M'akuri 10:9 - Te B'aib'ara

⁹ Ngke e a ingabong, ngke a m'ananga i aoni kawaia ao a kaania te kaawa, ao e rierake Betero nako aon taubukin te auti b'a e na tataro iai, tao e a tawanou.

M'akuri 10:9 Iomraidhean Croise

2.Tamuera 11:2

N te tanimaeao n taai teuana, E teirake Tawita ma ni matuuna ae e uarereke ao e nanakonako i aon taubukin ana bareti.

Taian Areru 55:17

I bunra rawawatan nanou nakoina n te ingabong ao n te tawanou ao n te tairiki, Ao E na ongo b'anaau.

Ieremia 19:13

ma ni kabuoka te b'ai ni kaboiarara nako ia taian itoi i karawa, b'a kaanga manga taian anti. Ao kam a tia n anga taiani karea aika te wain nako ia antiia ianena.

Ieremia 32:29

A a kaman buakana te kaawa kaain B'aburon, ao ane a na taua ma ni kaurarakea. E a tia ni kaunai kaain Ierutarem ngke a aki toki n tatam'arake nako taubukin aia auti ma ni kabuoka te b'ai ni kaboiarara nakon B'aara ao a anga te wain nako ia anti ake tabem'aang. Ao ngkai a nang kabuokaki auti aikai ni kab'akaaki!

Taniera 6:10

Ao ngke e ataia Taniera b'a e a tia n tiainaaki te tua arei, ao e a nakoni mwengana. Ao iai wintoon ana auti ae e uki ni kaitaraa Ierutarem. Ao e nako ni katorobubua i matan te winto, ao e tataro nakon te Atua. E tataneiai n tataro tenua te tai n te bongina.

Teb'ania 1:5

N na kamaunaia ake a tam'arakei taubukin aia auti man taromauriia taai, nam'akaina, ao taian itoi. N na kamaunaia naba ake a taromauriai man berita b'a ana kakaonimaki nako iu, ao a manga rairaki nakon te anti are Marekam.

Mataio 20:5

Ma ngaia are a nako. Ao e a manga nako naba teuarei ngke e a tawanou, ao n te aoa tenua n te tanimaeaontaai, ao e a manga katotonga naba arona are rimoa.

Mataio 24:17

ane mena i aon taubukin ana auti ao e na aki ruo n anaa ana b'ai are mena i nanon te auti;

Mataio 27:45

Ngke e a tawanou, ao e roo aon te aba ni kabane ni karokoa te aoa tenua n te tanimaeaontaai.

Mataio 6:6

Ma ngkana ko tataro, naako rin n am ruu, ao kaina te mataroa, ao tataro nakon Tamam ae raba; ao E na anganiko Tamam ae raba te b'ai n tituaraoi b'a am b'ai.

Mareko 1:35

N te bong are i mwina, n te tai ae boni maan i m'ain otin taai, ao E uti, ao E oti nako, ao E nako n te tabo ae akea te maeka iai, ao E tataro iai.

Mareko 6:46

Ao ngke E kitaniia aomata, ao E nako n te maunga b'a E na tataro.

M'akuri 10:3

Ngke tao te aoa tenua n te tanimaeaontaai, ao kanga e kamiiaki: e nora raoi ana anera te Atua b'a e rin n te tabo are e mena iai, ao e kaangai nakoina, “Korenerio!”

M'akuri 6:4

Ao ngaira ti na kabanei riki ara tai n te tataro, ao n tabeakinan ana taeka te Atua.”

I-Ebeto 6:18

Ao kam na tataro n aki toki n taian tataro ni kabane ma bubuti, n ai aroni kairami iroun te Tamnei; ao kam na kamarurungngkami nako iai, ma n aki b'ara n nano, ni bubuti i bukiia ake a itiaki ni kabaneia,

1.Timoteo 2:8

Ma ngaia ae I tangiriia mm'aane b'a a na arori baiia aika aki karaoa ae buakaka ao a na tabeki rake n tataro n taabo nako, n aki un ma n aki kauntaeka.

1.Tamuera 9:25

ao a kiitana te tabo n taromauri nakon te kaawa. Ao e a tia ni katauraoaki te kainiwene i bukin Tauro i aon taubukin te auti ae boraoi are ana auti Tamuera,