I-Biribi 4:5 - Te B'aib'ara

⁵ Ke e ataaki aromi n taotaonaki n nano irouia aomata ni kabaneia. E a kaan roko te UEA.

I-Biribi 4:5 Iomraidhean Croise

Mataio 6:25

Ma ngaia ae I taku nako imi, Tai iango n raraoma i bukini maiumi, b'a tera ae kam na kanna ke ae kam na nimma, ao i bukin rab'atami b'a tera ae kam na kunnikaia iai. Tiaki e bongana riki te maiu nakon te am'arake, ao te rab'ata nakoni karabana?

Mataio 6:34

Ma ngaia ae kam na tai iango n raraoma i bukin te ingabong b'a tera ae na riki iai: b'a e na bon iangoa arona te ingabong n raraomaeakinna. E a tau ana b'ai ni kararaoma te bong ae te bongina ngkana bon ana b'ai.

Ruka 21:34

Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami,

1.I-Korinto 16:22

Ngkana arona b'a iai ane aki tangira te UEA, ao ke e reke kaina. M'arana ta!

1.I-Korinto 6:7

Ngkana e koaua b'a bon iai tangin temanna i bukin temanna, ao kaotana ngkanne b'a iai kab'akami. Kam aera ngkai kam aki kataua te m'akuri ae buakaka ae karaoaki nako imi? Kam aera ngkai kam aki katau m'am'anakimi?

1.I-Korinto 8:13

Ma ngaia aei, ngkana e na riki te am'arake b'a te b'ai ni kab'akab'aka nakon raou n onimaki, ao N na bon aki manga kang irikomaiu, b'a I kawa n riki b'a te b'ai ni kab'akab'aka nakon tariu.

1.I-Korinto 9:25

Aomata ni kabaneia aika na ira te kabo n te takakaro a rangi n tabutabui aroia nakoni b'aai nako. A karaoa aei b'a e aonga n reke i rouia te bau ae kai mka, ma ngaira te bau ae aki kona ni mka.

2.I-Korinto 10:1

Ngai ae B'auro, I butingkami n nimamaneini Kristo ao n nanoraoina, ngai ae I atongaki b'a I nanorinano ngkana I mena i rarikimi, ma I ninikoria ngkana I raroa nako mai roumi.

2.I-Tetaronike 2:2

b'a kam na tai kam'aeieiaki n ami iango, ao kam na tai kakiriweaki irouia aomata aika taku b'a e a tia n roko ana bong te Uea. A kona n taku b'a tao a ongo aei mairoun te Tamnei are Raoiroi, ke mairoun temanna, ke a boni warekia n ara reta teuana.

Tito 3:2

a na tai taetae ni kabuakaka temanna, a na tai unun, a na taotaon nanoia, a na kaota te aro n nimamannei ni kabanea nakoia aomata ni kabaneia.

Ebera 10:25

Ao ti na tai kaki arora ni bobotaki, n ai aroia tabem'aang; ma ti na b'aina te aro ni kaunga ni kabatia riki, ngkai kam ataia b'a e a kan roko te bong arei.

Ebera 10:37

B'a e kangai te B'aib'ara, “B'a ai ti teutana, ao ane E na roko Teuare nangi roko, ao E na aki waeremwe.

1.Betero 1:11

A kataia ni kakaaea b'a antai te aomata, ao te tai ra ake a kaotaki iroun Tamnein Kristo are mena i nanoia ngke E taekini baikai i m'ain rikiia, aika marakini Kristo ake E na taonaki iai, ao te neboaki are E na b'ainna i mwini maraki akanne.

1.Betero 4:7

E a kaan tokini b'aai ni kabane, ma ngaia ae kam na nanowanawana ma n tatauraoi n tataro.

Te Kaotioti 22:20

E kaangai Teuare kaoti baikai, “Eng, ae N na roko ni waetata, Amen.” Nako mai, te Uea ae Iesu!

Te Kaotioti 22:7

“Ao noria, ae N na waetata n roko E a kab'aia ane taua te taeka ni burabeti ae n te boki aei.”