I-Rom 1:8 - Te B'aib'ara

⁸ I rimoa moa ni kaitaua Atuau iroun Iesu Kristo i bukimi ni kabaneingkami, i bukin ami onimaki ae taekinaki i aonnaba ni bane.

I-Rom 1:8 Iomraidhean Croise

Mataio 24:14

Ao ane e na tataekinaki euangkerion Uean te Atua i aonnaba ni kabuta, b'a a aonga n reke aia tai ni butim'aia aomata nako; ao ngkanne ai tib'a ana tai te toki are e na roko iai.

Ruka 2:1

Ni boong akekei, ao e nako te kaetieti mairoun te uea ae kakannato are Kaitaraa Aukitito b'a e na karaoaki te wareaomata i aon aban nako te tautaeka n Room.

M'akuri 11:28

E teirake temanna i rouia ae arana Akabo, ao e taetae ni m'aakan te Tamnei b'a e na roko te rongo ae korakora i aonnaba ni bane; ao e koro bukin aei n ana tai n uea Keraurio.

M'akuri 28:22

Ma ti kan ongo mai roum am iango, b'a n aron ae ataaki iroura ao e taekinaki ni kabuakakaki te Aro aei n taabo nako.”

I-Rom 10:18

Ma I taku, A tuai n ongo Iteraera? A bon tia-n ai aron taekana are kaangai: “E oti nako b'anaaia ni kabuta aonnaba ni kabane, Ao a nako aia taeka nako tabon aonnaba.”

I-Rom 16:19

B'a e ataaki aromi n ongeaba nakon te UEA irouia aomata ni kabaneia, ao aei bukin ae I kim'areirei iai i bukimi. Ma I tangiringkami b'a kam na wanawana n ata te bae raoiroi, ao kam na nano roo nakoni karaoan te bae buakaka.

I-Rom 6:17

Ma E na katituaraoaki te Atua, b'a ngke ana toro te bure ngkami, ma kam a tia ni kaaki i nanomi taiani koaua n reirei ake kam a tia n anganaki;

1.I-Korinto 1:4

I aki toki ni kaitaua Atuau i bukimi, i bukin ana akoi are kam a tia n anganaki ni maiumi n reitaki ma Kristo Iesu,

2.I-Korinto 2:14

Ma e na katituaraoaki te Atua, are Ngaia ae aki toki ni kairira irouni Kristo n te m'aati n tokanikai; ao E kabonganaira ngaira aika taani kabuta ataakini Kristo nakon taabo nako b'a kanga ai aron te boi ae boiarara.

I-Ebeto 1:15

Ma ngaia aei, ngke I ongo taekan aromi n onimakina te UEA are Iesu, ma taekan tangiraia ake a itiaki iroumi,

I-Ebeto 1:16

ao I aki toki naba ni katituaraoa te Atua i bukimi, ma n ururingkami n au tataro,

I-Ebeto 3:21

ana b'ai te neboaki n te ekaretia ao irouni Kristo Iesu man te rorona nakon te rorona ao n aki totoki. Amen.

I-Ebeto 5:20

ao kam na aki toki ni katituaraoa te Atua are te Tama n aran ara UEA are Iesu Kristo, i bukini b'aai ni kabane;

I-Biribi 1:11

ngkai a kaonaki maiumi ni baika reitaki ma ana kaantaninga te Atua, aika baika mairoun Iesu Kristo, are E neboaki te Atua iai ma ni karaoiroaki.

I-Biribi 1:3

I katituaraoa Atuau n taai ni kabane aikai I uringngkami iai,

I-Korote 1:3

Ti aki toki ni katituaraoa te Atua ae Taman ara UEA are Iesu Kristo n ara tataro i bukimi,

1.I-Tetaronike 1:2

Ti aki toki ni katituaraoa te Atua i bukimi ni kabaneingkami, ao ti m'aneweingkami n taai nako n ara tataro:

1.I-Tetaronike 2:13

Ao aei naba bukin te bae ti aki toki ni katituaraoa iai te Atua: b'a ngke kam butim'aea ana taeka te Atua mai roura, ao kam kaki i nanomi b'a tiaki aia taeka aomata, ma n etina ni koaua, bon ana taeka te Atua ane m'am'akuri i nanomi ngkami akana kam onimaki.

2.I-Tetaronike 1:3

Taari, ti bon riai ni katituaraoa te Atua n taai nako i bukimi, ngkae e riki rake ni matoatoa ami onimaki, ao e kabatiaki ami i-tangitangiri ni kabaneingkami.

2.Timoteo 1:3

I katituaraoa te Atua, ae I toro i rouna ma mataniwin nanou ae itiaki, n ai aron are a karaoia naba au bakatibu. I katituaraoia n taai nako ake I uringko iai n au tataro n te ngaina ao te bong.

Biremon 1:4

I aki toki ni m'anea aram ngkana I tataro, ao I kaaitaua te Atua,

Ebera 13:15

Ma ngaia ae i nanon Iesu ao ti na tai toki n anga te karea ae karaoiroan te Atua, ae te karea ae ti anga ni wiira aika kaotiota onimakinan arana.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.

1.Betero 4:11

ngkana e taetae temanna, ao e na taetae n atong ana taeka te Atua; ngkana e akoa te aba temanna, ao e na karaoi n ai aron te konaa ae E anganna te Atua; b'a E aonga n neboaki te Atua ni b'aai ni kabane i bukin Iesu Kristo, are ana b'ai te neboaki ma te tautaeka n aki toki. Amen.