I-Rom 4:11 - Te B'aib'ara

¹¹ Ao e anganaki te kanikina are te korotabonim'aneaki, b'a kanikinaeani kaetan arona n reitaki ma te Atua are e reke i rouna n ana onimaki ngke e tuai ni korotabonim'aneaki. N te aro aei, ao e riki Aberaam b'a kaanga tamaia akana onimaki ni kabaneia, e aoria ngkana a tuai ni korotabonim'aneaki; ao a butim'aeaki iroun te Atua b'a aomata ngaiia aika a tia ni kaetaki aroia n reitaki ma Ngaia.

I-Rom 4:11 Iomraidhean Croise

Karikani B'aai 17:24

Ai ruabwi ma ruaiwa ana ririki ni maiu Aberaam ngke e koreaki tabonim'anena,

Taian Areru 47:9

A bane ni bootaki aia uea natanaomata ma ana botannaomata te Atua are Atuan Aberaam; B'a ana b'ai te Atua uea n aon te aba; ana katikui aia b'ai ni buaka E raka aroni karineana.

Te Otinako 12:13

E na riki te raraa are i aon bouan mataroan ami auti b'a te kanikina i bukin auti ake kam maeka iai. Ngkana I noora te raraa, N na riaoingkami ao N na aki tiringkami ngkana I katuaaia kaain Aikubita.

Te Otinako 31:13

Bon au b'ai te Taabati. I tuangkami ngkai ma ami kariki nako b'a kam na ongotaeka n taai nako nakon tuan nako te Taabati. I bukin karaoan aei i Rou, b'a kam aonga n ataia b'a I a tia n rineingkami b'a au aomata ni koaua.

Te Otinako 31:17

E riki te bong aei n taai nako b'a te tia kauring, nako Iu ao nako ia naba Iteraera, b'a I karaoi taiani karawa ma aonnaba i nanon onobong, ao I motirawa ma ni katoka kuau n te kaitiua ni bong.

Etekiera 20:12

Ao I tuangiia b'a a na karinea te bong ae te Taabati b'a kanikinaeana b'a a tabu b'a Au b'ai.

Etekiera 20:20

I tuangiia b'a a na karinea Au Taabati ni kaotia b'a Au aomata ngaiia ao Ngai aia UEA ae Atuaia.

Mataio 16:16

E kaekaa Timon Betero ao e taku, “Bon te Kristo Ngkoe, are Natin te Atua are maiu.”

Mataio 8:11

Ao I taku nako imi, b'a a na roko aomata aika bati mai mainiku, ao mai maeao, ao a na tekateka n rarikiriki n am'arake ma Aberaam, ma Itaaka, ma Iakob'a, n Uean te Atua;

Ruka 19:9

Ao E taku Iesu nako ina, “E a kamaiuaki te utu aei n te bong aei b'a ngaia natin naba Aberaam teuaei.”

Ioane 3:33

Ane butim'aea ana rongorongo ao e kaotia ae e kakoaua b'a E koaua te Atua.

Ioane 3:36

Ane onimakina te Nati ao e reke i rouna te maiu are aki toki; ao ane aki ongotaeka nakon te Nati, ao e na aki reke i rouna te maiu, ma e memena unin te Atua i aona.

Ioane 6:35

E taku Iesu nakoia, “Boni Ngai te am'arake ni kamaiu; ane nako iu ao e na bon aki manga kona ni baki, ao ane onimakinai ao e na bon aki taka.

Ioane 6:40

B'a aio nanon Tamau: b'a ane nora te Nati ma n onimakinna, ao e na reke i rouna te maiu are aki toki; ao N na manga kamaiua n te kabanea ni bong.”

Ioane 6:47

Bon te koaua ni koaua ae I a tuangngkami b'a ane onimaki ao e a reke i rouna te maiu are aki toki.

Ioane 8:33

A taku nakoina, “Kanoan Aberaam ngaira, ao akea ae ti a tia n toronaki i rouna. Tera ngkanne nanon am taeka, ngke Ko kaangai: Kam na kainaomataki?”

I-Rom 10:11

B'a e kaangai te B'aib'ara, “Ane onimakinna ao e na aki kamaamaeaki.”

I-Rom 10:4

B'a Kristo E a tia ni katoka bonganan te Tua i bukiia ake a reke i rouia kaetan aroia n reitaki ma te Atua n aia onimaki.

I-Rom 10:6

Ma aomata ake a reke kaetan aroia n reitaki ma te Atua n te onimaki a aki kona n titiraki ni kaangai, “Antai ae na rierake nako karawa?” (Ae nanona, b'a antai ae na kaira ri kaaki Kristo nako ira).

I-Rom 3:22

E kaeti aroia aomata te Atua n reitaki ma Ngaia n onimakinan Iesu Kristo i rouia; ao E karaoa aei nakoia aomata ni kabaneia aika onimakina Iesu.

