I-Rom 3:9 - Te B'aib'ara

⁹ Ao tera ngkanne? Ti raoiroi riki ngaira I-Iutaia nakoia I-Erene? Ti bon aki; b'a ti a kamani kaotiia I-Iutaia ma I-Erene, b'a a bane ni mena i aani m'aakan te bure;

I-Rom 3:9 Iomraidhean Croise

Taeka n Rabakau 20:9

Iai i buakora ae e konaa ni kaangai, “A itiaki au iango, ao akea au bure?”

Itaia 65:5

Ao a taku nakoia tem'angina, “Kam na aki kaaniira! Ti katabuaki b'a a na aomata te Atua.” Kaanga taiani bubu aekaki n aomata aikai, aika a kamaraka b'airiu ni katoa bong.

Ruka 7:39

Ao te B'aritaio are kaoa Iesu, ngke e nora te baerei, ao e taku i nanona, “Ngke arona b'a te burabeti Teuaei, ao E na kaman ataia b'a antai te aine aei, ae riingnga, ao arona, b'a te aine ae buakaka.”

I-Rom 1:18

B'a e kaotaki unin te Atua mai karawa nakoia aomata ake a tia ni kakaraoa te bure, ma te aro n iowawa; ao i bukin aroia aika bubuaka n tukiia aomata man atan te koaua.

I-Rom 11:32

B'a E a tia te Atua ni kabaeia aomata nako i aan te aro n aki-ongeaba, b'a E aonga ni kaota ana nanoanga nakoia ni kabaneia.

I-Rom 11:7

Ao tera ngkanne ae riki? B'a te baere a ukoukoria Iteraera e aki reke i rouia ni kabaneia, ma ti irouia ake a rineaki; ao nikiraia a kamatoatoaki nanoia;

I-Rom 2:1

Ma ngaia ae bon akea aonam, ngkoe ae te aomata ae ko taku n am baire b'a a buakaka aomata nako: b'a ane ko taku b'a e buakaka, ao ko boni motika naba iai taekam ni kabuakakako, i bukina b'a ngkoe ae ko kabuakaka ko boni karaoi naba baikai.

I-Rom 3:1

Ma ngaia ae tera ae e rine riki iai te I-Iutaia? Ao tera manen te korotabonimm'aane?

I-Rom 3:19

Ma ti ataia b'a b'aai ni kabane ake a koreaki taekaia n te Tua bon i bukiia te koraki ake a mena i aan te Tua, b'a a aonga n tukaki aomata nako b'a a na aki karaoi aia taeka aika a na reke aonaia iai, ao a na bane ni motikaki taekaia iroun te Atua.

I-Rom 3:5

Ma ngkana e kaota aron te Atua arora aika aki eti b'a E karaoa ae e eti, ao tera ara taeka iai? E karaoa ae buakaka te Atua ngke E kareke kai? (I taetae n ai aroia aomata.)

I-Rom 6:15

Tera ngkanne? Ti na bure, ngkai ti aki mena i aan te tua, ma ti mena i aan te akoi? Ti na aki.

I-Rom 7:14

Ao ti ataia b'a te Tua boni mairoun te Atua, ma bon te rab'ata ngai, ae kaboaki b'a ana toro te bure.

1.I-Korinto 10:19

Tera ae I nanonna ngkanne n au taeka? I nanona iai kakawakini karean te bouannanti, ke kakawakin te bouannanti?

1.I-Korinto 14:15

Ao tera ngkanne? N na tataro n tamneiu, ao N na tataro naba ni kabongana au iango; N na anene n tamneiu, ao N na anene naba ni kabongana au iango.

1.I-Korinto 4:7

B'a antai ae karaoiko b'a e na raka arom nakoia tem'angina? Ao tera ae iai i roum ae ko aki anganaki? Ao ngkana e a tia n reke i roum, ao ko aera ngkai ko kamoamoako b'a aongkoa ko aki anganaki?

I-Karatia 3:10

B'a a nangi reke kaiia aomata aika bati aika karaoi baika tangiraki n te Tua; b'a e a tia ni koreaki ae kaangai, “E na reke kain te aomata ae aki teimatoa ni karaoi b'ai ni kabane ake a koreaki ni bokin te Tua!”

I-Karatia 3:22

Ma e taku te B'aib'ara b'a a bane aomata nako ni mena i aani m'aakan te bure; ma ngaia are ana taeka n akoi te Atua bon i bukiia akana onimakina Iesu Kristo.

I-Biribi 1:18

Ao tera ngkanne? Te b'ai ae kakawaki b'a E taekinaki Kristo n aaro nako, tao man te kaantaninga ae aki raoiroi ke ae e raoiroi; ao I kim'areirei iai, eng, N na boni kim'areirei.