I-Rom 5:12 - Te B'aib'ara

¹² Ma ngaia aei, b'a ngkai e roko te bure i aon te aba iroun te aomata ae ti temanna,

I-Rom 5:12 Iomraidhean Croise

Karikani B'aai 2:17

ma ti te aroka are e anga ataan te raoiroi ma te buakaka ae ko na aki kana uaana, ao ngkana ko kanna, ao ko na mate naba n te bong anne.”

Karikani B'aai 3:19

A na reke kanam mani maonon ram'am ni karokoa manga okiran te tano are ko boni karaoaki mai iai. Ko karaoaki man te tano, ao ane ko na manga bon okira te tano.”

Karikani B'aai 3:6

Ao e noora te kai arei te aine b'a e tamaroa taraana, ao e rangi n raoiroi uaana n te kanaki, ao e a anaaki riki nanona ngke e na wanawana iai. Ma ngaia are, e anai uaana ao e kang. Ao i mwiina, e a manga angan teuare buuna, ao e kanna naba teuarei.

Taian Areru 51:5

I aki inaomata man te bure ma ngke I bungiaki; I a kaman rotaki n te bure ngke I bikoukouaki.

Etekiera 18:4

Bon au b'ai maiuia aomata ni kabane, kaaro ao ai uana naba ma naati. Bon ti aika a bure aika a riai ni kamateaki.

I-Rom 3:23

B'a akea te kakaokoro; b'a a bane ni bure aomata nako, ao e aki reke i rouia te neboaki are a na anganaki iroun te Atua.

I-Rom 5:18

Ma ngaia aei, ngkai a kabuakakaki aomata ni kabaneia i bukin te bure ae ti teuana, ao ai arona naba, b'a a na bane aomata nako ni kainaomataki ma n anganaki te maiu n te m'akuri ae e raoiroi ae ti teuana.

I-Rom 5:19

B'a aroia aomata aika bati ngke a riki n atongaki b'a taani bure n ana aki-ongeaba te aomata ae ti temanna, ao ai aroia naba aomata aika bati b'a a na kaetaki aroia n reitaki ma te Atua n ana ongeaba te aomata ae ti temanna.

I-Rom 5:21

B'a aron te bure ngke e noraki arona n uea n te mate, ao ai arona naba b'a e na uea te akoi ni kaetan arora n reitaki ma te Atua, ao ni kairira naba nakon te maiu are aki toki iroun Iesu Kristo are ara UEA. Ao te bure e karokoa te mate, ao a bane n rotaki aomata ni kabaneia n te mate i bukina b'a a bane ni bure.

I-Rom 6:21

Tera te bae kam karekea ngke kam karaoi ngkoa baike kam mamaa iai ngkai? B'a tokini baikekei te mate.

I-Rom 6:23

B'a boon te bure te mate; ma ana b'ai n tituaraoi te Atua te maiu are aki toki i nanoni Kristo Iesu are ara UEA.

1.I-Korinto 15:56

Te bure boni ngaia ana b'ai ni kaikoaki te mate, ao korakoran te bure bon te Tua.

I-Ebeto 2:3

ake boni ngaira naba ngkoa i buakoia ngke ti bane ni kaoti arora ni maiura b'a ti iri nanoni kaib'ab'arun rab'atara ma nanora; bon aomata ngaira aika e mena i aora unin te Atua, ao ti te bo arora ma aomata ni kabaneia.

Iakobo 1:15

Ao te nano ni kaib'ab'aru, ngkana e bikoukou, ao e bungia te bure; ao te bure, ngkana e ikawai, ao e bungia te mate.

Iakobo 3:2

B'a akea iroura ae aki kaairua; ao ngkana iai ae aki kaairua n ana taeka, ao bon te aomata ae kororaoi n arona, ae e kona ni bweena rab'atana ae b'anin.