I-Rom 9:3 - Te B'aib'ara

³ Ao e bia reke kaiu, ma ni karaureaki ma Kristo i bukiia tariu ake au bu n te katei n aomata;

I-Rom 9:3 Iomraidhean Croise

Karikani B'aai 29:14

ao e taku Raab'an, “Eng, bon te koaua b'a bon irikou, ao raraau ngkoe.” Ao e tiku ikekei Iakob'a n te nam'akaina arei.

2.Tamuera 18:33

Ao e a ruru Tawita. Ao i mwiina, e waerake nakon te ru are i etan mataroan te kaawa n tang iai. Ao e b'aeb'aeti ngke e tabe ni m'ananga ao e taku, “Natiu ae Abetarom! Natiu ae Abetarom! Natiu, natiu ae Abetarom! Tera ngke I mate n onea mwiim! Abetarom, natiu, natiu!”

Etita 8:6

N na kangaa ni waaki nako ngkana e roko te kabuanib'ai aei i aoia au aomata, ao a tiringaki oin au utu?

Te Otinako 32:32

Ma I a buubutiiko te UEA b'a ko na kab'araa aia bure. Taiaoka kamaunaa arau man am boki ngkana Ko aki kab'araa aia bure.

M'akuri 13:26

Mm'aane, taari, ngkami akana kam riki mairoun Aberaam! Ao akana maaka naba te Atua i buakomi, e kanakomaiakaki taekan te kamaiu aei nako ira.

M'akuri 22:5

Ana kona ni kakoauaa aia mataniwi ibonga ma te botaki n unimm'aane b'a i bon taekina te koaua. I karekea naba mai rouia reeta nakoia taari i Tamateko, ao I m'ananga nako ikekei b'a N na tauia iai, ao N na kabaeia ni kairiia nako Ierutarem, b'a a na karekeaki kaiia.

M'akuri 28:21

Ao a taku aomata akekei nakoina, “Akea reeta aika tia n reke iroura mai Iutaia i bukin taekam, ao akea naba irouia ara koraki ae roko ikai n tuangiira ke n taekina arom ae buakaka.

I-Rom 1:3

bon taekan Natina, are Iesu Kristo, are bungiaki n te aro n rab'ata b'a kanoan ana kariki Tawita;

I-Rom 11:1

E kaangai ngkanne au titiraki, E kaaki taekaia ana botannaomata te Atua? E bon aki! Bon te Iteraera naba ngai, ae kanoan Aberaam, ae kaain te baronga are Beniamin.

I-Rom 11:14

B'a a aonga ni bakantang kaain au botannaomata; ao n te aro anne a kona iai ni kamaiuaki tabem'aang i buakoia iroun te Atua n au m'akuri.

I-Rom 16:11

Anga au kamauri nakon au bu are Erorion. Anga au kamauri nakon ana utu Narekito, ake a onimakina naba te UEA.

I-Rom 16:21

E kamauringkami Timoteo, are raou ni m'akuri; ao a kamauringkami naba au bu aika Roukio, ma Iaton, ma Totibatero.

I-Rom 16:7

Anga au kamauri nakon Anteroniko ma Nei Iunia, ake au bu, ake a mena ma ngai n te karabuuti; a rangi ni kinaki irouia taan tuatua, ao a onimakina Iesu i m'aiu.

I-Rom 9:2

b'a e bati rawaawatau ma korakain nanou ae aki kona n toki.

1.I-Korinto 12:3

Ma ngaia ae I kaotia nako imi, b'a bon akea ae kairaki iroun Tamnein te Atua, ae e kangai, “Ke e reke kain Iesu!” Ao akea ae kona ni kangai, “Te UEA Iesu”, ma ti ngkana e kairaki iroun te Tamnei are Raoiroi.

1.I-Korinto 16:22

Ngkana arona b'a iai ane aki tangira te UEA, ao ke e reke kaina. M'arana ta!

2.I-Korinto 12:15

Ma moan te kukurei ngai b'a N na kabane au b'ai, ma n anga boni ngai, i bukini maiumi. E na karako tangirau i roumi i bukina ngkai I rangi n tangiringkami?

I-Karatia 1:8

Ma ngkana tao ngaira ke te anera mai karawa, ae e na taekina te euangkerio riki teuana i rarikin are ti taekinna nakoimi, ao ke e reke kaina.

I-Karatia 1:9

N aron are ti a tia n atongnga ngkoa, ao I a manga atongnga naba ngkai, Ngkana tao e taekinaki iroun te aomata temanna te euangkerio riki teuana i rarikin are kam anganaki, ao ke e reke kaina.

I-Karatia 3:10

B'a a nangi reke kaiia aomata aika bati aika karaoi baika tangiraki n te Tua; b'a e a tia ni koreaki ae kaangai, “E na reke kain te aomata ae aki teimatoa ni karaoi b'ai ni kabane ake a koreaki ni bokin te Tua!”

I-Karatia 3:13

E kainaomataira Kristo man te rekenikai are n te Tua, ngkae E karaoa are E na reke kaina iai i bukira, b'a e koreaki ae kaangai, “E a reke kain te aomata ae tauraki n te kai:”

I-Ebeto 6:5

Ao ngkami tooro, kam na ongotaeka irouia ami toka aika aomata, n ruru ni maku, ao karaoia ma te nano ni koaua, n ai aromi n ongotaeka irouni Kristo.

Te Tua-Kaua 21:23

ma kam na aki katuka rab'atana ikanne ni karokoa te moaningabong. Kam na taunna naba n te bong anne, b'a rimwi ao e na kamaraia aon te aba ni kabane te UEA i bukin te rab'ata ae mate. E anganingkami te aba aei te UEA b'a abami, ma ngaia are, kam na aki kam'araea aon te aba ni katuka rab'atan te tia bure i aon te aroka.

1.Tamuera 14:44

“Eng Ionatan, I tuea nakon te Atua b'a ko riai ni mate.”