M'akuri 12:23 - Te B'aib'ara

²³ Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.

M'akuri 12:23 Iomraidhean Croise

2.Uea 19:35

E kanakoa te anera te UEA n te tairiki naba arei nakon aia kaemb'a kaain Aturia, ao E tiringiia 185,000 mai buakoia. Ma ngaia are, e a wenerua taiani mate n te ingabong are i mwiina.

2.Rongorongo 32:21

ao E kanakoa te anera are e tiringiia tautia ma mataniwiin ana taanga ni buaka Aturia ni kabane ake n aia kaemb'a. Ao e okirikaaki Tennakeriba nako Aturia, ao e rangi ni b'ainrang. Ao n te bong teuana e nako n rin n ana Tembora antina ao e a tiringaki naba iai irouia natina m'aane tabeman.

Iobi 19:26

E ngae ngke e a tia kuniu aei ni kanaki n te aoraki ma N na bon noora naba te Atua i nanon rab'atau aei.

Iobi 7:5

E onrake rab'atau n te ino ma te kanakana, ao a buri kaboau.

Taian Areru 115:1

Tiaki ara b'ai te neboaki! Boni Ngkoe te UEA, ae Ko na anganaki te neboaki i bukin am Kakaonimaki ma am Atataiaomata.

Te Otinako 10:3

Ma ngaia are, a nako Moote ma Aaron nakon te uea ao a taku, “E kaangai ana taeka te UEA ae Atuaia Ebera, “Maan ra riki ngkoe n rawa ni konaaki i rou? Ko na kanakoia au aomata, b'a aonga n taromauriai.

Te Otinako 12:12

N na ri nanon te aba are Aikubita nakon te tairiki, n tiringiia karimoa mm'aane; natiia aomata ma maan, ao N na katuaaia antin Aikubita. Bon te UEA Ngai.

Te Otinako 12:23

Ngkana E m'ananga te UEA b'a E na tiringiia kaain Aikubita, e na noora te raraa i aon kain etan ami mataroa ma bouana ao E na aki karina Aneran te Mate b'a e na rin n ami auti n tiring ngkami.

Te Otinako 12:29

Ngke e a nuukanibong E a tiringiia naati karimoa mm'aane te UEA i Aikubita, ni moa mairoun natin te uea te mm'aane, ni karokoa natin te bure are i nanon te karabuuti; a bane naba n tiringaki karimoa mm'aane aika natiia maan.

Te Otinako 9:17

Ma ko bon kamoamoa naba ao ko rawa ni kanakoia au aomata.

Taeka n Rabakau 12:8

E manena te iangoraoi n te nebonebo, ma te nanobaba bon te kamaraia nakoia aomata aika a nanobaba.

Itaia 14:11

A toki ikai am kainikatonga ma am katangitang n aia aonnaba maate. Ko na rabuniko n taiani m'ata, ao ko na kieniko n taian ino.”

Itaia 37:23

Tennakeriba, ko a kamaraiaaki, ko takaarua, ao ko ngare ni kakaniko nako iu, Ngai ae Atuan Iteraera ae e tabu.

Itaia 51:8

A na kanaki nako kaanga te kunnikai ae e kanaki n te koa. Ma n tokin au tokanikai; ao e na teimatoa m'aakau ni kakamaiu.

Itaia 66:24

A na otinako au aomata ni kakaai rab'ataia ake a kakaitaraai. A aki konaa ni mate taian ino ikekei, ao e aki konaa n toki uran te ai, ao a na rangi n ribaaki taraan rab'ataia aomata aikai irouia aomata nako.

Etekiera 28:2

Etekiera ae natin te aomata, ko na tuanga uean Turo au taeka ae e kaangai: Ko rangi ni kainikatonga b'a ko iangoia b'a te atua ngkoe ao am kaintokanuea te kaawa ae Turo. Ane ko na taekinna b'a te atua ngkoe, ngke bon te aomata ngkoe.

Etekiera 28:9

Ko na bon teimatoa naba n taekinna b'a te atua ngkoe ngkana ko aitara ma aiam? A na buakaniko, ao ko na maraki kaanga aroia aomata tabem'aang.

M'akuri 12:22

A tatakarua aomata ao a kaangai, “B'anaan te anti, ao tiaki b'anaan te aomata ae taetae!”

M'akuri 5:19

Ma ngke e a bong, ao e kauki mataroan nako te karabuuti ana anera te UEA, ao e kaotinakoia, ao e taku nakoia,

2.I-Tetaronike 2:4

E na ekianako akana atongaki b'a atua ni kabaneia ma baika taromauriaki, ao e na rin n tekateka n um'antabun te Atua ma n taetae ni kaotia b'a aongkoa te Atua ngaia.

1.Tamuera 25:38

Tebwina te bong i mwiina, E orea Nab'ara te UEA ao e mate.