I-Rom 4:10 - Te B'aib'ara

¹⁰ Ao e atongaki n te aro ra? Ngke e a tia ni korotabonim'aneaki ke ngke e tuai? E aki atongaki ngke e a tia ni korotabonim'aneaki, ma e atongaki ngke e tuai.

I-Rom 4:10 Iomraidhean Croise

Karikani B'aai 15:16

A na reke aua te roro i m'aain okiia ami kariki, b'a N na bon aki kanakoia kaain Amora ni karokoa te tai are a rangi ni buakaka aia m'akuri iai, ao a bon riai ni katuaeaki.”

Karikani B'aai 17:1

Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako.

Karikani B'aai 17:10

A na riai ni kariaia kanoam b'a a na koroi tabonim'aneia aia mm'aane akana i buakoia.

I-Rom 4:11

Ao e anganaki te kanikina are te korotabonim'aneaki, b'a kanikinaeani kaetan arona n reitaki ma te Atua are e reke i rouna n ana onimaki ngke e tuai ni korotabonim'aneaki. N te aro aei, ao e riki Aberaam b'a kaanga tamaia akana onimaki ni kabaneia, e aoria ngkana a tuai ni korotabonim'aneaki; ao a butim'aeaki iroun te Atua b'a aomata ngaiia aika a tia ni kaetaki aroia n reitaki ma Ngaia.

I-Rom 4:9

Ti aia b'ai akana korotabonim'aneaki te kab'aia aei, ke aia b'ai akana aki korotabonim'aneaki? B'a ti taku b'a e atongaki ana onimaki Aberaam b'a ngaia ae e reke iai kaetan arona n reitaki ma te Atua.

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

I-Karatia 6:15

B'a e aki kakawaki te korotabonim'aneaki ke te aki-korotabonim'aneaki, ma e kakawaki reken te maiu ae boou ni maiun te aomata.