M'akuri 10:42 - Te B'aib'ara

⁴² Ao E tuangiira b'a ti na tataekina te euangkerio nakoia aomata, ao ti na kaotiotia b'a boni Ngaia are rineaki iroun te Atua b'a te tia motiki taekaia akana maiu ma akana mate.

M'akuri 10:42 Iomraidhean Croise

Ruka 16:28

b'a iai niiman tariu, ao e na angania te taeka ni katauraoi b'a a aonga n aki roko n te tabo ae kamaraki aei.”

Ruka 22:22

B'a E na waki nako Natin te Aomata nakoni kawaina are katauana; ma e na reke kain te aomata are E kam'aneaki i rouna!”

M'akuri 1:2

ni karokoa te bong are E uotaki rake iai nako karawa, i mwin tiana n anga ana mwioko iroun te Tamnei are Raoiroi nakoia taan tuatua ake E a tia n rineia.

M'akuri 1:8

Ma ane kam na anganaki te m'aaka, ngkana E roko te Tamnei are Raoiroi i aomi; ao ane kam na riki b'a taan tataekinai nakoia aomata i Ierutarem ao n taabo nako i Iuta, ao i Taamaria, ao i aonnaba ni kabuta.”

M'akuri 17:31

i bukina b'a E a tia ni motika te bong are E nang kaeti iai taekaia kaain aonnaba n te raoiroi iroun te Aomata are E a tia n rineia; ao E kaota koauana nakoia aomata ni kabaneia, ngke E a manga kamaiua mai buakoia maate.

M'akuri 24:25

Ao ngke e kakarabakauakina taekan te raoiroi ma te taubaang ma te motiki-taeka are na roko, ao e taonaki n te maku ae bati Berika, ao e taku, “Ko na nako moa ngkai; ao ngkana e reke au tai, ao N na manga weteiko.”

M'akuri 5:20

“Kam na nako n tei i nanon te Tembora, ao tuangiia aomata taekan te Maiu aei ni kabane.”

I-Rom 2:16

Ma ngaia are, n reitaki ma kanoan te euangkerio ae I tataekinna, ao bon aei aron te bae e na riki n te bong arei, ngkana E motiki taekaia aomata te Atua i nanon Iesu Kristo ni kaeti ma iango ake a raba i nanoia aomata.

2.I-Korinto 5:10

B'a ti na boni bane ni kateaki i matan ana kaintoka ni motikitaeka Kristo, b'a e aonga n anganaki temanna ma temanna booni mwin ana m'akuri ni kabane ake e a tia ni karaoi n rab'atana, aika baika raraoi ke a bubuaka.

2.Timoteo 4:1

I tuangko i matan te Atua, ma Kristo Iesu, are nangi motiki taekaia akana maiu ma akana mate, ao i bukin ae E nangi roko n tautaeka b'a te Uea Ngaia:

2.Timoteo 4:8

Ao iai ngkai te kaniwanga i bukini karaoan nanon te Atua are e kawakinaki i buku, are te kaniwanga n tokanikai are E na anganai te Uea ae te Tia Motiki-taeka ae b'ab'aina te eti; ao tiaki ti ngai n anganaki, ma a na anganaki naba aomata ni kabaneia aika tangira kaotina.

1.Betero 4:5

Ane a na taekin aroia nakon Teuare tauraoi ni motiki taekaia akana maiu ma akana mate.

Te Kaotioti 1:7

Noria, E nangi nako mai Kristo ma naang; ao a na bane maata n noria, ao uake a ewaria a na noria naba; ao a na bane n tang aomata nako i aonnaba i bukin te baere e karaoaki nakoina. Eng, Amen.

Te Kaotioti 22:12

“Noria, ae N na waetata n roko ma uotau te bae N na anga nakoia aomata ni kabaneia ni kaeti ma aron aia m'akuri nako.