I-Rom 1:13 - Te B'aib'ara

¹³ Ma I tangiringkami, tariu, b'a kam na ataia b'a e m'aiti au tai ae I a tia ni baireia b'a N na nakoimi iai, ma iai te b'ai ae aki toki n tototokoa m'anangau ni karokoa naba te tai aei. I kan rairiia naba tem'angina i buakomi nakon te UEA, n ai aroia ake a tia n rairaki i rou i buakoia botannaomata ake tiaki I-Iutaia.

I-Rom 1:13 Iomraidhean Croise

Itaia 27:6

N te bong teuana ao ane e na nene wakaaia aomatan Iteraera kaanga te kureebe. Ane a na uee ma ni kariki uaa aika a na kaona te aonnaba.

Ioane 12:24

Bon te koaua ni koaua ae I a tuangngkami b'a ngkana e aki b'aka uaan te uita i buakon te tano ni mate iai, ao e na tiku n ti ngaia; ma ngkana e b'aka ao e mate iai, ao ane na kariki uaana aika bati.

Ioane 15:16

Kam aki rineai; ma I rineingkami, ao I bairei ami m'akuri, b'a kam na nako ni kariki uaa aika bati, ao a na aki mauna uaami; ma ngaia are ngkana iai te bae kam butiia iai Tamau n arau, ao E na anganingkami.

Ioane 4:36

Ane bobooti uaa nakoni neia ngkana a tai ao e kaboaki, ao e boti uaa i bukin te maiu are aki toki; b'a a aonga n uaia ni kim'areirei te tia ununiki ma te tia bobooti uaa.

M'akuri 1:15

N te bong teuana ao e teirake Betero i buakoia taari akekei, ae tao tebubua ma uangaun m'aitiia ake a botaki ao e taku,

M'akuri 14:27

Ao ngke a roko i Antioka, ao a botiia kaain te ekaretia, ao a karakini b'aai ni kabane ake E karaoi te Atua i rouia, ma arona ngke E kauka mataroan te onimaki nakoia aomata aika tiaki I-Iutaia.

M'akuri 15:12

A bane n aki karongoa aomata ngke a ongora irouni B'arenaba ma B'auro, ngke a karakin taekani kanikina ma m'akuri aika kamimii ake E karaoi te Atua i rouia i buakoia aomata aika tiaki I-Iutaia.

M'akuri 19:21

Ngke a tia n riki baikekei, ao e moti i nanoni B'auro b'a e na ri nuukani M'aketonia ma Akaia n nako Ierutarem, ao e kaangai, I mwin rokou i Ierutarem, ao e riai b'a N na nora naba Rom.

M'akuri 21:19

Ngke e tia ni kamauriia B'auro, ao e a karakina ngkanne taekan te b'ai teuana i mwin teuana ni baike E karaoi te Atua ri nanon ana m'akuri ni mitinare i buakoia aomata aika tiaki I-Iutaia.

M'akuri 28:14

Ti kaitibo iai ma taari, ao ti butiaki b'a ti na mena i rouia itibong; ao ai ngaia anne aroni kawaira n roko i Rom.

I-Rom 1:12

Ae I nanonna b'a ti na uaia ni buokaki, ngkami n au onimaki ao ngai n ami onimaki.

I-Rom 11:25

B'a I aki tangiringkami, taari, b'a kam na aki ata te b'ai ae raba aei, b'a kam kaawa ni bakanrabakau iai: b'a iai tem'angina i buakoia Iteraera aika a matoatoa nanoia n rawa n onimaki, ao a na tiku n aroia aei ni karokoa ae e koro m'aitiia aomata aika tiaki I-Iutaia n nakon te Atua.

I-Rom 7:1

Kam aki ataia tariu, b'a I taetae nakoia ake a ata te tua-b'a e tautaeka te tua i aon te aomata ni kabanea ana bongi ni maiu?

1.I-Korinto 1:10

I bubutingkami, taari, n aran ara UEA are Iesu Kristo, b'a kam na kaboraoi nanomi. A na akea te i kakaiwi i marenami, ma kam na reitaki n te nano ae ti te arona, ao n te kaantaninga ae ti te arona.

