M'akuri 11:23 - Te B'aib'ara

²³ Ngke e roko ao e nora aron ana akoi te Atua nakoia, ao e kim'areirei; ao e kaungai nanoia ni kabane b'a a na nim ma te UEA ma nanoia ni koaua.

M'akuri 11:23 Iomraidhean Croise

2.Uea 18:6

E rangi n ongotaeka iroun te UEA man irii nanon tua ake E anga ngkoa te UEA nakon Moote i bukiia aomata.

Taian Areru 17:3

Ko ataa nanou; Ko a tia ni kawarai n te bong; Ko a tia n nenera arou ao akea te nano ae buakaka irou. E a tia n au iango b'a n na bon aki tataekina te kewe.

Taeka n Rabakau 23:15

Natiu, ngkana kam kaota te wanawana ao n na bon kukurei,

Taeka n Rabakau 23:28

a tatauraoi nakon buakanakim kaanga aroia te koraki ni kimoa n raweia konaia temanna i mwiin temanna.

Taniera 1:8

Ao e reke ana iango Taniera b'a e na aki kam'araea ni kang kanaia ao nimaia kaain ana baareti te uea, ake am'arake aika a kam'araa. Ma ngaia are, e a butiia Atibenati b'a e na buokia,

Mataio 16:24

E taku ngkanne Iesu nakoia ana reirei, “Ngkana iai ane kan ri mwiu, ao e na kakeaa i bon i rouna, e na uota ana kaibangaki, ao e na irirai.

Mareko 2:5

Ao Iesu, ngke E noori aia onimaki, ao E taku nakon te nakibaina, “Natiu, a kab'araki am bure.”

Ioane 15:4

Kam na teimatoa n nim ma Ngai, ao N na teimatoa n nim ma ngkami. Akea te m'aanga ae kona ni kariki uaa i bon i rouna, ngkana e aki nim ma botona; ao ai aromi naba, kam aki kona ni kariki uaa, ngkana kam aki nim ma Ngai.

M'akuri 13:43

Ngke e a b'ara nako te botaki arei, ao a iraki B'auro ma B'arenaba irouia I-Iutaia aika bati ma aomata aika kakaonimaki nakoni karaoan ana kaantaninga te Atua, aika a tia n riki b'a kaain te Aro n I-Iutaia. E taetae B'auro ma B'arenaba nakoia, ni kairoroia b'a a na kairaki maiuia n taai nako n ana akoi te Atua.

M'akuri 14:22

ni kakorakorai nanoia taan onimaki, ao ni buokiia b'a a na botum'aka n onimaki, ao a kaangai, “Ti riai n ri nanon rawawata aika bati b'a ti aonga n rin n Uean te Atua.”

M'akuri 14:26

ao a borau mai iai nako Antioka, ike a tia ni mwiokoaki iai rimoa nako nanoni bain te Atua, b'a a na kairaki n ana akoi i bukin te m'akuri are a tia ngkai ni karaoia.

M'akuri 15:40

ma B'auro e rinea Tira, ao a nako, ngke a tia ni mwiokoaki taekaia nako nanoni bain te UEA, b'a a na kakab'aiaki n ana akoi.

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

M'akuri 20:32

Ao I anga ngkami ngkai nakon te Atua, ao nakon naba ana taeka n akoi, are kona ni kateimatoaingkami ma n anganingkami te kab'aia are E kawakinna i bukiia ake a kaitiakaki ni kabaneia.

M'akuri 4:36

Ao Ioteb'a, are e aranaki irouia taan tuatua b'a B'arenaba (ae nanona, “Natin te kaunga-nano”) ae te I-Kubero, ae kaain te utu ae te Rewi,

I-Rom 12:8

Ngkana te kona ni kaungaa, ao ti na kaungaia aomata; ngkana te kona ni buokanib'ai, ao ti na i buokanib'ai ma te nanoraoi; ngkana te kona ni kairiri, ao ti na karaoia nakon ara kabanea n tamaroa; ao ngkana ti kona ni karaoa te m'akuri n nanoanga nakoia aomata, ao ti na karaoia ma te nano ni kukurei.

1.I-Korinto 15:58

Ma ngaia aei, tariu, aika kam tangiraki, kam na teimatoa, ao kam na aki toki ni kakaraoi ana m'akuri te UEA, ngkai kam ataia b'a a aki matebuaka ami m'akuri i bukin te UEA.

2.I-Korinto 1:17

I nano tiotio iai ngke I karaoa au iango aei? Ke I karaoi au iango ma te nano n aomata are tauraoi n atonga ae kangai, “Eng, eng” ao “Tiaki, tiaki” n te tai ae ti teuana?

2.I-Korinto 6:1

Ao ngkai raon te Atua ni m'akuri ngaira, ao ti butingkami b'a kam na aki butim'aea ana akoi te Atua n te aro ae akea bonganana;

Te Tua-Kaua 10:20

Karinea te UEA ae Atuami, m'akuri i bukina, ao kam na berita n arana n ti Ngaia.

Te Tua-Kaua 30:20

Kam na riai ni kabanei nanomi n onimakina te UEA ae Atuami, tangiria, ao karaoi b'aai ni kabane akana E tuangkami. Bon ti te UEA ae kona n anga te maiu, ao E na kaananaui maiumi n te aba are E berita iai nakoia aia bakatibu ake Aberaam, Itaaka, ao Iakob'a.

I-Korote 1:6

are roko i roumi ao i aonnaba ni kabane: ao e kariki uaa ma n riki rake naba i nanomi man te bong are kam ongo taekana iai, ao n ata raoi ana akoi te Atua n arona ni koaua.

2.Timoteo 3:10

Ma ngkoe, ko a tia n tou mwin au reirei, ma aroarou, ma oin au kaantaninga, ma au onimaki, ma taotaonan nanou, ma au tangira, ma nanom'akau,

Iotua 22:5

Kam na riai ni kaawakin ana tua Moote ake e anganingkami are kaangai, Tangira te UEA ae Atuam, karaoa nanona, ongotaeka nakon ana mwioko, kakaonimaki nakoina, ao m'akuri i rouna ma nanom ao tamneim ni kabane.”

Iotua 23:8

Ma kam na ti kakaonimaki nakon te UEA n ai aromi n taai ake ngkoa ni karokoa ngkai.

1.Betero 5:12

E korea te reta ae kimototo Tirouano i buku, ae te tari ae I taku b'a e kakaonimaki. I kani kaungaingkami ma ni kaotiota te akoi aei b'a te akoi ni koaua ae mairoun te Atua: kam na teimatoa iai.

1.Ioane 2:28

Ma ngaia aei, ngkami aika ataei aika kam uarereke, kam na nim ma Ngaia; b'a ngkana E a manga oki Kristo, ao ti na aki maaku ma ni kaota ae ti rangi ni mamaa i Rouna i matana.

3.Ioane 1:4

Akea au kim'areirei ae bati riki nakon aei, ae te ongo b'a te koraki ake kanga natiu a b'ab'aina te koaua.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.