawa nakon Teuare taetae. B'a ngke a aki kona n rawei maiuia ake a rawa nakon Teuare taetae i aon te aba, ao ti bon aki kona n rawei maiura ngaira aikai ngkana ti tan nako mairoun Teuare taetae mai karawa!

Ebera 2:3

ao ti na iranira ni kareke maiura ngkana ti aki mutiakina te aro ni kamaiu ae kakannato aei? E moa n taekinaki iroun te Uea, ao e kakoauaki nako ira irouia ake a ongo;

Ebera 3:12

Kam na tarataraingkami, taari, b'a e na aki mena iroun temanna i buakomi, te nano ae buakaka ae aki onimaki, ae te kani kitana te Atua ae maiu.