I-Rom 2:13 - Te B'aib'ara

¹³ B'a tiaki akana ongora n te Tua ae e na reke i rouia te reitaki ae e raoiroi ma te Atua, ma e na reke irouia akana ira nanon te Tua.

I-Rom 2:13 Iomraidhean Croise

Taian Areru 143:2

Tai motika taekan am toro ni kabuakaka; b'a akea te aomata ae maiu ae e raoiroi i matam.

Ieremia 11:6

Ao i mwiin anne, e a manga tuangai te UEA b'a N na kaangai nako ia aomata ni kabane ake a mena i nanon kaawain Ierutarem ao i nanon kaawan nako Iuta: Kam na karaoa raoi nanon te boraraoi are I karaoia ngkoa ma ngkami.

Etekiera 20:11

I anganiia au Tua ma au Reirei, b'a a aonga n ataa aron maiuia ae e raoiroi.

Ruka 18:14

Ao E taku Iesu, “I tuangngkami b'a e nako teuare te tia anai taekiti nakon ana auti ma raun nanona b'a a kab'araki ana bure, ma e aki reke aei iroun teuare te B'aritaio, b'a ane e karietata ao e na kamangoraki; ao ane e kamangoria ao e na karietataki.

Ruka 8:21

Ma E taku nako ia, “Tinau ma tariu bon aomata ake a ongo ana taeka te Atua ao a karaoia.”

Ioane 13:17

Ngkana kam atai baikai, ao kam a kab'aia ngkana kam karaoi.

M'akuri 13:39

Ao akana onimaki a bane ni kainaomataki i rouna mani buure ni kabane.

I-Rom 10:5

Ao aei are e koreia Mote b'a taekani kaetan aron te aomata n reitaki ma te Atua n iran nanon te Tua: “Te aomata ane karaoi baikai, ao e na maiu.”

I-Rom 2:25

B'a bon iai bongan te korotabonim'aneaki ngkana ko toua mwin te Tua; ma ngkana te tia ri aon te Tua ngkoe, ao e riki korotabonim'aneakim b'a te b'ai ae akea nanona.

I-Rom 3:20

B'a akea i matan te Atua te aomata ae e na kaetaki arona n reitaki ma Ngaia ni karaoan nanon te Tua; b'a e ataaki raoi te bure n te Tua.

I-Rom 3:23

B'a akea te kakaokoro; b'a a bane ni bure aomata nako, ao e aki reke i rouia te neboaki are a na anganaki iroun te Atua.

I-Rom 3:30

Eng, bon Atuaia naba aomata aika tiaki I-Iutaia. B'a ti temanna te Atua ae na kaeti aroia I-Iutaia n reitaki ma Ngaia n aia onimaki, ao E na kaeti naba aroia aomata aika tiaki I-Iutaia n reitaki ma Ngaia i bukin aia onimaki.

1.I-Korinto 4:4

B'a I aki ata te b'ai ae I bure iai; ma aei e aki kakoaua arou b'a I aki kabuakakaki. Bon te UEA ae te tia motika taekau.

I-Karatia 2:16

ao ti ataia b'a e aki kaetaki reitakin te aomata ma te Atua ni karaoani baika tangiraki n te Tua, b'a ti n onimakinan Iesu Kristo; ngaira naba, ti onimakina Kristo Iesu, b'a a aonga ni kaetaki reitakira ma te Atua n onimakinani Kristo, ma tiaki ni karaoan are e tangiraki n te Tua: b'a bon akea temanna ae e na kaetaki reitakina ma te Atua ni karaoani baika tangiraki n te Tua.

I-Karatia 5:4

Kam a raure ma Kristo, ngkami aika kam taku b'a e reke reitakimi ma te Atua n te Tua; kam b'aka man te akoaki.

Te Tua-Kaua 4:1

Iteraera, kam na ongora n taian tua, ao taian reirei aikai. Ngkana kam ongotaeka nako iai, ao kam na maiu, ao ane kam na rin n te aba are e anganingkami te UEA b'a abami. Bon te Atua Ngaia are a taromauriia ami bakatibu,

Te Tua-Kaua 5:1

Ao e weteia ni kabane Iteraera Moote, ao e taku nakoia: N nang tuangngkami taian tua ma reirei aika kam na iri nanoia, ma ngaia are, kam na kakauongo raoi.

Te Tua-Kaua 6:3

Kakauongo raoi, Iteraera. A taromauria te UEA ami bakatibu, ao E berita b'a E na anganiira te aba aei ae bati iai te miriki ma ana karewe te manibeeru. Ongotaeka raoi i rouna, ao kam na tetekeraoi ma n riki b'a te botannaomata ae korakora.

Iakobo 1:27

Aio te Aro ae itiaki ae aki kam'ara i matan te Atua ae te Tama: bon tararuaia akana a mate tamaia ma aine aika a mate buia ni kain nanoia; ao te kawakinna te aomata b'a e na aki baareka ni b'ain aon te aba.

1.Ioane 2:29

Ngkana kam ataia b'a E kakaraoa nanon te Atua, ao kam ataiia naba akana kakaraoa nanon te Atua b'a a bane ni bungiaki mai Rouna.

1.Ioane 3:7

Ataei aika uarereke, e na tai m'am'anaingkami temanna: b'a ane b'ab'aina te atataiaomata, ao e bon atataiaomata;