I-Rom 3:4 - Te B'aib'ara

⁴ E bon aki! Ma e na ataaki b'a e koaua ana taeka te Atua, ao bon taani kewe aomata nako; n ai aron are koreaki ni kaangai: “Ane a na kaotiko am taeka b'a e eti arom; Ao ane ko na tokanikai ngkana e motikaki taekam.”

I-Rom 3:4 Iomraidhean Croise

Iobi 36:3

E raababa au atatai, ao N na kamanena te b'ai ae I ataia ni katereterea te Atua ae au Tia karikib'ai b'a E bon eti.

Iobi 40:8

Ko kataia ni kakaea te koaua b'a I kakaraoa ae aki eti ko taekinai b'a I kaairua, ao ngkoe ko eti?

Taian Areru 100:5

B'a e raoiroi te UEA, ao akea tokin ana ataataiaomata; Ao ai uana nako naba ana kakaonimaki nakon te rorona ma te rorona.

Taian Areru 116:11

Ao ni mangaongaon au iango ao i kaangai, “Akea ae I kona n onimakinna!”

Taian Areru 119:160

A bane ni koaua am Taeka; ao akea tokin am Moti aika raraoi ni kabane.

Taian Areru 138:2

I bobaraaki ni kaitaraa am Auti are te Tembora are Tabu, ao I neboa Aram i bukin am Tangira ae akea tokina ma am Kakaonimaki, Ao i bukina b'a Ko a tia ni kaotia ae e moamoa riki Aram ma am Taeka nakoni b'aai ni kabane.

Taian Areru 51:4

I a tia ni bure nakoim n ti Ngkoe, Ao I a tia ni karaoa ae buakaka i matam. Ma ngaia ae Ko eti ni motikan taekau, Ao akea burem ni kabuakakaau n am Moti.

Taian Areru 62:9

Ai aron te ike ae ti teuana aomata nako; Ao ti te bo aroia aika kakannato ma aika mangori n akea manenaia. Ngkana a tauaki rawawataia, ao bon akea rawawataia; A bebete riki nakon rawawatan angin te ike ae ti te ikena.

Mika 7:20

Ko na kaota Am kakaonimaki ao Am tangira ae e teimatoa nakoia Am aomata, aika kanoaia Aberaam ao Iakob'a, n ai aron are Ko berita iai ngkoa nakoia ara bakatibu.

Mataio 11:19

E roko Natin te aomata n am'am'arake ma ni momooi, ao a kangai, Noria, te aomata ae buabeka ao te tia korowawa ni mamanging; raoraoia taan anai taekiti ma aomata aika buakaka. Ma e ngae n anne, ao rabakaun te Atua e a kaotaki b'a e koaua n uaana.

Ruka 20:16

“Ane e na roko ni kamateia taan ribana akekei, ao ane e na anga nneni kureebe nakoia aomata tabem'aang.” Ngke a ongo aei aomata, ao a taku, “E na aki riki aei!”

Ioane 3:33

Ane butim'aea ana rongorongo ao e kaotia ae e kakoaua b'a E koaua te Atua.

I-Rom 11:1

E kaangai ngkanne au titiraki, E kaaki taekaia ana botannaomata te Atua? E bon aki! Bon te Iteraera naba ngai, ae kanoan Aberaam, ae kaain te baronga are Beniamin.

I-Rom 11:11

E kaangai ngkanne au titiraki, A b'aka n aki kona ni manga teirake ngke a reke waeia ao a tata nako? A bon aki! Ma e roko te maiu irouia ake tiaki I-Iutaia ngke a bure Iteraera, b'a a aonga ni kabakantangaki.

I-Rom 3:31

Ti urua ngkanne iai te Tua n te onimaki? Ti aki; ma ti kateimatoa te Tua.

I-Rom 6:15

Tera ngkanne? Ti na bure, ngkai ti aki mena i aan te tua, ma ti mena i aan te akoi? Ti na aki.

I-Rom 6:2

Ti na aki. Ti a tia ni mate nakon te bure, ao ti na kanga ni manga uti i nanona?

I-Rom 7:13

E kona ngkanne te bae e raoiroi ni karekea ae N na mate iai? E bon aki. Ana m'akuri te bure aei: e karekea ae N na mate iai ni kamanenan te bae e raoiroi, b'a e aonga ni kaotaki arona b'a bon te bure ni koaua; ao tokina e a riki ni buakaka riki arona n ana taeka te Atua are n te Tua.

I-Rom 7:7

Ao tera ngkanne ae ti na taekinna? Te bure te Tua? Bon tiaki. Ma I aki bure ngke akea te Tua: b'a I aki ata te mataai, ngke e aki kaangai te Tua, “Ko na tai mataai.”

I-Rom 9:14

Ao tera ngkanne ae ti na taekinna? E aki eti aron te Atua? Tiaki ngaia anne!

1.I-Korinto 6:15

Kam aki atai rab'atami b'a b'ain rab'atani Kristo? I a anai b'ain rab'atani Kristo ni karaoi b'a b'ain rab'atan te kabekaau? I bon aki kona!

2.I-Korinto 1:18

Ma ngkae E kakaonimaki te Atua, ao ara taeka nako imi bon tiaki “Eng” ao “Tiaki”, n te tai ae ti teuana.

I-Karatia 2:17

Ngkana arona ngkanne b'a ngkai ti kekeiaki ni kani kaeta reitakira ma te Atua n arora n reitaki ma Kristo, ao ti noraki iai b'a bon taani bure ngaira, e a nanonaki n aei ngkanne b'a E m'akuri Kristo i bukin te bure? E bon aki.

I-Karatia 2:21

I aki kakeaa bonganan ana akoi te Atua; b'a ngkana e kaetaki reitakin te aomata ma te Atua n te Tua, ao akea bonganani mateni Kristo.

I-Karatia 6:14

Ma ngai, I bon aki kani kamoamoaai n te b'ai teuana, ma ti n ana kaibangaki ara UEA are Iesu Kristo; b'a n ana kaibangaki ao ai aron ae mate te aonnaba nako iu, ao ngai nakon te aonnaba.

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

Tito 1:2

i bukini kaantaningaan te maiu are aki toki, are E taku te Atua ngke a tuai ni karikaki b'aai, b'a E na angania aomata; ao bon te Atua Ngaia ae aki kona ni kewe,

Ebera 6:18

b'a ti aonga ni karekea kakorakoraan nanora ae bati ni baika uoua aikai aika aki bibitaki, aika ti aki kona ni keweaki iai iroun te Atua, ngaira aika ti biri nako b'a ti na taua te kaantaninga are kamenaki i m'aira.

1.Ioane 5:10

Ane onimakina Natin te Atua ao e kawakini baike E a tia n taekin te Atua b'a a koaua. Ane aki ira nanon ana taeka te Atua ao e riki ngaia b'a te tia kewe, b'a kioina ngke e aki kakoaua ana kaotioti te Atua are E taekinna i bukin Natina.

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.

Te Kaotioti 3:7

“Ao ko na koroboki nakon ana anera te ekaretia i Biraterebia ni kaangai: “E kaangai Teuare tabu, are kakaonimaki, are iai i rouna ana king Tawita, are ngkana E kauka te mataroa ao akea ae kona ni kainna, ao ngkana E kainna ao akea ae kona ni kaukia.