1.I-Korinto 10:1

I tangiringkami, taari, b'a kam na aki m'aninga b'a a bane ara bakatibu ni mena i aan te nang, ao a bane n ri nukan taari;

1.I-Korinto 12:1

Taari, I aki tangiringkami b'a kam na aki atai aroni b'aai n tituaraoi ake mairoun te Tamnei are Raoiroi.

1.I-Korinto 14:20

Taari, kam na tai b'aina te nano n ataei; ma kam na riki b'a merimeri nakon te buakaka, ao kam na b'aina te nano n ikawai.

1.I-Korinto 14:26

Ao tera ngkanne, taari? Ngkana kam botaki, ao temanna e anene, ao temanna e reirei, ao temanna e taekina te kaotioti are roko i rouna, ao temanna e taetae n te taetae ae aki ataaki, ao temanna e kab'ara nanon te taetae ae aki ataaki; a na bane ni karaoaki baikai i bukini kateimatoaia akana onimaki.

1.I-Korinto 9:2

Ngkana a aki kinai tem'angina b'a te tia tuatua ngai, ma kam boni kinai b'a te tia tuatua ngai nako imi; b'a boni kakoauan nakoau ngkami b'a te tia tuatua ngai i bukin te UEA.

2.I-Korinto 1:8

B'a ti aki tangiringkami, taari, b'a kam na aki ata rawawatara are roko i roura i Atia: b'a ti bati n taonaki iai i aon are ti kona, ao akea ara kaantaninga b'a ti na maiu maiai;

2.I-Korinto 2:14

Ma e na katituaraoaki te Atua, are Ngaia ae aki toki ni kairira irouni Kristo n te m'aati n tokanikai; ao E kabonganaira ngaira aika taani kabuta ataakini Kristo nakon taabo nako b'a kanga ai aron te boi ae boiarara.

I-Karatia 3:15

Taari, N na taekina te b'ai ni kakairi man te bae e nonoraki irouia aomata: bon akea temanna ae kona n urua ke ni karakaa riki taekan aia boraraoi aomata aika uoman, ngkana a tia ni karaoia.

I-Karatia 6:18

E na mena ana akoi ara UEA are Iesu Kristo irouia tamneimi, taari. Amen.

I-Biribi 1:22

Ma ngkana e na anganai au tai ni karaoi m'akuri riki aika manena maiu n te rab'ata, ao I aki ata ngkanne ae N na rineia.

I-Biribi 4:17

Tiaki nanona b'a I kani karekea te b'ai n tituaraoi, ma I tangira aromi n angab'ai.

I-Korote 1:10

b'a kam aonga ni karaoi baika boraoi ma nanon te UEA, aika E na kukurei iai, n aromi ni karaoi m'akuri nako aika raraoi; ao b'a kam aonga n ata riki aron te Atua,

I-Korote 1:6

are roko i roumi ao i aonnaba ni kabane: ao e kariki uaa ma n riki rake naba i nanomi man te bong are kam ongo taekana iai, ao n ata raoi ana akoi te Atua n arona ni koaua.

1.I-Tetaronike 2:18

Ma ngaia ae ti a kan nako imi. Ngai ae B'auro, I kataia moa n te taina, ao manga te taina riki i mwina; ma e tukiira Tatan.

1.I-Tetaronike 4:13

Ti aki tangiringkami taari, b'a kam na aki atai aroia aika mate, b'a kam aonga n aki nanokawaki, n ai aroia tabem'aang akana akea aia kaantaninga.

2.I-Tetaronike 2:7

B'a e a kamani waki te m'akuri n riri aon te tua n te aro ae aki konaki ni kab'arab'araaki raoi taekana; ma te baere e na riki e na aki kona n riki ni karokoa e uotaki nako teuare tutukia b'a e na aki riki,

2.Timoteo 4:17

Ma E tei te Uea i rarikiu ao E kakorakoraai b'a N na taekina te euangkerio ae b'anin b'a a na ongo aomata aika tiaki I-Iutaia; ao I kamaiuaki man te mate.