I-Rom 9:7 - Te B'aib'ara

⁷ ao ana kariki Aberaam tiaki naba natin te Atua ngaiia ni kabaneia, b'a E kaangai te Atua nakon Aberaam, “A na atongaki ana kariki Itaaka b'a am kariki.”

I-Rom 9:7 Iomraidhean Croise

Karikani B'aai 21:12

Ma E taku te Atua nakon Aberaam, “Ko na tai raraoma iroun te ataei ma Nei Aka are te toro. Karaoa te b'ai ane tuangko Nei Taara, i bukina b'a N na karekeia kanoam iroun Itaaka n aron au berita ngkoa nakoim.

Mataio 3:9

ao tai taku i nanomi ni kangai, Iai tamara b'a Aberaam; b'a I taku nako imi, b'a E kona te Atua ni karikiia natin Aberaam man atibu aikai!

Ruka 16:30

Ao ngaia e kangai, “Tamau ae Aberaam, tiaki; ma ngkana iai mai buakoia maate ae nako ni kawariia, ao ane a na rairi nanoia iai.”

Ruka 3:8

Kam na kariki uaa aika a na kaotia b'a kam a tia n rairi nanomi, ao kam na aki taku i nanomi, ni kangai, Tamara Aberaam: b'a I taku nako imi, E kona te Atua ni karikiia natin Aberaam man atiibu aikai.

Ioane 8:33

A taku nakoina, “Kanoan Aberaam ngaira, ao akea ae ti a tia n toronaki i rouna. Tera ngkanne nanon am taeka, ngke Ko kaangai: Kam na kainaomataki?”

I-Karatia 4:23

Teuare natin te aine are te toro e bungiaki n aroni bungiakiia aomata; ma teuare natin te aine are te inaomata e riki b'a kakoroan nanon te taeka n akoi.

I-Karatia 4:28

Taari, natin te taeka n akoi ngaira, n ai aron Itaaka.

I-Biribi 3:3

B'a boni ngaira ma ngkami kaain te korotabonim'aneaki ni koaua, aika ti taromauria te Atua iroun Tamneina, ma ni kamoamoa irouni Kristo Iesu, ao ti aki onimakina te rab'ata,

Ebera 11:18

boni ngaia are e atongaki ae kangai nako ina, “A na atoatongaki am kariki nako i nanon Itaaka.”