I-Rom 7:1 - Te B'aib'ara

¹ Kam aki ataia tariu, b'a I taetae nakoia ake a ata te tua-b'a e tautaeka te tua i aon te aomata ni kabanea ana bongi ni maiu?

I-Rom 7:1 Iomraidhean Croise

Etira 7:25

Etira, ko na kamanenaa te wanawana ane e a tia n anganiko te Atua n rineia mataniwi, ao taani kairiiri ake a na tararuaia kaain m'akoron te tautaeka are i Maeao. A na riai taani kairiiri aikai n ataa ana tua te Atua, ao a na reireiniia aomata ni kabane aika a aki ataia.

Taeka n Rabakau 6:23

Bon te taura ana Tua te UEA, ao e oota n raaitiiti ana reirei. Te kaetaki ma tauan aromi i bon iroum boni ngaia are e na kairiko nakon te maiu.

I-Rom 1:13

Ma I tangiringkami, tariu, b'a kam na ataia b'a e m'aiti au tai ae I a tia ni baireia b'a N na nakoimi iai, ma iai te b'ai ae aki toki n tototokoa m'anangau ni karokoa naba te tai aei. I kan rairiia naba tem'angina i buakomi nakon te UEA, n ai aroia ake a tia n rairaki i rou i buakoia botannaomata ake tiaki I-Iutaia.

I-Rom 10:1

Taari, aio ae tangiraki i nanou ao au tataro nakon te Atua i bukiia Iteraera, b'a a na kamaiuaki.

I-Rom 10:4

B'a Kristo E a tia ni katoka bonganan te Tua i bukiia ake a reke i rouia kaetan aroia n reitaki ma te Atua n aia onimaki.

I-Rom 6:14

B'a e na aki uea te bure i aomi; b'a kam aki mena i aan te tua, ma kam mena i aan te akoi.

I-Rom 6:3

Kam aki ataira ngaira aika ti b'abetitoaki nako nanoni Kristo Iesu b'a ti b'abetitoaki nako nanoni matena?

I-Rom 7:6

Ma ngkai ti a nako mai aan te Tua, ao akea i aora m'aakan te baere ti tauaki iai ngkoa; ma ngaia are ti a aki toronaki n te tua nikawai are koreaki, ma ti a toronaki n te maiu ae boou are mairoun te Tamnei.

I-Rom 9:3

Ao e bia reke kaiu, ma ni karaureaki ma Kristo i bukiia tariu ake au bu n te katei n aomata;

1.I-Korinto 9:8

I aki taekini baikai man te iango n aomata. Tiaki b'a aei naba ae e taekinna te Tua?

I-Karatia 4:21

Kam na tuangai, ngkami aika kam kani mena i aan te Tua, kam aki ataia b'a tera ae e taekinna te Tua