I-Biribi 4:9 - Te B'aib'ara

⁹ Kam na karaoi baike kam reireiaki iai i rou, ake kam anganaki, ao ake kam ongo ma n noori i rou; ao E na mena iroumi te Atua are e reke te rau mai Rouna.

I-Biribi 4:9 Iomraidhean Croise

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 8:10

Ikotingkami ao karaoi ami babaaire nako, ane kam na konaaki b'a e mena iroura te Atua.

Mataio 1:23

“Noria, ane e na kariki te kibono, ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

Mataio 7:21

A aki bane n rin n Uean te Atua akana aki toki n atoatongai b'a te Uea Ngai, ma e na rin iai ane karaoa nanon Tamau are i karawa.

Ruka 6:46

“E aera ngkai kam atoatonga ae kangai nako Iu: ‘Te Uea, te Uea,’ ao kam aki ira nanon te bae I tuangngkami?

Ruka 8:21

Ma E taku nako ia, “Tinau ma tariu bon aomata ake a ongo ana taeka te Atua ao a karaoia.”

Ioane 13:17

Ngkana kam atai baikai, ao kam a kab'aia ngkana kam karaoi.

Ioane 15:14

Raou ngkami, ngkana kam karaoi baika I tuangngkami.

Ioane 2:5

E taku ngkanne tinana nakoia taani m'akuri, “Karaoa ane E tuangngkami.”

M'akuri 9:6

“Ma ko na teirake, ao naako rin n te kaawa, ao ane ko na tuangaki iai te baere riai b'a ko na karaoia.”

I-Rom 15:33

E na mena iroumi ni kabaneingkami te Atua are mai Rouna te raoi. Amen.

I-Rom 16:20

E a kaani kamanatuan Tatan i aani waemi iroun te Atua, are e reke mai Rouna te raoi. E na mena iroumi ana akoi ara UEA are Iesu Kristo.

1.I-Korinto 10:31

Ma ngaia aei, b'a ngkana kam am'arake ke kam moi, ke kam karaoa riki te b'ai teuana, ao kam na karaoi ni kabane i bukin neboakin te Atua.

1.I-Korinto 14:33

B'a te Atua, tiaki Atuan te mwebuaka, ma bon Atuan te raoi. Ao n aron are b'ainaki n aia ekaretia Kristian ni kabaneia:

1.I-Korinto 4:16

Ma ngaia ae I butingkami b'a kam na kakairi i rou.

2.I-Korinto 13:11

Te kabanea, taari, kam na kakatonga, kam na kanako raoi aromi, kam na karau nanomi, kam na b'aina te nano ae ti te arona, kam na raoi; ao E na mena i roumi te Atua are e reke mai Rouna te tangira ma te raoi.

Te Tua-Kaua 5:1

Ao e weteia ni kabane Iteraera Moote, ao e taku nakoia: N nang tuangngkami taian tua ma reirei aika kam na iri nanoia, ma ngaia are, kam na kakauongo raoi.

I-Biribi 3:17

Taari, kam na kakairi i rou, ao kam na kam'atau taraaia te koraki ake a karaoa are ti karaoia i bukimi b'a te banna ni kakairi.

I-Biribi 4:7

Ao te rau are mairoun te Atua, are te rau are aki konaaki n ataaki teutana, e na kawakin nanomi ma aia iango nanomi ngkai kam reitaki ma Kristo Iesu.

1.I-Tetaronike 1:6

Kam riki b'a taani kakairi i roura ma te Uea, ngke kam butim'aea ana taeka ma te kim'areirei are mairoun te Tamnei are Raoiroi, i buakon rawawatami ae bati:

1.I-Tetaronike 2:14

Taari, kam riki ni katotongiia ana ekaretia te Atua i Iutaia, aika ana aomata Kristo Iesu, i bukina b'a kam a tia ni b'ainikirinaki naba irouia ami aomata ni baika ti te bo aroia ma ake a b'ainikirinaki iai irouia I-Iutaia;

1.I-Tetaronike 5:23

Ao Atuan te raoiroi E na karaoingkami b'a kam na riki n ai arona n aromi nako; ao a na kawakinaki tamneimi, ma maiumi, ma rab'atami, b'a a na aki konaki ni kabuakakaki i matan ara Uea are Iesu Kristo.

2.I-Tetaronike 3:4

E karika i nanora te Uea te aki nanokokoraki i bukimi: b'a kam karaoi baika ti tuangngkami, b'a kam na bon aki toki ni karaoi.

2.Timoteo 4:22

E na mena te Uea iroun tamneim. E na mena te akoaki iroumi ni kabaneingkami.

Iakobo 1:22

Kam na aki m'am'anaingkami n iangoia b'a ti taan ongora ngkami n ana taeka te Atua; ma kam na riki b'a taan toua mwina.

2.Betero 1:10

Ma ngaia aei, taari, kam na rangi ni kekeiaki m'aaka ni kaotingkami ni maiumi b'a kam boni weteaki ma n rineaki; b'a ngkana kam karaoa aei, ao kam na bon aki b'aka.

1.Ioane 3:22

ao ane ti bubuti ao ti anganaki i Rouna, b'a kioina ngkai ti tau ana tua, ao ti karaoi baika kakukurei i matana.