I-Rom 13:4 - Te B'aib'ara

⁴ B'a ana aomata te Atua ngaia ao tabena bon te buokiko nakon ae e raoiroi. Ma ngkana ko karaoa ae buakaka ao ko bon riai ni maku, i bukina b'a bon iai m'aakana ni kareke kai: b'a ana aomata te Atua ngaia ae te tia irantaanga ae karaoa nanon te Atua ni karekea kain ane karaoa ae buakaka.

I-Rom 13:4 Iomraidhean Croise

1.Uea 10:9

I neboa te UEA ae Atuam. E kakatonga iroum ao E a tia n rineiko b'a uean Iteraera. E tangira Iteraera te uea ma ngaia are, E a tia n anganiia aia uea ae na tautaekaniia n te eti ma te koaua.

2.Rongorongo 19:6

ao e taku nakoia: Kam na taratara raoi ngkana kam karaoi ami babaaire n te kabowi, i bukina b'a bon ana aomata te UEA aomata aikai, ao ane e na bon ataa te b'ai ane ko baaireia.

Taeka n Rabakau 16:14

E konaa n tiringko te tia tautaeka ae e unun. Ma ngaia ae kam na kawanawanai ngkami. Kam na aki kauna temanna.

Taeka n Rabakau 20:2

Te tia tautaeka ae e un bon kaanga ai aron te raian ae e bekorara ae e na manga kauna temanna, ao kam a mate.

Taeka n Rabakau 20:26

E kakorakoraa tuaaia aomata aika taani bure te uea ae e wanawana.

Taeka n Rabakau 20:8

A katinei taiani kakoaua, taan tautaeka aika a karaoa aia motikitaeka.

Itaia 1:17

ao reireiningkami ni maiuakina te raoiroi. Kakoaua raoi b'a e na karaoaki te babaaire ae e eti. Teei i bukiia aine aika a tia ni mate buuia ao ataei aika akea aia karo ao buokiia aika a tangira buokaia.”

Ieremia 5:28

ao kam tetekeraoi, ma kam rawa ni buobuoki nako ia aika a kainano ni karekea nako ia te moti ae e raoiroi ni bon aron ae e riai n reke nako ia.

Etekiera 22:27

Ti te bo mataniwiin nako Iteraera ma taian kameanti aika a tiritiri, aika raebitii konaia n aki akaaka. A maiuakina te maiu ae e buakaka n aroia n kaikoakiia ma n tiringiia aomata.

Etekiera 25:14

N na kanakoia oin Au aomata b'a a na karekea kaiia kaain Etom n te aro b'a a na namakina korakoran uniu. Ao a na ataai b'a bon te UEA Ngai ae te Atua ngkana I katuaaia.”

Mika 3:9

Kakauongo ngkami aika taan tautaeka i Iteraera, ngkami aika kam riiribaa te eti, ao kam kab'aoua te raoiroi nakon te buakaka.

I-Rom 12:19

Ngkami aika kam tangiraki, tai iri taangami; E na karaoia te Atua; b'a e koreaki ae kaangai: E taku te UEA, “Au b'ai te irantaanga, N na kabobo Ngai.”

I-Rom 13:6

Ao bon aei naba bukin ae kam riai naba iai ni kab'akai ami taekiti: b'a a m'akuri i bukin te Atua taan tautaeka n aia m'akuri are a kakaonimaki nako iai.

1.I-Tetaronike 4:6

E na aki bure temanna nakon raona ke ni babakanikawaia ni baika kaeti ma aron te mm'aane nakon te aine b'a te Uea boni Ngaia te tia kareke-kai i bukini baikai ni kabane, n ai aron are ti tuangngkami rimoa, ma ni kaotiotia naba.

Iotua 20:5

Ngkana iai ane e ri mwiina b'a e na irantaanga, ao a na aki anga teuarei kaain te kaawa anne nakon te tia irantaanga ngkai bon tiaki nanona n tiriaomata, ao ni bon tuai naba itabarara mai m'aaina.

Iotua 20:9

Ao aikanne kaawa ni kamauri ake a rineaki i bukiia te botannaomata ae Iteraera, ao i bukiia naba iruwa ake a maeka i buakoia. E a kona ni mauri te aomata are e tiriaomata n tiaki nanona mai i rouia taan irantaanga. E bon aki kona n tiringaki teuanne ni karokoa kakoauana raoi n te kabowi b'a e bon reke n te bure.

1.Betero 2:14

ke nakoia akana iai nakoaia ni kairiri n te tautaeka, aika a kanakoaki iroun te king b'a a na kareke kaiia akana kakaraoa ae buakaka, ao a na kamoamoaia akana karaoa ae e raoiroi.