I-Biribi 3:9 - Te B'aib'ara

⁹ ao I aonga n noraki n arou n reitaki ma Ngaia, b'a e aki reke kaetan arou n reitaki ma te Atua n te Tua, ma e reke n onimakinani Kristo; kaetan arou aei boni mairoun te Atua, ao e reke i bukin te onimaki.

I-Biribi 3:9 Iomraidhean Croise

Karikani B'aai 7:23

Ao E kamaunai b'aai ni kabane aika maiu te Atua i aon te aba n aroia aomata, maan, ao mannikiba. Bon ti Nooa ma raona i nanon te kaibuke ake a maiu.

1.Uea 8:46

A bure aomata ni kabane. Ma ngkana a karaoa te bure am Aomata nakoim, ao tao Ko a un irouia ao Ko a karokoia aia kairiribai b'a a na katikiia nako abaia I-Anena.

2.Rongorongo 32:25

Ma e rangi ni kamoamoa Etekia ao e rawa ni kaaitaua te UEA i bukin b'aai ni kabane ake e a tia ni karaoia nako ina. Ao aio are e karika unin te UEA, ao e katuaaea Etekia ma kaain Iuta ma Ierutarem.

2.Rongorongo 32:31

E ngae ngke a kanakoia aia taan uarongorongo taan kairiiri mai B'aburon b'a a na titirakina Etekia ana kanikina te UEA are e anganna, ao te Atua, e kariaia Etekia b'a e na anga are bon ana reke b'a e na tuoa ao n noora ana kakaonimaki.

Taian Areru 14:3

A bane n tangakoi b'aai; ao akea ae e karaoa ae e raoiroi.

Taian Areru 143:2

Tai motika taekan am toro ni kabuakaka; b'a akea te aomata ae maiu ae e raoiroi i matam.

Taian Areru 19:12

Antai ae kona n nora oin ana kairua? Kamaiuai mani karaoani baika I aki atai b'a a buakaka!

Te Minita 7:20

Bon akea n te aonnaba aei ae e kaakaraoa te eti n taai nako.

Itaia 46:13

N na waekoa n roko ni kamaiungkami. I a kaan ao N na bon aki kabane tai; I kakatia iroun Iteraera ao N na kamaiua Iteraera.

Itaia 53:11

Ti na karekea raoi nanon te ongotaeka iroun te UEA i nanon rawaawatan te tia m'akuri. E ngae ngke akea ana bure, ma e na bon anaa naba tuaaia taani bure tem'angina, b'a a aonga ni m'aiti mai buakoia aika a na b'ara aia bure.

Itaia 53:6

Bon tiibu ngaira ni kabane aika a m'aninga nako. Ti a tia n toua nako kawaira n tatabemaniira, ma e anganna te UEA te tuua are ti bon riai ni katuaaeaki iai.

Itaia 6:5

Ao I takaarua ni kaangai, “I a reke n te kabuanib'ai! A bane n on n te bure au taeka aika I atong, ao ai uana naba ma aia taeka aomata nako aika i rarikiu. Ma e ngae n anne, ma I a tia n noora te UEA ae Moan te M'aaka.”

Ieremia 23:6

E na rau Iteraera, ao e na kaawakinaki Iuta i nanon ana tai n uea. E na aranaki te uea b'a “Te UEA ae e anga te eti.”

Ieremia 33:16

E na mano Iuta, ni boong akanne; e na mena te rau i aon Ierutarem ao e na aranaki b'a, Te UEA ae E anga te Rau.”

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Mataio 9:13

Kam na nako n reireingkami b'a tera ae nanonaki n taeka aikai: ‘I tangira te nanoanga, ao I aki tangira te angakarea.’ B'a I aki roko b'a N na weteia akana raoiroi, ma I roko b'a N na weteia akana buakaka.”

I-Rom 1:17

B'a e kaotaki n te euangkerio aron te Atua ni kaeti aroia aomata nakoina n te onimaki, ni moa man rekena i rouia ni karokoa tokina: n ai aron are koreaki ni kaangai: “E na maiu ane e kaetaki arona n reitaki ma te Atua n te onimaki.”

