I-Rom 11:7 - Te B'aib'ara

⁷ Ao tera ngkanne ae riki? B'a te baere a ukoukoria Iteraera e aki reke i rouia ni kabaneia, ma ti irouia ake a rineaki; ao nikiraia a kamatoatoaki nanoia;

I-Rom 11:7 Iomraidhean Croise

Taeka n Rabakau 1:28

Kam na buubuti buokami mairou, ma N na bon aki kan ongo; kam na ukeuke, ma n na bon aki reke iroumi.

Itaia 44:18

A matakii ao a nanobaba koraki aika a taromauri taian bouannanti!

Itaia 6:10

“Karaoaia aomata aikai b'a a na taningabono! bonoti taningaia, rabun mataia, karaoaia b'a a na aki ataa te b'ai teuana. Tai katanimaia nako iu b'a a na kamaiuaki.”

Mareko 6:52

i bukina b'a a aki oota b'a tera raoi nanoni kaam'arakeaia aomata ake nimangaa; e aki tau korakoran aia iango b'a a na ataia.

Ruka 13:24

Kakorakoraingkami b'a kam na rin n te mataroa are wariki; b'a I taku nako imi b'a a bati aika ukoukora te kan rin iai, ma a aki kona.

Ioane 12:40

“E kamataki mataia te Atua, ao E kamatoai nanoia; b'a a kaawa n noraba ni mataia ao n atatai n nanoia, ma n rairaki nako iu b'a N na kamaiuia.”

I-Rom 10:3

b'a a aki ata te aro are e na kaetaki iai aroia n reitaki ma te Atua, ao a kataia ni karaoa te aro are e na reke iai i rouia; ao aroia aei e a oti iai b'a a rawa n are E a tia te Atua ni karaoia i bukiia.

I-Rom 11:25

B'a I aki tangiringkami, taari, b'a kam na aki ata te b'ai ae raba aei, b'a kam kaawa ni bakanrabakau iai: b'a iai tem'angina i buakoia Iteraera aika a matoatoa nanoia n rawa n onimaki, ao a na tiku n aroia aei ni karokoa ae e koro m'aitiia aomata aika tiaki I-Iutaia n nakon te Atua.

I-Rom 11:5

Ao ai arona naba, b'a i bukin ana akoi te Atua ao a tiku ngkai nikiraia ake E a tia n rineia;

I-Rom 3:9

Ao tera ngkanne? Ti raoiroi riki ngaira I-Iutaia nakoia I-Erene? Ti bon aki; b'a ti a kamani kaotiia I-Iutaia ma I-Erene, b'a a bane ni mena i aani m'aakan te bure;

I-Rom 6:15

Tera ngkanne? Ti na bure, ngkai ti aki mena i aan te tua, ma ti mena i aan te akoi? Ti na aki.

I-Rom 9:18

Ma ngaia ae E nanoangaea ae E kan nanoangaia te Atua, ao E kamatoatoa nanon ane E kani kamatoatoa.

I-Rom 9:23

E kaota aron neboakina ngke E nanoangaiia aomata ake E a tia n rineia b'a a na reke naba tib'angaia n neboakina.

1.I-Korinto 10:19

Tera ae I nanonna ngkanne n au taeka? I nanona iai kakawakini karean te bouannanti, ke kakawakin te bouannanti?

2.I-Korinto 3:14

Ma a kamatoatoaki nanoia; b'a man te tai arei ni karokoa te bong aei, ao e tuai meni mauna te rabuna ni mata ngkana a wareka te Boraraoi Nikawai, b'a ti Kristo ae mauna i Rouna.

2.I-Korinto 4:4

b'a a a tia n rabunaki nanoia aomata aika tiaki taan onimaki iroun atuan te aonnaba aei, b'a a na aki nora ootan euangkerioni mimitongini Kristo, are katotongan te Atua.

I-Ebeto 1:4

B'a i m'aini karikan aonnaba ao E a kaman rineira i bukina ngkai ti katiteuanaki ma Kristo, b'a ti aonga n itiaki ma n aki bareka i matana; ao n ana tangira,

I-Ebeto 4:18

a roo nanoia, ao a riki n ianena man te maiu are mairoun te Atua i bukin te babanga are i rouia, are reke i bukini matoatoan nanoia.

I-Biribi 1:18

Ao tera ngkanne? Te b'ai ae kakawaki b'a E taekinaki Kristo n aaro nako, tao man te kaantaninga ae aki raoiroi ke ae e raoiroi; ao I kim'areirei iai, eng, N na boni kim'areirei.

Ebera 12:17

Kam ataia b'a i mwina, ngke e kani karekea ana taeka ni kakab'aia tamana, ao e ribaaki; b'a akea te anga ae e na kona iai ni bita aron are e a tia ni karaoia, e boni ngae ngke e ukoukoria ma te tang.

1.Betero 1:2

akana rineaki n ai aron nanon ma ana baire ma ngkoangkoa te Atua ae te Tama, ao a katabuaki maiuia iroun te Tamnei b'a ana b'ai te Atua, b'a kam na ongeaba iroun Iesu Kristo ma ni kaitiakaki n raraana. A na kabatiaki nakoimi te akoi ma te raoi.