I-Rom 3:11 - Te B'aib'ara

¹¹ Akea ae wanawana ke ae na taromauriia te Atua.

I-Rom 3:11 Iomraidhean Croise

Taian Areru 53:2

E baraaki te Atua mai karawa n tarataraia aomata, ni kan noriia b'a antai i buakoia ae wanawana ae ukoukora te Atua.

Taian Areru 53:4

E taku te Atua, “A aki ataia?” A nanoroo nakana taani kakaraoa ae buakaka? A maiu mani kurib'aiaia au aomata, Ao a tuai man tataro nako iu.

Taian Areru 94:8

Kam na iango, ngkami akana kam aki wanawana i buakoia aomata; Ao ngkami akana kam baba, Kam na wanawana n ningai?

Taeka n Rabakau 1:22

“Tao maanra riki ngkami ni kukurei ni maiumi ae e nanobaba? E aera ngkai kam aki katoka te kakaniko ma ngareakinan te rabakau?

Taeka n Rabakau 1:7

Karinea ao ongotaeka iroun te UEA! Aio bon moanan te rabakau. Bon te nanobaba ane e aki butim'aea te wanawana ma te reirei.

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Itaia 31:1

Ko a reke n te kaangaanga ngkana ko nakon Aikubita i bukin buokam, ke ngkana ko mwiokoi taiani kaa ni buaka ake a katikitikaki irouia aoti ke taani buaka i aoia aoti. Ma ko riai n mwiokoa ao n onimakina te UEA ae te Atua ae e tabu ae Atuan Iteraera.

Itaia 55:6

Rairaki nakon te UEA! E boni konaa naba n reke. Weewetea te Atua! E kaan.

Itaia 65:1

I tauraoi Ngai ae te UEA ni kaekaia naba aika a aki buubuti aika a aki kakaae. Bootanaomata aika kam rawa n taromauriai, I taku nakoia, “Aio Ngai!”

Itaia 9:13

Ma a bon aki okirikaaki naba Iteraera nakon te UEA ae Moan te M'aaka ma n taromauriia.

Ieremia 4:22

I ongo b'anaan te UEA ngke E kaangai, “A aki kubarai au aomata, bon ataei ngaiia aika a nanobaba ae a aki ataia ae a na katuaaeaki. Ti te b'ai ae a ataia aron karaoan te bure.”

Otea 4:6

Kam a tia ni katinanikuai ngkami aika ibonga, ao a uruanaki au aomata i bukina ngke a rawa n ongo. Ma ngaia are, N na katinanikuingkami ma ni kaaki taekaia natimi, i bukina ngke kam a tia ni m'aninga taekan au tua.

Otea 7:10

Bon te UEA Ngai ae Atuaia, ma a aki konaa n rairaki nako iu n aia kangaanga ni kabane i bukin aia kainikatonga.

Mataio 13:19

Ngkana e ongo taekan Uean te Atua te aomata ao e aki ata nanona, ao e roko iai teuare buakaka n anaa are e a tia n unikaki i nanona; aei te koraa are unikaki ri rarikin te kawai.

I-Rom 1:22

A taku b'a a rabakau, ma a nanobaba;

I-Rom 1:28

Ngke a rawa ni kaaki i nanoia ataakin te Atua, ao E katikuia n aroia aika ti te iangoi baika kammaira, b'a a aonga ni karaoi m'akuri aika aki riai.

I-Rom 3:10

n ai aron are koreaki ni kaangai: “Akea temanna ae kororaoi i matan te Atua!

I-Rom 3:12

A bane n rairaki nako mairoun te Atua; a bane n tia ni bure; Akea ae karaoa ae e raoiroi, bon akea temanna.

I-Rom 8:7

B'a nanon te rab'ata bon te riba te Atua, b'a e aki mena i aan ana tua te Atua, ao e bon aki kona;

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.