M'akuri 1:6 - Te B'aib'ara

⁶ Ma ngaia are, ngke a botaki taan tuatua ma Iesu, ao a titirakinna ni kaangai, “Te UEA, Ko nangi manga kaoka nakoia Iteraera aroia n tautaeka n te tai aei?”

M'akuri 1:6 Iomraidhean Croise

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

Itaia 1:26

Ierutarem, N na rinea te tia motikitaeka ao te tia iango aika ai aron ake mai m'aaina. Arami ae e boou bon “Te Eti ma te Kakaonimaki.”

Ieremia 33:26

Ao N na bon karaoa naba aron anne; b'a N na aki katinanikuia naba ana kariki nako Aberaam, Itaaka, ao Iakob'a ke n urua Au berita are a na teimatoa n riki ana kariki Tawita b'a aia Uea. N na akoia Au aomata aika Iteraera, ao a na manga okira aroia n teetekeraoi.

Taniera 7:27

Ao m'aakan ma korakoran taian tautaeka ni kabane n te aonnaba a na bane n anganaki ana Aomata te Atua. E na bon akea tokini m'aakan ana tautaeka, ao a na bane n toro i rouna taan tautaeka n te aonnaba ma n ongotaeka i rouna.”

Otea 3:4

E na bon maan naba te tai i m'aain reken uean Iteraera ke i m'aain are e anga te aba iai taiani karea i nanon te tembora ke i m'aain are a reke taian kawai are ti na kairaki iai iroun te Atua.

Amota 9:11

E taku te UEA, “E na roko te bong are N na manga kaoka iai uean Tawita b'a kaanga ai aron te bata ae b'aka n uruaki, ao N na manga katei oona ma b'aina nako. N na kateia ni kaoka arona are rimoa,

Mika 5:2

E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Mataio 17:11

Ao E kaekaia Iesu ni kangai, “E na nako mai moa Eria, ao e na kaeti b'aai nako.

Mataio 20:21

Ao E taku Iesu nako ina, “Tera ae ko tangiria?” E taku neierei nako Ina, “Ko na tua b'a a na tekateka natiu aika uoman aikai, temanna i angaataim, ao temanna i angamaingim, ngkana Ko a taua nakoam n uea.”

Mataio 24:3

Ngke E tekateka Iesu i aon te maunga are Oriweta, ao a nako Ina ana reirei ngke ti ngaiia, ao a kangai, “Ko na tuangiira b'a e na roko n ningai? Ao tera kanikinaean rokom ma tokin aonnaba?”

Mareko 9:12

Ao E taku nako ia, “E na bon roko moa Eria b'a e na katauraoi b'aai ni kabane. Ma e aera ngkae e koreaki n te B'aib'ara b'a e na kabatiaki karawawatan Natin te Aomata, ao E na ribaaki?

Ruka 17:20

Ngke E titirakinaki Iesu irouia B'aritaio b'a e na roko n ningai Uean te Atua, ao E kaekaia ni kangai, “Akea kanikina ake a na tuangngkami te tai are e na roko iai uean te Atua.

Ruka 19:11

Ngke a tabe n ongora aomata ni baikekei, ao E a manga reita nako ana taeka Iesu n te rongorongo ni kabotau, i bukina ngke e a kaan ma Ierutarem, ao i bukina ngke a taku n aia iango b'a e na karina ni kaoti Uean te Atua.

Ruka 22:29

ao n aron Tamau ngkae E a tia n anganai te kona n tautaeka, ao Ngai N na anganingkami naba te kona anne;

Ioane 21:21

Ma ngaia are, ngke e noria Betero, ao e taku nakon Iesu, “Te Uea, e kanga aron teuaei?”