I-Rom 7:7 - Te B'aib'ara

⁷ Ao tera ngkanne ae ti na taekinna? Te bure te Tua? Bon tiaki. Ma I aki bure ngke akea te Tua: b'a I aki ata te mataai, ngke e aki kaangai te Tua, “Ko na tai mataai.”

I-Rom 7:7 Iomraidhean Croise

Karikani B'aai 3:6

Ao e noora te kai arei te aine b'a e tamaroa taraana, ao e rangi n raoiroi uaana n te kanaki, ao e a anaaki riki nanona ngke e na wanawana iai. Ma ngaia are, e anai uaana ao e kang. Ao i mwiina, e a manga angan teuare buuna, ao e kanna naba teuarei.

2.Tamuera 11:2

N te tanimaeao n taai teuana, E teirake Tawita ma ni matuuna ae e uarereke ao e nanakonako i aon taubukin ana bareti.

Taian Areru 119:96

I a tia ni kakoaua b'a iai tokini b'aai nako; Ma akea tokin am Tua.

Te Otinako 20:17

Tai mataiakina ana auti te aomata temanna, ke n tataana buuna, ke ni mataiakina ana toro, ana tiibu, ana aati, ke ana b'ai ni kabane.”

Mika 2:2

Ngkana a mataiakina te tawaana, ao a taua naba. Ngkana a mataiakina te auti, ao a anaia naba. Ao a akea inaomataia aomata n aia utu, ao aia b'ai naba.

Mataio 5:28

Ao Ngai I taku nako imi b'a ane tarataraa te aine n iango i nanona b'a e na wene ni botaki ma ngaia, ao e a tia ni wene ni bure ma ngaia i nanona.

Ruka 12:15

Ao E a manga taku riki nako ia, “Tarataraingkami! ao kawakiningkami man te mataai ni kanib'aib'ai ni kabane; b'a maiun te aomata, e aki mena n ana b'ai, e ngae ngkana a reke i rouna ni m'aiti.”

Ruka 20:16

“Ane e na roko ni kamateia taan ribana akekei, ao ane e na anga nneni kureebe nakoia aomata tabem'aang.” Ngke a ongo aei aomata, ao a taku, “E na aki riki aei!”

M'akuri 20:33

I aki mataiakina ana tirewa te aomata, ma ana koora, ma ana kunnikai.

I-Rom 13:9

B'a aikai tuua, “Ko na tai wene ni bure; Ko na tai kamateia aomata; Ko na tai ira; Ko na tai mataai” ao ngkana tao iai riki, ao a bane i nanon te tua ae kaangai, “Ko na tangira raom n ai aron tangiram i bon i roum.”

I-Rom 3:20

B'a akea i matan te Atua te aomata ae e na kaetaki arona n reitaki ma Ngaia ni karaoan nanon te Tua; b'a e ataaki raoi te bure n te Tua.

I-Rom 3:5

Ma ngkana e kaota aron te Atua arora aika aki eti b'a E karaoa ae e eti, ao tera ara taeka iai? E karaoa ae buakaka te Atua ngke E kareke kai? (I taetae n ai aroia aomata.)

I-Rom 4:1

Ao tera ae ti na taekinna b'a iai iroun Aberaam, are ara bakatibu n te maiu n rab'ata?

I-Rom 4:15

B'a irian te tua bon te reke ni kai; ma ike akea te tua iai, ao akea naba riaoana iai.

I-Rom 5:20

Ma e roko te Tua b'a e aonga ni m'aiti te bure; ma ike e m'aiti iai te bure, ao e a manga m'aiti riki iai te akoi.

I-Rom 6:15

Tera ngkanne? Ti na bure, ngkai ti aki mena i aan te tua, ma ti mena i aan te akoi? Ti na aki.

I-Rom 7:11

B'a te bure, ngke e reke ana tai, ao e burebureai n taekan te Tua, ao e kamateai iai.

I-Rom 7:13

E kona ngkanne te bae e raoiroi ni karekea ae N na mate iai? E bon aki. Ana m'akuri te bure aei: e karekea ae N na mate iai ni kamanenan te bae e raoiroi, b'a e aonga ni kaotaki arona b'a bon te bure ni koaua; ao tokina e a riki ni buakaka riki arona n ana taeka te Atua are n te Tua.

I-Rom 7:5

B'a ngke ti maiu n iri nanon rab'atara, ao a m'am'akuri i nanoni b'ain rab'atara naano aika kani kakaraoa te bure, aika naano aika bwebwerake ngkai iai te Tua; ao a kariki uaa aika ana b'ai te mate.

I-Rom 7:8

Ma te bure, ngke e reke ana tai, ao e kariki i nanou taiani mataai; ao e karaoa aei ri nanon taekan te Tua. b'a ngke akea te Tua, ao akea te bae e kona ni karaoia te bure.

1.I-Korinto 15:56

Te bure boni ngaia ana b'ai ni kaikoaki te mate, ao korakoran te bure bon te Tua.

I-Ebeto 5:3

Ma ngkai aomata aika itiaki ngkami, ao e aki riai b'a e na taekinaki b'a iai te wene ni bure, ma te kammaira nako, ma te mataai ni kani b'aib'ai i buakomi;

Te Tua-Kaua 5:21

Kam na tai mataiakina aia b'ai tabem'aang. Kam na aki tataana buun temanna, ke nimataaiakina aia auti, abaia, aia toro, aia kao, aia aati, ke aia b'ai riki tabeua.

I-Korote 3:5

Ma ngaia ae kam na kamate aron rab'atami akana b'ain aon te aba, aika te wene ni bure, te kammaira, te kaib'ab'aru, te tangira ae buakaka, ao te mataai ni kanib'aib'ai ae ti te bo arona ma taromaurian te bouannanti.

1.I-Tetaronike 4:5

ma tiaki n te aro ni kaitataan ni kaib'ab'aru n ai aron ae noraki irouia aomata aika tiaki I-Iutaia aika aki ata te Atua.

Ebera 7:19

B'a akea te bae e kona ni kakororaoia te Tua; ma iai te kaantaninga ae raoiroi riki, are ngaia ae ti a kona iai n roko ni kaania te Atua.

Iotua 7:21

I noora niiniiran B'aburon ae e rangi n tamaroa i buakon taian b'ai ni kuri, ao I noora naba nimaua te rawawata te tirewa, ao te m'akoro ni koora ae nakon teuana te b'auna rawawatana. I rangi ni mataai iai ao I a anai naba ni karabai. Ao I tauni i aan au auti n rianna, ao I kamenaa te tirewa n te kabanea mai nano.”