M'akuri 11:30 - Te B'aib'ara

³⁰ A boni karaoia, ao a angani B'arenaba ma Tauro b'a a na nako n nikiri irouia unimm'aane.

M'akuri 11:30 Iomraidhean Croise

M'akuri 12:1

Ao ni boong naba akekei, ao e b'ainikiriniia kaain te ekaretia tabem'aang Erote are te uea.

M'akuri 12:25

Ngke a tia aia m'akuri B'arenaba ma Tauro, ao a oki mai Ierutarem, ao a kaira Ioane are arana teuana Mareko.

M'akuri 14:23

A rineia tem'angina n te ekaretia teuana b'a unimm'aanen te ekaretia anne, ao a karaoa aron aei i nanon ekaretia nako; ao ni katoa te tai are a tia ni karaoa iai aei, ao a aki mamatam, ao a tataro i bukiia b'a a na kawakinaki iroun te UEA, are a onimakinna.

M'akuri 15:2

E bo te kauntaeka ae ab'ab'aki i marenaia uakekei ma B'auro ao B'arenaba i bukin te baere a taekinna uakekei; ao a rineaki ngkanne B'auro ma B'arenaba ma raoia tabem'aang mai Antioka b'a a na nako Ierutarem nakoia taan tuatua ma unimm'aane i bukin te baere a kauntaeka iai.

M'akuri 15:23

A korea te reta b'a uotaia, ae kaangai taekana: Ti anga ara kamauri, ngaira aika taan tuatua ma taari aika unimm'aane, nakoimi ngkami aika taari aika tiaki I-Iutaia i Antioka, i Turia ao i Kirikia.

M'akuri 15:4

Ngke a roko i Ierutarem, ao a m'aneaki n akoaki iroun te ekaretia ikekei, ao irouia taan tuatua ma unimm'aane; ao a tuangiia b'aai ni kabane ake E karaoi te Atua ma ngaiia.

M'akuri 15:6

A botaki taan tuatua ma unimm'aane b'a a na iangoa te baerei.

M'akuri 16:4

Ao ngke a kabuta kaawa nako uakekei, ao a anganiia ekaretia taeka ake a motikaki irouia taan tuatua ma unimm'aane ake a mena i Ierutarem b'a a na tauu.

M'akuri 20:17

Ao e kananako B'auro mai Mireto nako Ebeto b'a a na weteaki unimm'aanen te ekaretia.

M'akuri 21:18

N te bong are i mwina ao ti airi ma B'auro n nako ni kawara Iakobo; ao a bane n roko unimm'aane iai.

M'akuri 4:36

Ao Ioteb'a, are e aranaki irouia taan tuatua b'a B'arenaba (ae nanona, “Natin te kaunga-nano”) ae te I-Kubero, ae kaain te utu ae te Rewi,

1.Timoteo 4:14

Ko na tai kaaki taekan te b'ai n tituaraoi ane i roum, are ko anganaki n te tai are a taetae ni burabeti iai burabeti ao a katokai baiia i aom unimm'aanen te ekaretia.

1.Timoteo 5:17

A riai unimm'aane aika raoiroi aia kairiri n iangoaki b'a e riai ni kataboroaki nakoia booia, ai moa ra riki nakoia te koraki aika korakora aia m'akuri ni kab'arab'ara ma n reirei;

1.Timoteo 5:19

Ko na tai butim'aea taekani bukinan te unimm'aane, ma ti ngkana iai uoman ke teniman taani kakoauaa bukinana.

Tito 1:5

I katikuko i Kirete i bukin aei, b'a ko na kaeti baike a tuai n tia, ao b'a ko na rineia naba unimm'aane n ekaretia ni kaawa nako, n ai aron are I tuangko ngkoa.

Iakobo 5:14

E aoraki temanna i buakomi? Ke e weteia unimm'aanen te ekaretia; ao a na tataro i aona, ao a na kabiria n te b'a n aran te Uea.

1.Betero 5:1

Ma ngaia ae I kani kaungaia unimm'aane akana mena i buakomi, ngai ae bon te unimm'aane naba, ao te tia nora Kristo n arona ni maraki, ao te tia buokanib'ai n te neboaki are nang kaotaki:

2.Ioane 1:1

Mairoun te unimm'aane nakon te aine ae karineaki ae rineaki ma natina akana I tangiriia ni koaua; ma tiaki ti ngaia, b'a a tangiraki naba irouia ni kabaneia ake a ata te koaua;

3.Ioane 1:1

Mairoun te unimm'aane nakoni Kaio ae tangiraki, ae I tangiria ni koaua.