I-Rom 10:10

B'a e onimaki te aomata i nanona ao e reke i rouna kaetan arona n reitaki ma te Atua; e tataekina ana onimaki ni wina ao e kamaiuaki.

I-Rom 16:7

Anga au kamauri nakon Anteroniko ma Nei Iunia, ake au bu, ake a mena ma ngai n te karabuuti; a rangi ni kinaki irouia taan tuatua, ao a onimakina Iesu i m'aiu.

I-Rom 5:21

B'a aron te bure ngke e noraki arona n uea n te mate, ao ai arona naba b'a e na uea te akoi ni kaetan arora n reitaki ma te Atua, ao ni kairira naba nakon te maiu are aki toki iroun Iesu Kristo are ara UEA. Ao te bure e karokoa te mate, ao a bane n rotaki aomata ni kabaneia n te mate i bukina b'a a bane ni bure.

I-Rom 8:1

Ma ngaia ae akea te moti ni kabuakakaia akana mena i nanoni Kristo Iesu.

I-Rom 8:3

B'a te bae e aki kona ni karaoia te Tua ngke e mamara i bukin te rab'ata, ao E karaoia te Atua: b'a E kanakoa bon Natina ma rab'atana ae ai aron rab'atara ae bubure, b'a E na motika taekan te bure ae n te rab'ata ni kabuakakaa, ao b'a E na kamaunaa te bure.

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

2.I-Korinto 5:17

Ma ngaia aei, ngkana e reitaki te aomata ma Kristo, ao e riki b'a te aomata ae boou; a nako aaro nikawai; noria, a roko aika boou.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

I-Karatia 2:16

ao ti ataia b'a e aki kaetaki reitakin te aomata ma te Atua ni karaoani baika tangiraki n te Tua, b'a ti n onimakinan Iesu Kristo; ngaira naba, ti onimakina Kristo Iesu, b'a a aonga ni kaetaki reitakira ma te Atua n onimakinani Kristo, ma tiaki ni karaoan are e tangiraki n te Tua: b'a bon akea temanna ae e na kaetaki reitakina ma te Atua ni karaoani baika tangiraki n te Tua.

I-Biribi 3:6

n reitaki ma nanou n tauaninne ngkoa i bukin te Atua, ao I b'ainikirina te ekaretia; ao n reitaki ma karaoan nanon te Atua are taekinaki n te Tua, ao I iri nanoia ni kabane.

2.Timoteo 1:9

are kamaiura ao E weteira b'a ti na riki b'a ana aomata, tiaki i bukini baika ti a tia ni karaoi, ma i bukin oin ana kaantaninga ma ana akoi, are ti anganaki ngkai ti reitaki ma Kristo Iesu; ao te akoi aei e a kaman tauraoi i bukira ngke a tuai ni karikaki b'aai;

Tito 3:5

ao ti a kamaiuaki i Rouna, tiaki i bukini m'akuri aika ti a tia ni karaoi ngke ti kani karaoa nanon te Atua, ma i bukin oin nanona n nanoanga; are E kamaiura iai ri nanon te tebotebo ni kaitiaki n te ran are reitaki ma te manga bungiaki, ao n ana m'akuri te Tamnei are Raoiroi ni manga kabouan te maiu.

Ebera 6:18

b'a ti aonga ni karekea kakorakoraan nanora ae bati ni baika uoua aikai aika aki bibitaki, aika ti aki kona ni keweaki iai iroun te Atua, ngaira aika ti biri nako b'a ti na taua te kaantaninga are kamenaki i m'aira.

Iakobo 3:2

B'a akea iroura ae aki kaairua; ao ngkana iai ae aki kaairua n ana taeka, ao bon te aomata ae kororaoi n arona, ae e kona ni bweena rab'atana ae b'anin.

2.Betero 1:1

Mairoun Timon Betero, ae ana toro ma ana tia tuatua Iesu Kristo, nakoia akana reke i rouia te onimaki ae kakawaki ae ti te arona ma ara onimaki, ae reke n ana raoiroi Atuara ma ara Tia Kamaiu are Iesu Kristo.

1.Ioane 3:4

Ane karaoa ae bure ao e ekaanako te tua; ao te bure bon te ekaanako te tua.