I-Rom 11:1 - Te B'aib'ara

¹ E kaangai ngkanne au titiraki, E kaaki taekaia ana botannaomata te Atua? E bon aki! Bon te Iteraera naba ngai, ae kanoan Aberaam, ae kaain te baronga are Beniamin.

I-Rom 11:1 Iomraidhean Croise

2.Uea 23:27

Ao E taku te UEA, N na kamaunanakoia kaain Iuta, n aron kamaunanakoaia Iteraera naba irou. N na aki manga kubara Ierutarem, e aoria ngke I a tia n rineia b'a au B'ai. N na kitana te Tembora aei ae e karaoaki i buku.

Taian Areru 77:7

E na teimatoa n ribaira te Uea ke E na aki? E nang aki manga kukurei iroura?

Taian Areru 94:14

Ane E na aki kaaki taekaia ana botannaomata te UEA; E na aki kitaniia akana ana b'ai.

Otea 9:17

Iteraera, ko aki ongotaeka nakon Atuau. Ngkai n nang kairoroingkami b'a kam na tiotio nako man te botannaomata teuana nakon te botannaomata teuana.

Ruka 20:16

“Ane e na roko ni kamateia taan ribana akekei, ao ane e na anga nneni kureebe nakoia aomata tabem'aang.” Ngke a ongo aei aomata, ao a taku, “E na aki riki aei!”

M'akuri 22:3

Bon te aomata ae te I-Iutaia ngai, ae I bungiaki i Taareto are i Kirikia, ma I ikawai rake n te kaawa aei, ao I reireiaki irouni Kamariera. I reireiaki n aia tua ara bakatibu n arona ni kabanea, ao e bane nanou nakon te Atua, n ai aromi naba ni kabaneingkami n te bong aei.

M'akuri 26:4

A bane I-Iutaia n ata aroni maiu ma ngke te teei ngai, ngke I moa n rikirake i buakoia au botannaomata, ao i Ierutarem.

I-Rom 11:11

E kaangai ngkanne au titiraki, A b'aka n aki kona ni manga teirake ngke a reke waeia ao a tata nako? A bon aki! Ma e roko te maiu irouia ake tiaki I-Iutaia ngke a bure Iteraera, b'a a aonga ni kabakantangaki.

I-Rom 3:4

E bon aki! Ma e na ataaki b'a e koaua ana taeka te Atua, ao bon taani kewe aomata nako; n ai aron are koreaki ni kaangai: “Ane a na kaotiko am taeka b'a e eti arom; Ao ane ko na tokanikai ngkana e motikaki taekam.”

I-Rom 9:3

Ao e bia reke kaiu, ma ni karaureaki ma Kristo i bukiia tariu ake au bu n te katei n aomata;

2.I-Korinto 11:22

Ebera uakekei? Ngai naba. Iteraera uakekei? Ngai naba. Kanoan Aberaam uakekei? Ngai naba.

I-Biribi 3:5

I korotabonim'aneaki n te kawani bong, ao te Iteraera ngai n rikiu, ao kaain te baronga are Beniamin, ao te Ebera mairouia Ebera; ao n reitaki ma te Tua, bon te B'aritaio ngai;

1.Tamuera 12:22

Ma E a tia n rineingkami te UEA b'a Ana aomata ni koaua. E na kakaawakiningkami n taai nako b'a kam aonga ni bane n ataa aroni korakorana.