I-Rom 6:4 - Te B'aib'ara

⁴ Ma ngaia ae ti taunaki ma Ngaia ni b'abetitoakira nako nanon te mate; b'a aron Iesu ngke E a manga kamaiuaki mai buakoia maate ni m'aakan te Tama, ao ngaira naba ti na nakonako i nanon te maiu ae boou.

I-Rom 6:4 Iomraidhean Croise

Ioane 11:40

E taku Iesu nakoina, “Tiaki I a tia n tuangko b'a ngkana ko onimaki ao ko na nora iai m'aakan te Atua?”

Ioane 2:11

Aei te moa ni m'akuri ae kamimii are E karaoia Iesu i Kana i Kariraia; E kaota iai arona b'a E mimitong, ao a onimakinna ana reirei.

M'akuri 2:24

ma E a manga kamaiua te Atua ao E kainaomata man te mate: b'a E aki konaaki n tauaki Iesu ni m'aakan te mate.

M'akuri 2:32

E a manga kamaiuaki Iesu aei iroun te Atua, ao bon taani kakoaua manga-utina ngaira ni kabaneira.

I-Rom 6:19

I taetae n ai aroia aomata i bukini mamaran ami atatai; b'a aromi ngke kam anga b'ain rab'atami ngkoa b'a kaanga ana toro te kammaira ma te akiako n akea tuaami iai, ao ai aromi naba ngkai, b'a kam na anga b'ain rab'atami b'a tooro i bukini karaoan te eti, b'a kam aonga n riki b'a ana aomata ni koaua iai te Atua.

I-Rom 6:3

Kam aki ataira ngaira aika ti b'abetitoaki nako nanoni Kristo Iesu b'a ti b'abetitoaki nako nanoni matena?

I-Rom 6:8

Ao ngkana ti mate ma Kristo, ao ti kakoaua b'a ti na boni manga uti naba ma Ngaia,

I-Rom 6:9

ngkai ti ata Kristo b'a E aki manga mate ngkae E a tia ni manga uti mai buakoia maate-e aki manga m'aaka te mate i aona.

I-Rom 7:6

Ma ngkai ti a nako mai aan te Tua, ao akea i aora m'aakan te baere ti tauaki iai ngkoa; ma ngaia are ti a aki toronaki n te tua nikawai are koreaki, ma ti a toronaki n te maiu ae boou are mairoun te Tamnei.

I-Rom 8:11

Ma ngkana E maeka i nanomi Tamnein te Atua, are manga kamaiua Iesu mai buakoia maate, are maeka i nanomi, ao te Atua are kamaiua Kristo Iesu mai buakoia maate E na kamaiu naba rab'atami iroun Tamneina.

1.I-Korinto 6:14

E a manga kamaiuaki te UEA mai buakoia maate iroun te Atua, ao E na boni kamaiura naba ni m'aakana.

2.I-Korinto 13:4

B'a E tauraki n te kaibangaki i bukini mamarana, ma E a manga uti ni m'aakan te Atua. B'a ti mamara n ai aroni Kristo, ma n reitakira ma ngkami ao ti na maiu ma Ngaia ni m'aakan te Atua.

2.I-Korinto 5:17

Ma ngaia aei, ngkana e reitaki te aomata ma Kristo, ao e riki b'a te aomata ae boou; a nako aaro nikawai; noria, a roko aika boou.

I-Ebeto 4:17

Ma ngaia ae aei au taeka, ae I kamatoa nakoimi n reitaki ma nanon te UEA, b'a kam na tai manga katotongiia aomata aika tiaki I-Iutaia n aroni maiumi, ngkai a maiu ma aia iango aika akea bonganaia;

I-Ebeto 5:8

B'a kanga te roo ngkami ngkoa, ma ngkai ai kanga te oota, ngkai kam a onimakina te UEA. Kam na nakonako n ai aroia natin te oota;

I-Korote 3:10

ao kam a tia ni karina i aomi te aomata ae boou, are e teimatoa arona ni kakabouaki iroun Teuare karikia b'a katotongana, b'a kam aonga n ataia raoi.

I-Korote 4:1

Tooka, kam na karaoa ae riai ao ae eti n aromi nakoia ami toro; ngkai kam ataia b'a bon iai ami Toka i karawa.

1.Betero 3:21

Ao te b'abetito, are aekan te ran arei, e kamaiungkami ngkai, tiaki ni kaitiakan te baareka man te rab'ata, ma n te kaeka nakon te Atua mani mataniwin te nano ae itiaki. E kamaiungkami ni manga-utin Iesu Kristo;

1.Ioane 2:6

Ane taku b'a E nim te Atua ma ngaia, ao e riai n nakonako n te aro are E nakonako naba iai Kristo.