I-Rom 10:3 - Te B'aib'ara

³ b'a a aki ata te aro are e na kaetaki iai aroia n reitaki ma te Atua, ao a kataia ni karaoa te aro are e na reke iai i rouia; ao aroia aei e a oti iai b'a a rawa n are E a tia te Atua ni karaoia i bukiia.

I-Rom 10:3 Iomraidhean Croise

Neemia 9:33

Ko a tia ni kaakaraoa ae e eti ngkana ko katuaaira i bukin ara bure.

Iobi 33:27

Ane a na taetae i mataia aomata ni kaangai, “I a tia ni bure, I a tia ni karaoa te b'ai ae aki raoiroi, ma e aki katuaaeai te Atua ngke I bon riai ni katuaeaki.

Taian Areru 71:19

Te Atua, e roota karawa am Raoiroi. Ko a tia ni karaoi m'akuri aika ab'ab'aki; Akea temanna ae ai arom.

Itaia 51:1

Ngkana kam tangiria ni karaoa ae e raoiroi ao n ongotaeka iroun te UEA ao kam na katotoonga Aberaam. Boni ngaia te b'a are kam ekeaki mai iai.

Itaia 51:6

Karaua n taraa karawa! Tarai aonnaba. E na mauna nako karawa kaanga te bubu; ao e na mangaingai te aonnaba kaanga taiani kunnikai. A na bane ni mate aomata aika i aon te aonnaba kaanga taian nango. E na akea tokin au tokanikai; ao e na teimatoa m'aakau ni kakamaiu.

Itaia 51:8

A na kanaki nako kaanga te kunnikai ae e kanaki n te koa. Ma n tokin au tokanikai; ao e na teimatoa m'aakau ni kakamaiu.

Itaia 56:1

E taku te UEA: Ko na maiuna te raoiroi ao te eti! N na roko ni kamaiuko n te tai ae e waekoa; e na nooraki m'aakau ni kakamaiu n taabo nako n te aonnaba.

Itaia 57:12

Tao ko taku b'a ko rangi n raoiroi, ma N na kaota te koaua.

Itaia 64:6

Ti aki tau n taromauriiko; bon taian motinikunnikai aika a buakaka ara m'akuri n tatabeua nako. Ti m'auteretere kaanga taiani baanikaai; bon te ang aika a korakora ara bure ake a kaubara nakoira.

B'aeb'aeti 3:22

Ana akoi ma Ana tangira te UEA ae teimatoa n taai nako.

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Nakoaia Ibonga 26:41

Ngkana ko taekinna ma te nanorinano b'a ko a tia ni moana maiuakinan ae e eti,

Ruka 10:29

Ma e kani karaoiroia teuarei, ao e taku nakon Iesu, “Ao antai raou?”

Ruka 16:15

Ma E taku nako ia: Ngkami aika kam karaoiroingkami i mataia aomata, ma E atai nanomi te Atua; b'a te b'ai ae kakannato irouia aomata ao bon te b'ai ae ribaaki i matan te Atua.

I-Rom 1:17

B'a e kaotaki n te euangkerio aron te Atua ni kaeti aroia aomata nakoina n te onimaki, ni moa man rekena i rouia ni karokoa tokina: n ai aron are koreaki ni kaangai: “E na maiu ane e kaetaki arona n reitaki ma te Atua n te onimaki.”

I-Rom 10:2

B'a I kakoauaia ae a babane nanoia nakon te Atua, ma akea aia atatai

I-Rom 10:20

Ao e taetae Itaia n aki maku, ngke e taekina ana taeka te UEA are e kaangai: “I a reke irouia akana aki ukoukorai; I kaotai nakoia akana aki titiraki taekau.”

I-Rom 11:7

Ao tera ngkanne ae riki? B'a te baere a ukoukoria Iteraera e aki reke i rouia ni kabaneia, ma ti irouia ake a rineaki; ao nikiraia a kamatoatoaki nanoia;

I-Rom 3:22

E kaeti aroia aomata te Atua n reitaki ma Ngaia n onimakinan Iesu Kristo i rouia; ao E karaoa aei nakoia aomata ni kabaneia aika onimakina Iesu.

I-Rom 3:26

ma n taai aikai ao E mutiakin aia bure aomata, b'a E na kaota arona ae eti; n te aro aei ao E a kaotia iai te Atua b'a E b'ab'aina te eti, ao E kaeti aroia aomata nako aika onimakina Iesu, n reitakiia ma Ngaia.

I-Rom 5:19

B'a aroia aomata aika bati ngke a riki n atongaki b'a taani bure n ana aki-ongeaba te aomata ae ti temanna, ao ai aroia naba aomata aika bati b'a a na kaetaki aroia n reitaki ma te Atua n ana ongeaba te aomata ae ti temanna.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

Te Tua-Kaua 6:25

Ao ngkana ti karaoa anne, ao E na kaawakiniira ma ni buokiira b'a ti na tetekeraoi.

I-Biribi 3:9

ao I aonga n noraki n arou n reitaki ma Ngaia, b'a e aki reke kaetan arou n reitaki ma te Atua n te Tua, ma e reke n onimakinani Kristo; kaetan arou aei boni mairoun te Atua, ao e reke i bukin te onimaki.

2.Betero 1:1

Mairoun Timon Betero, ae ana toro ma ana tia tuatua Iesu Kristo, nakoia akana reke i rouia te onimaki ae kakawaki ae ti te arona ma ara onimaki, ae reke n ana raoiroi Atuara ma ara Tia Kamaiu are Iesu Kristo.