M'akuri 1:10 - Te B'aib'ara

¹⁰ Ngke a bon tabe naba n tara rake n tara karawa, ngke E nako Iesu, ao noria, a tei i rarikiia uoman te aomata aika kunnikaiia ni kunnikai aika mainaina;

M'akuri 1:10 Iomraidhean Croise

2.Uea 2:10

Ao e taku Eria, E na bon kangaanga reken anne, ma ti ngkana ko noorai ngkana I a uotaki nako.

Taniera 7:9

Ngke I bon tabe ni mamataku, ao e katukaki te kaintoka ni motikitaeka ni nnena. Ao e tekateka i aona Teuare e maiu n akea tokina. A mainaina kunnikaina n ai aron te tinoo, ao irana kaanga ai aron buraen te tiibu ae e boou. E toka ana kai ni motikitaeka i aon wiira aika taian ai aika a ura,

Mataio 17:2

A nora Iesu b'a e bitaki taraana, ao e oota moana n ai aron taai, ao a taraa ni mainaina n raneanea kunnikaina n ai aron te oota.

Mataio 28:3

Ao e oota ubuna kaanga ai aron te iti, ao e mainaina kunnikaina n ai aron te tinoo.

Mareko 16:5

Ngke a rin n te nne ni mate, ao a nora te teinimm'aane temanna ae tekateka n te angaatai, ao e b'ainna n te kunnikai ae mainaina ae m'arairai; ao a mimi.

Ruka 24:4

Ngke a minotaki aia iango n te b'ai are riki, ao noria, a tei uomani mm'aane i rarikiia aika a b'ainiia ni kunnikai aika raneanea.

Ioane 20:12

ao e nooriia uoman te anera aika kunnikaiia ni kunnikai aika mainaina, ao a tekateka n te tabo are e a tia ni wene iai rab'atan Iesu, temanna ni nen atuna, ao temanna ni neni waena.

M'akuri 10:3

Ngke tao te aoa tenua n te tanimaeaontaai, ao kanga e kamiiaki: e nora raoi ana anera te Atua b'a e rin n te tabo are e mena iai, ao e kaangai nakoina, “Korenerio!”

M'akuri 10:30

Ao e taku Korenerio, “Tao n te tai naba aei tenua te bong n nako, ao I tabe n tataro n au auti n te aoa tenua n te tanimaeaontaai, ao akea b'a e tei te aomata temanna i matau ma kunnikaina ae raneanea,

Te Kaotioti 3:4

Ma iai araia tem'angina i roum ikanne i Tareteiti ake a tuai ni kabaarekai kunnikaia: a na nakonako ma Ngai ni kunnikaiia ni kunnikai aika mainaina, b'a a bon tau.

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.