I-Rom 7:11 - Te B'aib'ara

¹¹ B'a te bure, ngke e reke ana tai, ao e burebureai n taekan te Tua, ao e kamateai iai.

I-Rom 7:11 Iomraidhean Croise

Karikani B'aai 3:13

Ao E a manga titirakina neierei te UEA ae te Atua ni kaangai, “E aera ngkai ko karaoa aei?” Ao e kaeka neierei ni kaangai, “E kam'aneai te naeta b'a N na kanna.”

Itaia 44:20

E kaanga te aomata n akea kanoan ana iango n taromauria te b'ai ae e konaa ni kabuokaki ni kamannangaki? Bon akea ae e konaa ni kamaiuia n aron anne. A bon aki ataia b'a te bouannanti are a taui i nanoni baiia bon tiaki taian atua ni koaua?

Ieremia 17:9

Kam rangi ni kam'aam'ane ngkami aika kaain Iuta n te aro are kam a manga bon kananobabaingkami i bon iroumi, ao kam aki konaa ni bitaki.

Ieremia 49:16

E burebureingkami te kainikatonga b'a kam na iangoia b'a a taraingkami botannaomata ake tabeua ma te maaku. Kam maeka i buakon taabo aika a katati rikaaki ao i aon taiani maunga kaanga taian ikare, ma bon Ngai ae te UEA ae N na uotiko rikaaki.

Ob'aria 1:3

Ko rangi ni kamoamoa, kioina ngke ko nonoa atun am tautaeka n taian b'aa aika a matoatoa, ao ko maeka i taubukin maunga aika a ririeta. Ma e kam'aneko am kainikatonga anne ao ko taku i nanom, “Antai ae kona ni katikai rikaaki?

I-Rom 3:20

B'a akea i matan te Atua te aomata ae e na kaetaki arona n reitaki ma Ngaia ni karaoan nanon te Tua; b'a e ataaki raoi te bure n te Tua.

I-Rom 7:13

E kona ngkanne te bae e raoiroi ni karekea ae N na mate iai? E bon aki. Ana m'akuri te bure aei: e karekea ae N na mate iai ni kamanenan te bae e raoiroi, b'a e aonga ni kaotaki arona b'a bon te bure ni koaua; ao tokina e a riki ni buakaka riki arona n ana taeka te Atua are n te Tua.

I-Rom 7:8

Ma te bure, ngke e reke ana tai, ao e kariki i nanou taiani mataai; ao e karaoa aei ri nanon taekan te Tua. b'a ngke akea te Tua, ao akea te bae e kona ni karaoia te bure.

I-Ebeto 4:22

Kam na kaaki te aomata nikawai are aromi ni maiu ngkoa, are riki ni buakaka i bukin iran taian nano n kaib'ab'aru aika a m'am'anaa te aba.

Ebera 3:13

Ma kam na i kaungaingkami n te bong ae koraki, ngkae e atongaki b'a Te bong aei; b'a e kawa temanna i buakomi ni m'am'anaki n te bure ao e riki ni matoatoa iai nanona.

Iakobo 1:22

Kam na aki m'am'anaingkami n iangoia b'a ti taan ongora ngkami n ana taeka te Atua; ma kam na riki b'a taan toua mwina.

Iakobo 1:26

Ngkana e taku temanna b'a e taua te Aro, ao e aki kona n taua tian ana taeka, ao e boni m'am'anaia i bon i rouna, ao akea nanon tauan te Aro i rouna.