I-Rom 5:9 - Te B'aib'ara

⁹ Ma ngaia aei, ngkai a a tia ni kaetaki arora n reitaki ma te Atua ni mateni Kristo, ao ti na kamaiuaki i rouna man te reke ni kai ae na roko.

I-Rom 5:9 Iomraidhean Croise

Ioane 5:24

“Bon te koaua ni koaua ae I a tuangngkami, b'a ane ongo au taeka ao e onimakina Teuare kanakomaiai, ao e na reke i rouna te maiu are aki toki. E na aki motikaki taekana; e a tia ni kitana te kawai are e na mate iai, ao e a toua te kawai are e na maiu iai.

I-Rom 1:18

B'a e kaotaki unin te Atua mai karawa nakoia aomata ake a tia ni kakaraoa te bure, ma te aro n iowawa; ao i bukin aroia aika bubuaka n tukiia aomata man atan te koaua.

I-Rom 5:1

Ma ngaia aei, ngkai a kaetaki arora n reitaki ma te Atua n te onimaki, ao e a reke iroura te raoi ma te Atua iroun ara UEA are Iesu Kristo;

I-Rom 5:10

B'a ngke bon ana kairiribai te Atua ngaira, ao ti raoiakinaki ma te Atua ni maten Natina; ao ai batiraa riki ngkai arora ni kamaiuaki ni maiura, ngkai ti a tia n raoiakinaki!

I-Rom 8:1

Ma ngaia ae akea te moti ni kabuakakaia akana mena i nanoni Kristo Iesu.

I-Rom 8:30

Ao E weteia naba ake E a kamani baireia; ao ake E weteia E kaeti naba aroia n reitaki ma Ngaia; ao ake E kaeti aroia n reitaki ma Ngaia, E neboia naba.

I-Ebeto 2:13

Ma ngkai kam a katiteuanaki ma Kristo Iesu, ngkami ake kam raroa nako ngkoa ma te Atua, kam a riki ni kaan n raraani Kristo.

I-Ebeto 2:3

ake boni ngaira naba ngkoa i buakoia ngke ti bane ni kaoti arora ni maiura b'a ti iri nanoni kaib'ab'arun rab'atara ma nanora; bon aomata ngaira aika e mena i aora unin te Atua, ao ti te bo arora ma aomata ni kabaneia.

1.I-Tetaronike 1:10

ao ni kaantaninga Natina mai karawa are E a manga kamaiua mai buakoia maate, are Iesu, are kamaiura man unin te Atua are e nangi roko.

Ebera 9:14

ao ai bati ra riki kaitiakani mataniwin nanora mani m'akuri aika akea uaaia n raraani Kristo are anga Ngaia iroun te Tamnei are Raoiroi n aki totoki b'a te karea ae akea buakakana nakon te Atua, b'a kam aonga n toro iroun te Atua ae maiu!

Ebera 9:22

Ao n aron taekan te Tua, a kuri ni bane b'aai ni kaitiakaki n te raraa; ao ngkana akea katutuan te raraa, ao akea naba kab'arani buure.

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.