M'akuri 13:27 - Te B'aib'ara

²⁷ B'a aomata ake a maeka i Ierutarem, ni botaki ma aia tia tautaeka, a aki ataia ae te Tia Kamaiu, ao a aki oota naba n nanon aia taeka burabeti ake a aki toki ni warekaki n te Taabati ae koraki; ma a kakoroi bukin aia taeka burabeti ngke a motika taekana.

M'akuri 13:27 Iomraidhean Croise

Karikani B'aai 50:20

Kam kam'aneai, ma E a tia n rairia te Atua nakon te b'ai ae e raoiroi, b'a aonga ni kaawakinaki maiuia aomata aika m'aiti aika maiu n te bong aei man te b'ai are a tia n riki.

Mataio 22:29

Ao E kaekaia Iesu ni kangai: Kam kairua! I bukina b'a kam aki ata kanoan te B'aib'ara, ke m'aakan te Atua.

Ruka 22:34

Ao Ngaia E kangai, “I tuangko Betero, b'a e na aki tangi te moa n te bong aei, ni karokoa ko katenua te tai am taeka n rawa b'a ko kinai.”

Ruka 23:13

Ao Birato, e weteia ni botiia aia mataniwi ibonga ma kaain te Tanirim ma aomata,

Ruka 24:20

Ao ara ibonga ake mataniwi ma taan tautaeka, a anga Ngaia b'a E na motikaki taekana nakon te kamateaki, ao a kamatea n te kaibangaki.

Ioane 15:21

Ma ane a na karaoi baikai ni kabane nakoimi i bukin arau, b'a a aki ata Teuare kanakomaiai.

Ioane 16:3

A na karaoi baikai nakoimi aomata i bukina b'a a aki ata Tamau, ao a aki ataai naba.

Ioane 5:39

Kam ukeuke n te B'aib'ara b'a kam taku b'a e na reke mai iai iroumi te maiu are aki toki; ao boni ngaia are kaotioti i buku;

Ioane 8:28

Ma ngaia are, E taku Iesu nakoia, “Ngkana kam a tia n tabeka rake Natin te Aomata ni katinea i aon te kaibangaki, ao kam a ataia iai b'a boni Ngaia Ngai, ao akea te b'ai ae I karaoia n oin nanou; ma I atongi baikai n ai aron reireiau iroun te Tama.

M'akuri 15:21

B'a iai ake a tataekina ana tua Mote ma ngkoangkoa i nanoni kaawa nako, ao a warekaki ana tua i nanoni m'aneaba n te Taabati ae koraki.

M'akuri 28:23

A kotea aia bong ma B'auro, ao a kawaria aomata aika bati riki ni nena ni maeka n te bong anne. E waaki ma ngaiia man te ingabong ni karokoa ae e bong, ni kab'arab'araa nakoia taekan uean te Atua; ao e kataia n anai nanoia ni m'akoron taeka ake e anai man ana tua Mote ao man aia boki burabeti, b'a a na kakoaua are e taekinna i bukin Iesu.

M'akuri 3:17

Ma ngaia aei, raou, I ataia b'a te baere kam karaoia ma ami mataniwi nakon Iesu, kam karaoia ma te aki oota.

I-Rom 11:25

B'a I aki tangiringkami, taari, b'a kam na aki ata te b'ai ae raba aei, b'a kam kaawa ni bakanrabakau iai: b'a iai tem'angina i buakoia Iteraera aika a matoatoa nanoia n rawa n onimaki, ao a na tiku n aroia aei ni karokoa ae e koro m'aitiia aomata aika tiaki I-Iutaia n nakon te Atua.

1.I-Korinto 2:8

Akea irouia taan tautaeka n te aonnaba aei ae ata te rabakau aei. B'a ngke a ataia, ao a na bon aki kamatea n te kaibangaki te UEA, are ana b'ai te neboaki.

2.I-Korinto 3:14

Ma a kamatoatoaki nanoia; b'a man te tai arei ni karokoa te bong aei, ao e tuai meni mauna te rabuna ni mata ngkana a wareka te Boraraoi Nikawai, b'a ti Kristo ae mauna i Rouna.

2.I-Korinto 4:4

b'a a a tia n rabunaki nanoia aomata aika tiaki taan onimaki iroun atuan te aonnaba aei, b'a a na aki nora ootan euangkerioni mimitongini Kristo, are katotongan te Atua.

1.Timoteo 1:13

Bon te tia taetaebuaka ngai ngkoa, te tia b'ainikirina te aba, ao te tia iowawa; ma I nanoangaki, i bukina ngke I karaoi arou akanne ma te roo n nano b'a I tuai n onimaki.