I-Rom 8:1 - Te B'aib'ara

¹ Ma ngaia ae akea te moti ni kabuakakaia akana mena i nanoni Kristo Iesu.

I-Rom 8:1 Iomraidhean Croise

Itaia 54:17

A na aki nakoraoi taiani b'ainibuaka akana a karaoaki i bukin buakanakimi; ao a na aki konaa ni kamarakingkami taian taeka akana a ekinakoingkami. Bon am b'ai au tia m'akuri are Ierutarem! I berita Ngai ae te UEA b'a N na kakab'aiako n te tokanikai.

Etekiera 18:9

ao e kakaonimaki n ongotaeka nakon au Tua ma au reirei nako. E rangi n raoiroi te aro aei, ao I berita b'a e na reke maiuna.

Ioane 14:20

N te bong arei, ao kam na ataia b'a I mena i nanon Tamau, ao ngkami i nanou, ao Ngai i nanomi.

Ioane 15:4

Kam na teimatoa n nim ma Ngai, ao N na teimatoa n nim ma ngkami. Akea te m'aanga ae kona ni kariki uaa i bon i rouna, ngkana e aki nim ma botona; ao ai aromi naba, kam aki kona ni kariki uaa, ngkana kam aki nim ma Ngai.

Ioane 5:24

“Bon te koaua ni koaua ae I a tuangngkami, b'a ane ongo au taeka ao e onimakina Teuare kanakomaiai, ao e na reke i rouna te maiu are aki toki. E na aki motikaki taekana; e a tia ni kitana te kawai are e na mate iai, ao e a toua te kawai are e na maiu iai.

I-Rom 16:3

Kam na anga au kamauri nakon Nei Beritika ma teuare Akura, ake raou ni m'akuri i bukini Kristo Iesu,

I-Rom 16:7

Anga au kamauri nakon Anteroniko ma Nei Iunia, ake au bu, ake a mena ma ngai n te karabuuti; a rangi ni kinaki irouia taan tuatua, ao a onimakina Iesu i m'aiu.

I-Rom 5:1

Ma ngaia aei, ngkai a kaetaki arora n reitaki ma te Atua n te onimaki, ao e a reke iroura te raoi ma te Atua iroun ara UEA are Iesu Kristo;

I-Rom 5:16

Ao iai te kaokoro i marenan te b'ai n tituaraoi ma ana bure te aomata ae temanna: b'a i mwin te bure ae teuana ao e roko te moti ni kabuakaka; ma i mwini buure aika bati ao e roko te b'ai n tituaraoi are motikan taekam b'a ko aki bure.

I-Rom 7:17

Ma tiaki ngai ngkai ae I karaoia, ma e karaoia te bure ae maeka i nanou.

I-Rom 7:20

Ma ngkana I karaoa ae I aki kani karaoia, ao ai tiaki ngai ae I karaoia, ma e karaoia te bure ae maeka i nanou.

I-Rom 8:11

Ma ngkana E maeka i nanomi Tamnein te Atua, are manga kamaiua Iesu mai buakoia maate, are maeka i nanomi, ao te Atua are kamaiua Kristo Iesu mai buakoia maate E na kamaiu naba rab'atami iroun Tamneina.

I-Rom 8:14

B'a akana kairaki iroun Tamnein te Atua ao bon natin te Atua.

I-Rom 8:2

B'a ana tua te Tamnei, are karekea te maiu nako ira i nanoni Kristo Iesu, e kainaomataai man ana tua te bure ma te mate.

I-Rom 8:34

Ao antai ae na kabureia? Kristo Iesu boni Ngaia are mate, are E a manga uti mai buakoia maate, ao are E mena naba i angaatain te Atua ni bububuti i bukira.

I-Rom 8:39

ke te rietaata, ke te rinano, ao e aki kona naba te b'ai teuana ae karikaki, ni karaureira ma tangirara iroun te Atua, are i nanoni Kristo Iesu are ara UEA.

I-Rom 8:4

B'a e aonga ni karaoaki nanon te Tua iroura ngaira aika ti maiu n aron nanon te Tamnei, ma tiaki n aron nanon te rab'ata.

I-Rom 8:9

B'a kam aki maiu n aron nanon te rab'ata, ma kam maiu n aron nanon te Tamnei ngkae E maeka i nanomi Tamnein te Atua. Ao ngkana akea Tamneini Kristo iroun te aomata, ao tiaki ana aomata.

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

1.I-Korinto 15:22

B'a ngke e reke te mate irouia aomata ni kabaneia mairoun Atam, ao ai aroia naba b'a a na bane n reke i rouia te manga uti mairouni Kristo.

2.I-Korinto 12:2

I ata te aomata ae onimakina Kristo ae uotaki rake nakon te katenua ni karawa, tengauni ma a ririki n nako. E uotaki rake ngke tao e mena n rab'atana, I aki ataia; ke ngke tao e aki, I aki ataia naba; ma E ataia te Atua.

2.I-Korinto 5:17

Ma ngaia aei, ngkana e reitaki te aomata ma Kristo, ao e riki b'a te aomata ae boou; a nako aaro nikawai; noria, a roko aika boou.

I-Karatia 3:13

E kainaomataira Kristo man te rekenikai are n te Tua, ngkae E karaoa are E na reke kaina iai i bukira, b'a e koreaki ae kaangai, “E a reke kain te aomata ae tauraki n te kai:”

I-Karatia 3:26

B'a kam a riki b'a natin te Atua ngkami ni kabaneingkami n onimakinan Kristo Iesu.

I-Karatia 3:28

Akea kaokoron te I-Iutaia ma te I-Erene i nanoni Kristo, ao akea kaokoron te toro ma te aomata ae inaomata, ao akea naba kaokoron te mm'aane ma te aine: b'a ti temanna ngkami ni kabaneingkami i nanoni Kristo Iesu.

I-Karatia 5:16

Ma aio au taeka: Kam na kairaki iroun te Tamnei, ao ane kam na aki karaoa nanon te rab'ata ni kaib'ab'aru n aron are e tangiria.

I-Karatia 5:25

Ngkana te Tamnei ae ti maiu i rouna, ao boni Ngaia naba ae na kairi maiura.

I-Ebeto 1:1

Mairouni B'auro, ae ana tia tuatua Kristo Iesu n nanon te Atua, nakoia ake a itiaki ake i Ebeto ake a teimatoa ni katiteuanaki ma Kristo Iesu ni maiuia:

I-Biribi 3:9

ao I aonga n noraki n arou n reitaki ma Ngaia, b'a e aki reke kaetan arou n reitaki ma te Atua n te Tua, ma e reke n onimakinani Kristo; kaetan arou aei boni mairoun te Atua, ao e reke i bukin te onimaki.