I-Rom 13:8 - Te B'aib'ara

⁸ Tai tarau iroun te aomata n te b'ai teuana, b'a ti n te i-tangitangiri: b'a ane tangira raona n aomata, ao e na karaoa nanon te Tua ni kabanea.

I-Rom 13:8 Iomraidhean Croise

Mataio 7:12

Ma ngaia aei, b'a b'aai ni kabane aika kam tangiri b'a a na karaoaki nako imi irouia aomata, ao kam na karaoi naba nako ia: b'a aei te reirei ae kanoan tuua ake e anga Moote ma aia boki burabeti.

Ioane 13:34

I anganingkami te tua ae boou: kam na i tangitangiri; n ai arou ngke I tangiringkami, b'a kam aonga n i tangitangiri.

I-Rom 13:10

Ane tangira raona n aomata ao e aki kona ni karaoa ae buakaka nakoina. Ma ngaia ae b'ainan te tangira boni kakoroan nanon te Tua ni kabane.

I-Rom 13:7

Anga b'aai ni kabane akana kam bae iai: te taekiti nakoia taan anai taekiti, te tiute nakoia taan anai tiute, te maaku nakoia akana riai ni makaki, ao te karinerine nakoia akana riai ni karineaki.

I-Karatia 5:14

B'a e kabaneaki te Tua n touaki mwina n ae kaangai, “Ko na tangira raom n ai aron tangiram i bon iroum.”

I-Korote 3:14

Ao kam na b'aina te tangira i aoni baikai ni kabane, b'a ngaia ae boti ni kabaei b'aai ni kabane.

1.Timoteo 1:5

Te kaantaninga i bukin te bae ti tuangko iai, b'a e na reke i rouia te tangira ae bwebwerake man te nano ae itiaki ao mani mataniwin te nano ae e raoiroi ma te onimaki ni koaua.

Iakobo 2:8

Ma kam karaoa ae e raoiroi ngkana kam toua mwin te tua are mairoun te Uea, are e koreaki ni kaangai, “Ko na tangira raom n ai aron tangiram i bon i roum.”

1.Ioane 3:10

A kaotaki natin nako te Atua ma natin nako te riaboro n aei: ane aki karaoa nanon te Atua ao tiaki mairoun te Atua, ao ai uana naba ma ane aki tangira tarina.