M'akuri 10:11 - Te B'aib'ara

¹¹ E nora karawa b'a e kaukaki, ao te b'ai teuana ae ruo, ae kanga ai aron taraan te rabuna ae ab'ab'aki, ae bae tabona ma tabona ni maninganingana ake aua, ao e nnaki rikaaki nako aontano.

M'akuri 10:11 Iomraidhean Croise

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

Itaia 43:6

N na kaangai nakon meang ao maiaki, “Kainaomataia natiu m'aane ma natiu aine! kaokiia man aaba aika a raroa.

Itaia 56:8

I berita Ngai ae te UEA b'a N na ikotiia au aomata ake a uotaki nako kiraroa, ma ni manga bootia ma ake tekorakina.

Etekiera 1:1

Ni kanimauani bongin te kaaua n nam'akaina n te katenibwi n ririki, I maeka Ngai ae Etekiera ae te ibonga are natin Buti te m'aane, ma Iutaia ake taenikai i rarikin te Karaanga are Keeb'ara i B'aburon. E uki karawa, ao I noora ana kaotioti te Atua.

Mataio 8:11

Ao I taku nako imi, b'a a na roko aomata aika bati mai mainiku, ao mai maeao, ao a na tekateka n rarikiriki n am'arake ma Aberaam, ma Itaaka, ma Iakob'a, n Uean te Atua;

Ruka 3:21

Ngke a bane n tia ni b'abetitoaki aomata, ao ngke E a tia naba ni b'abetitoaki Iesu, ao n te tai are E tataro iai ao e kaukaki karawa,

Ioane 1:51

Ao E taku nakoina, “Bon te koaua ni koaua ae I a tuangngkami: ane kam na nora karawa b'a e kaukaki, ao ana anera te Atua b'a a rierake ma n ruo rikaaki i etan Natin te Aomata.”

Ioane 11:52

ao tiaki ti i bukiia, ma E na botiia natin te Atua, ake a maae nako, n ti teuana.

Ioane 12:32

ao Ngai, ngkana I kateaki rake mai aon te aba, ao N na katiki nanoia aomata ni kabaneia b'a a na nako iu.”

M'akuri 10:12

Ao a bane ni mena i nanona manin aonnaba aika kakaeai waeia, ma maan aika kawakawa, ma mannikiba.

M'akuri 11:5

Ngke I mena n te kaawa are Iobe, ao I tataro; ao kanga ai aron ae I kamiiaki: I nora te b'ai teuana ae kanga ai aron taraan te kunnikai ae ab'ab'aki ae nnaki rikaaki ni maninganingana ake aua mai karawa, ao e toki i rarikiu.

M'akuri 7:56

ao e taku Tetebano, “Akea b'a I nora karawa b'a e kaukaki, ao Natin te Aomata b'a E tei i angaatain te Atua!”

I-Rom 1:16

B'a I aki mamaa n te euangkerio: b'a boni m'aakan te Atua ni kamaiuia aomata nako aika onimaki, aika I-Iutaia moa ao I-Erene naba.

I-Rom 9:4

ake Iteraera, ake a tabekaki iroun te Atua b'a natina, ake E kaota mimitongina nakoia, ao E karaoi taiani boraraoi ma ngaiia; E anganiia te Tua, ao e reke i rouia te aro n taromauri ni koaua, ma taeka n akoi,

I-Karatia 2:15

Ngaira bon I-Iutaia n rikira, ao tiaki aomata aika ianena aika taani bure, n aron are atoatongaki;

I-Karatia 3:28

Akea kaokoron te I-Iutaia ma te I-Erene i nanoni Kristo, ao akea kaokoron te toro ma te aomata ae inaomata, ao akea naba kaokoron te mm'aane ma te aine: b'a ti temanna ngkami ni kabaneingkami i nanoni Kristo Iesu.

I-Ebeto 1:10

ana baire aei, are E na katia karaoana ngkana e koro raoi bongina, bon te booti b'aai ni kabane aika karikaki, aika b'aini karawa ma b'ain aonnaba, b'a a na reitaki ma Kristo ao a na taraia b'a atuia Ngaia.

I-Ebeto 3:6

te kaantaninga n te baere raba aei: b'a a na raoniia Iteraera ni b'aib'ai aomata aika tiaki I-Iutaia, ma n riki b'a te rab'ata ae ti teuana ma ngaiia, ao b'a a na reke tib'angaia n te taeka n akoi ngkai a reitaki ma Kristo Iesu n te euangkerio;

I-Korote 3:11

Ao n te aro aei, akea iai te kaokoro i marenan te I-Erene ma te I-Iutaia, te itiaki ma te aki itiaki, te aomata ae tiaki te I-Erene, te I-Tekute, te toro ma te inaomata: ma ae moamoa i aoni b'aai ni kabane boni Kristo, ae E mena i roura ni kabane.

Te Kaotioti 11:19

Ao e kaukaki ana Tembora te Atua, ae te Tembora ae mena i karawa, ao e noraki te Atiniberita i nanona. Ao e itiiti ma n rebwetata te baa ma n rurunga, ao e m'aeiei te aba; ao e b'aka ni korakora te karau ae te aiti ae matoatoa.

Te Kaotioti 19:11

Ao I nora karawa b'a e uki; ao noria, te aoti ae mainaina! Ao aran teuare toka i aona boni Kakaonimaki ao Koaua; E aki ribuaka n ana moti, ao E aki naba ngkana E buaka.

Te Kaotioti 4:1

I mwin norani baikai ao I taratara nako, ao noria, te mataroa ae uki i karawa, ma te b'anaa are I ongo rimoa, are kanga ai aroni b'anaan te bu are taetae ma ngai, ae kaangai, “Mai rierake, ao N na kaoti nako im baika na bon riki i mwini baikai.”