I-Rom 5:4 - Te B'aib'ara

⁴ ao taotaonan te nano boni ngaia ae kaotira b'a ti tokanikai i aon te kataaki, ao te kataaki e karika te kaantaninga;

I-Rom 5:4 Iomraidhean Croise

Taian Areru 71:14

N na kakantaningaiko n taai nako; N na kakabatiaa m'aitin neboam.

Ruka 21:19

Ane kam na kareke maiumi n nanom'aakami.

I-Rom 15:4

B'a b'aai ni kabane ake a koreaki ngkoa a koreaki i bukin reireiara, b'a e aonga n reke iroura te kaantaninga n taekan te taotaonaki n nano ma te kaunga nano n te B'aib'ara.

I-Biribi 2:22

Ma kam bon ata aroni manenan Timoteo. E a tia ni m'akuri ma ngai, n ai aron te nati are m'akuri ma tamana, b'a te toro i bukin te euangkerio.

Ebera 6:19

Ao iai i roura te kaantaninga ae ti taua b'a kanga atinroni maiura, ae te atinro ae matoatoa ae nene, are rin i nanon te ruu are moan te tabu are i akuun te roki are te kunnikai i nanon te um'antabu i karawa,

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

1.Betero 5:10

Ao te Atua are mai Rouna te akoi ni kabane, ae weteingkami nakon neboakina ae aki toki ngkai kam reitaki ma Kristo, E na karaoingkami b'a a na nako raoi aromi i mwini marakimi n te tai ae aki maan, ao E na kateimatoaingkami ma ni kakorakoraingkami ma ni kamatoatoaingkami