I-Rom 16:2 - Te B'aib'ara

² M'aneia n akoia n aran te UEA, n te aro ae riai irouia ana aomata te Atua; ao kam na buokia n te b'ai ane e kainanoia mai roumi: b'a te tia buokiia aomata aika bati ngaia, ao te tia buokai naba.

I-Rom 16:2 Iomraidhean Croise

Mataio 25:40

Ao E na kaekaia te Uea ni kangai, “E koaua ae I a tuangngkami, b'a are kam karaoia nakon temanna ae mangori riki i buakoia tariu aikai, ao kam karaoia naba nako Iu.”

M'akuri 9:13

Ao e kaeka Anania ni kaangai, “Te UEA, I ongo taekan teuaei irouia aomata aika bati, b'a e karaoi m'akuri aika bubuaka aika bati nakoia am aomata ake a itiaki ake i Ierutarem;

M'akuri 9:15

Ma E taku te UEA nakoina, “Ko na nako, b'a I a tia n rinea teuarei b'a e na m'akuri i buku: b'a e na tataekina arau ni kaotiotai nakoia aomata aika tuai n onimakina te Atua, ao nakoia uea ma te botannaomata ae Iteraera.

M'akuri 9:36

E mena i Iobe te aomata temanna ae te tia onimaki, ae arana Nei Tabita. (ke Nei Toreka n te Taetae n Erene). E aki toki neiei ni kakaraoi m'akuri aika raraoi, ao n i buobuokia aika kananoanga.

M'akuri 9:39

Ao e teirake Betero, ao e airi ma ngaiia. Ngke e roko, ao a kairiia nakon te ru are i eta; a tei n tang aine ake a mate buia i rarikini Betero, ao a kaoti kabaraki ma kooti ake e karaoi Nei Toreka i nanon ana tai ni maiu.

M'akuri 9:41

E anga baina Betero nakoina, ao e kateirakea; e weteia ngkanne ake a itiaki ma aine ake a mate buia, ao e anganiia neierei b'a e a maiu.

I-Rom 15:7

Ma ngaia ae kam na i m'anem'ane n i akoakoi, n ai aron naba Kristo ngke E m'aneira n akoira, b'a E aonga n neboaki iai te Atua.

I-Rom 16:15

Anga au kamauri nakoni Biroroko, ma Nei Iuria, ma Nerea ao m'anena, ao nakon Nei Orumba, ma ana aomata te Atua ni kabaneia ake a mena i rouia.

I-Rom 16:23

E kamauringkami Kaio ae ngaia ae I mena moa ngkai i rouna; ao a kamauringkami naba kaain te ekaretia aika raou i rouna. E kamauringkami naba Erateto, ae te tia kawakina m'anen te kaawa; ao ai arona naba ma Kuareto ae raora naba n onimaki.

I-Rom 16:6

Anga au kamauri nakon Nei Maria, are karaoi baika bati i bukimi.

I-Rom 16:9

Anga au kamauri nakon Urebano, are raora ni m'akuri i bukin te UEA. ao nakon naba Titaku, are tangiraki i rou.

I-Ebeto 5:3

Ma ngkai aomata aika itiaki ngkami, ao e aki riai b'a e na taekinaki b'a iai te wene ni bure, ma te kammaira nako, ma te mataai ni kani b'aib'ai i buakomi;

I-Biribi 1:27

Kam na ti kakaraoa ae boraoi ma nanon ana euangkerio Kristo; b'a ngkana I roko n noringkami, ke ngkana tao I mena n te tabo teuana, ao I kan ongo rongorongomi, b'a kam teimatoa n aromi ni maiu b'a kanga te tamnei ae ti teuana, ni kakorakoraingkami b'a kanga te aomata ae ti temanna, i bukin te onimaki are reke man te euangkerio;

I-Biribi 2:29

Ma ngaia ae kam na m'aneia i nanon te UEA ma te kim'areirei ni kabanea; ao kam na karineia aomata aika aron teuaei:

I-Korote 4:10

E kamauringkami Arititareko ae raou ni kabaeaki, ma Mareko ae ai tarini B'arenaba (are kam a tia n anganaki te kaetieti i bukina, b'a ngkana e roko i roumi ao kam na m'aneia n akoia).

1.Timoteo 2:10

ma a na katamaroaia ni m'akuri aika raraoi, b'a bon te b'ai ae riai irouia aine aika tabu b'a Kristian ngaiia.

2.Timoteo 1:18

E na reke i rouna nanoangakina iroun te Uea n te bong arei! Ao ko bon atai arona ni kabane ake e karaoi i buku i Ebeto.

Tito 2:3

Ao ai aroia naba unaine, ko na taetae n reireiia b'a a na b'aina te maiu ae iai karinean te Atua iai; a na tai winanti, a na tai toronaki n te kamanging; ma a na riki b'a taan reirei baika raraoi:

Biremon 1:12

ae I a manga kaokia nako im, ma nanou ae bane i rouna.

Biremon 1:17

Ma ngaia aei, ngkana ko taku b'a raom ngai, ao ko na m'aneia n akoia b'a kanga ngai.

2.Ioane 1:10

Ngkana e kawaringkami temanna ao e aki uota te taeka n reirei aei, ao kam na tai butim'aia ni karinna i nanon ami auti, ao kam na tai kamauria.