I-Rom 3:26

ma n taai aikai ao E mutiakin aia bure aomata, b'a E na kaota arona ae eti; n te aro aei ao E a kaotia iai te Atua b'a E b'ab'aina te eti, ao E kaeti aroia aomata nako aika onimakina Iesu, n reitakiia ma Ngaia.

I-Rom 3:30

Eng, bon Atuaia naba aomata aika tiaki I-Iutaia. B'a ti temanna te Atua ae na kaeti aroia I-Iutaia n reitaki ma Ngaia n aia onimaki, ao E na kaeti naba aroia aomata aika tiaki I-Iutaia n reitaki ma Ngaia i bukin aia onimaki.

I-Rom 4:10

Ao e atongaki n te aro ra? Ngke e a tia ni korotabonim'aneaki ke ngke e tuai? E aki atongaki ngke e a tia ni korotabonim'aneaki, ma e atongaki ngke e tuai.

I-Rom 9:30

Ao tera ae ti na taekinna ngkanne? Bon aei: b'a aomata aika tiaki I-Iutaia, aika akea aia kekeiaki ni kaeti aroia n reitaki ma te Atua, a kunea b'a e kona n reke i rouia kaetan aroia n reitaki ma Ngaia n te onimaki;

I-Rom 9:33

n ai aron are koreaki ni kaangai: “Noria, I kawenea i Tion te atibu ae a na reke waeia iai aomata, ao a na b'aka; ao ane onimakinna ao e na aki kamaamaeaki.”

I-Rom 9:6

Tiaki b'a aongkoa iai aki nako raoin te taeka n akoi; e a tia ni koro nanona, b'a tiaki Iteraera ni kabaneia aika ana aomata ni koaua te Atua;

2.I-Korinto 1:22

are E kanikinaira b'a ana b'ai, ao E anganira te Tamnei i nanora b'a te kakoaua i bukini baika kawakinaki i bukira.

I-Karatia 3:22

Ma e taku te B'aib'ara b'a a bane aomata nako ni mena i aani m'aakan te bure; ma ngaia are ana taeka n akoi te Atua bon i bukiia akana onimakina Iesu Kristo.

I-Karatia 3:29

Ngkana ana b'ai Kristo ngkami, ao boni kanoan Aberaam ngkami, ao kam na b'aib'ai n te taeka n akoi arei.

I-Karatia 3:7

Ma ngaia ae kam na ataiia aika onimaki, b'a bon natin Aberaam.

I-Karatia 5:5

B'a a ingainga nanora ni kakariaria reken reitakira ma te Atua; ao ti kaantaninga aei b'a e na karaoaki ri nanon ara onimaki ni m'aakan te Tamnei.

I-Karatia 6:16

E na mena i aoia akana e reke i rouia te aro aei te rau ma te nanoangaki, ao i aoia naba ana Iteraera te Atua.

I-Ebeto 1:13

Ao ngkami naba, ngke kam ongo taekan te koaua, are te euangkerio are b'aini kamaiuami, ao kam onimakinna naba; ao kam anganaki te Tamnei are Raoiroi b'a kanikinaean ae ana b'ai te Atua ngkami, te Tamnei aei are atongaki n te taeka n akoi.

I-Ebeto 4:30

Tai karawaawata te Tamnei are Raoiroi, are Tamnein te Atua, are Ngaia are karika te aki nanokokoraki iroumi, b'a n te tai teuana ao kam na kainaomataaki man te bure.

Te Tua-Kaua 30:6

Kam taningabono ma kanoami, ma E na karaoingkami te UEA b'a kam na kukurei n ongotaeka nakoina, ma n tangiria ma nanomi ao tamneimi ni kabane, ao kam na kukurei ma n ab'ab'aki maiumi.

I-Biribi 3:9

ao I aonga n noraki n arou n reitaki ma Ngaia, b'a e aki reke kaetan arou n reitaki ma te Atua n te Tua, ma e reke n onimakinani Kristo; kaetan arou aei boni mairoun te Atua, ao e reke i bukin te onimaki.

Ebera 11:7

I bukin ana onimaki Nooa, ao e ongo ana taeka ni katauraoi te Atua i bukini baika na riki rimwi aika aki konaki n noraki. E ongeaba nakon te Atua ao e kabaa te kaibuke are e a kamaiuaki iai ma ana utu. Ao i bukin aei a motikaki iai taekaia kaain aon te aba ni kabuakakaki, ao Nooa e riki b'a te tia b'aib'ai n te raoiroi are reke n te onimaki.

2.Betero 1:1

Mairoun Timon Betero, ae ana toro ma ana tia tuatua Iesu Kristo, nakoia akana reke i rouia te onimaki ae kakawaki ae ti te arona ma ara onimaki, ae reke n ana raoiroi Atuara ma ara Tia Kamaiu are Iesu Kristo.

Te Kaotioti 9:4

A tuangaki b'a a na aki urua uteuten aon te aba, ma te kai nako ae e mawaawa baana, ma aroka; ma a na ti kamarakiia aomata akana akea i aon ram'aia ana kanikina te Atua.