I-Rom 1:23 - Te B'aib'ara

²³ ao a onika te Atua ae aki mamate ae mimitong b'a te bouananti ae katotongan te aomata ae mamate, ke maan aika kibakiba, ke maan aika kakaeai waeia, ke maan aika kawakawa.

I-Rom 1:23 Iomraidhean Croise

Taian Areru 106:20

A onika mimitongin te Atua nakoni katotongan te kao ae kaakang uteute.

Itaia 40:18

Antai ae e na kabootauaki ma te Atua? iai te b'ai ae ai arona?

Itaia 40:26

Bon noora karawa n te tairiki! Antai ae e karaoi taian itoi? Antai ae e anganiia araia n tatabemaniia nako? Antai ae e kairiia kaanga te taanga ni buaka? E bon rangi ni korakora te UEA n te aro are bon akea mai buakon taian itoi aika bua.

Itaia 44:13

Taani m'akuri n te kai tabem'aang a baairei taiani m'akoro ni kai, ao i mwiina, a korea aia m'aake i aona. Ao e a kenaki te kai ma te karaurau nakon tamneina ni koaua. Ao ngke e a tia ao e a riki b'a kaanga taraan te aomata ao e a karinaki i nanon te Tembora.

Ieremia 2:11

ao ane kam na nooria b'a bon akea te botannaomata ae e a tia ni kiitana antina e ngae ngke tiaki atua ni koaua. Bon ti Ngai te Atua ni koaua ae E mimitong, ao kam a tia ni katinanikuai i bukin taromaurian taian bouananti.

Etekiera 8:10

I rinnako nanona, ao I noori taian oo aika a onrake n taamnein taiani beru ao maan aika a aki itiaki, aika maan aika a baareka, n reitaki ma taian bouannanti ake a taromauri Iteraera.

M'akuri 10:12

Ao a bane ni mena i nanona manin aonnaba aika kakaeai waeia, ma maan aika kawakawa, ma mannikiba.

M'akuri 17:29

Ma ngaia aei, b'a ngkai ti riki mairoun te Atua ao e aki riai b'a ti na taku i nanora b'a te koora arona n Atua, ke te tirewa, ke te atibu, are karaoaki b'a katotongana iroun te aomata ae rangi n rabakau ni m'akuri n tabonibaina, man ana iango.

I-Rom 1:25

A bita te koaua mairoun te Atua nakon te kewe; ao a taromauria te bae karikaki ma n toro i rouna, n onea mwin te Tia Kariki b'aai, are riai ni karaoiroaki n aki toki. Amen.

1.I-Korinto 12:2

Kam ataingkami b'a ngke beekan ngkami ngkoa, ao kam kairaki nakoni bouannanti aika aki kona n taetae.

Te Tua-Kaua 5:8

Kam na aki karaoi taini bouananti aika katotongan b'aini karawa ake b'ain te aonnaba ke b'ain nanoni marawa are i aan te aba.

1.Betero 4:3

Kam riai n aki manga karaoi baika kam karaoi ngkoa ngke kam iri nanoia aomata ake tiaki Kristian, ni maiu ni kaitataan ma ni kaib'ab'aru, ma ni manging, ma ni bobotaki ni manging ni kukurei ni kammaira, ma n iri taromauriani bouananti aika taromauri aika bati n ribaki.

Te Kaotioti 9:20

Ao aomata ake tabem'aang, ake a aki kamateaki ni baike a kamamate, a aki rairaki ni kitani baike a karaoi n oini baiia, b'a a aonga n toki man aroia n taromauriia taimonio, ma bouananti aika koora ma aika tirewa ma aika buraati ma aika atibu ma aika kaai aika aki kona te noraba, ma te ongo, ma te nakonako;