M'akuri 12:11 - Te B'aib'ara

¹¹ Ngke e a oki ana iango Betero, ao e taku, “I a ataia ngkai b'a E kanakomaia ana anera te UEA, ao E kamaiuai mai nanoni bain Erote, ao mani b'aai ni kabane ake a kaantaningai I-Iutaia b'a a na karaoi.”

M'akuri 12:11 Iomraidhean Croise

Karikani B'aai 15:13

Ao E taku te UEA nako ina, “A na riki kanoam b'a ianena n te aba teuana; a na riki b'a tooro ikekei, ao a na kairaki n te aro ae aki raoiroi i nanon abubua te ririki.

Karikani B'aai 18:13

Ao E a manga taku te UEA nakon Aberaam, “E aera ngkai e ngarengare Nei Taara, ao e kaangai, ‘I boni kona ni bungia natiu ngkai I a rangi ni kara?’

Karikani B'aai 26:9

Ao e kananako wetean Itaaka Abimereka, ao e taku, “Ngaia bon buum, ao e aera ngke ko taku b'a m'anem?” Ao e taku, “I taku ngai b'a N na tiringaki ngkana I kaotia ae buu.”

2.Tamuera 22:1

Ao e anene Tawita nakon te UEA i mwiin kamaiuana mairouia ana kairiribai, ai moara ra riki Tauro. Aikai taekan ana anene:

2.Rongorongo 16:9

E teimatoa te UEA n tataraia aomata ni kabane, ao e anga te korakora nakoia ake kakaonimaki n ongotaeka i rouna. Ma ngkoe, ko a tia ni karaoa te m'akuri n nanobaba, ao e na bon aki konaa ni manga reke riki te rau n abanueam.

Iobi 31:31

A bane n ataia aomata ake a m'akuri i rou b'a I teimatoa ni bubutim'aia iruwa.

Iobi 5:19

E na kamaiuko te Atua man te b'ai ae kamamate n te tai teuana ma teuana.

Taian Areru 109:31

Ko buokiia aika kai nanoia, ao ko kamaiua mairouia akana motika taekana b'a e na kamateaki.

Taian Areru 33:18

Ma te UEA, E tatarataraiia akana karinea, Akana onimakina ana tangira ae teimatoa.

Taian Areru 33:19

E kawakinia man te mate; Ao E kamaiuia n tain te rongo.

Taian Areru 34:22

E na kamaiuia ana Aomata te UEA, Ao a na aki kabuakakaaki akana kamanoia i rouna.

Taian Areru 34:7

A kakawakinaki akana karinea te UEA iroun ana anera, Ao e kamaiuia man taiani kaangaanga.

Taian Areru 41:2

E na kawakinia te UEA ma n tautau mauriia; E na kakab'aiaia i aon te aba; E na aki kaaki taekaia i nanoni baiia aia kairiribai.

Taian Areru 97:10

B'a E tangiria akana riba te buakaka te UEA; E kawakini maiuia ana botannaomata; E kamaiuia mai nanoni baiia akana buakaka.

Taniera 3:25

Ao e kaekaia ni kaangai, “Ma e aera ngkai I nooriia aman te m'aane n nakonako i nuukan te ai? Kai a b'ara kabaeaia, ao a aki bue, ao kaanga e taraa n anera teuare te kaaman.”

Taniera 3:28

Ao e taku te uea, “Neboa Atuaia Tiateraka ma Metiaka ao Abeteneko! E a tia ni kanakoa ana anera ni kamaiuia Ana aomata aika a toro i rouna ma ni kakoaua. A kukurei n anga riki rab'ataia nakon te kamateaki nakon ae a na bobaraaki n taromauria te anti temanna i rarikin Atuaia.

Taniera 6:22

E kanakoa ana anera te Atua ni kaini wiia raian n te aro b'a a na aki kaikoakai. E karaoa aei i bukina b'a E ataai b'a bon akea au bure, ao bon akea naba au kairua nakoim, te uea ae ko karineaki.”

Ruka 15:17

Ma ngke e a manga reke nanona ae wanawana, ao e taku, “Ai m'aiti ra ana toro tamau ake a kabooaki aia m'akuri aika kau am'arake ao ngai I a mate ni baki ikai!

M'akuri 12:7

Ao akea b'a e roko ana anera te Atua, ao e oota te oota i nanon te karabuuti; ao e orea rarikini Betero te anera ni kautia, ao e kaangai, “Kawaekoako! Teirake!” A b'aka taurekereke mai baini Betero n te tai naba arei.

M'akuri 24:27

Ngke a bane uoua te ririki ao e oneaki mwini Berika irouni Borekio Beteto. E kani karekea taekana ae e raoiroi Berika irouia I-Iutaia, ma ngaia are e katuka B'auro i nanon te karabuuti.

M'akuri 25:9

E kan tangiraki Beteto irouia I-Iutaia, ma ngaia are e taku nakoni B'auro, “Ko kan nako Ierutarem b'a N na motika taekam iai i bukini bukinam aikai?”

M'akuri 5:19

Ma ngke e a bong, ao e kauki mataroan nako te karabuuti ana anera te UEA, ao e kaotinakoia, ao e taku nakoia,

Ebera 1:14

Tiaki bon tamnei ni kabaneia anera, aika taani m'akuri aika kanakoaki b'a a na buokiia te koraki akana nang karekea te kamaiuaki?

2.Betero 2:9

Ma ngaia ae te Uea E ata aroni kamaiuaia man te kaririaki, aomata aika reitaki ma Ngaia, ao te aro ae E na tauia iai akana buakaka i aan te karawaawataaki i m'ain te bongi ni motiki-taeka;