I-Biribi 3:8 - Te B'aib'ara

⁸ Tiaki ti baikai aika I taku b'a akea bonganaia, ma I atongi b'aai ni kabane b'a akea bonganaia i bukin te b'ai ae moanibaan te bongana riki, are ataakini Kristo Iesu are ara UEA, are I kabua au b'ai ni kabane i bukina, ao I atongi b'a maange, b'a E aonga n reke i rou bonganan arou ngkai ana aomata Kristo ngai,

I-Biribi 3:8 Iomraidhean Croise

1.Uea 14:10

Ao i bukin aei, ao N na kamaunaa am utu n tiringiia m'anena ni kabane ma ataei ni m'anena, aika tooro ke aika inaomata. N na kamaunaa am utu, n aron te ai ngkana e kabuoka te maange.

2.Uea 9:37

Ao e taku b'a e na maenako rab'atan Ietebera i aontano kaanga butaeia maan, ma ngaia are, akea ae e konaa n ataia b'a antai ngaia.

Iobi 20:7

ma e na ukaki nako n ai aron te bubu. Koraki ake a rangi n tataneiai ma ngaia ngkoa, a na mimi b'a e ti bua nako naba.

Taian Areru 126:6

Te koraki ake a tang ngke a oti nako n uoti koraan aroka, a manga oki n anene ni kakatonga ma uotaia uaan mwin aia ununiki.

Taian Areru 73:25

Akea riki temanna i karawa ae na buokai b'a ti Ngkoe; Ao akea riki temanna i aonnaba ae I tangiria i rarikim.

Itaia 53:11

Ti na karekea raoi nanon te ongotaeka iroun te UEA i nanon rawaawatan te tia m'akuri. E ngae ngke akea ana bure, ma e na bon anaa naba tuaaia taani bure tem'angina, b'a a aonga ni m'aiti mai buakoia aika a na b'ara aia bure.

Maraki 2:3

N na katuaaia ami kariki ma ni kabira matami ni butaeia maan ake kam anga b'a taiani karea, ao e a tib'a bane aia m'akuri ma ngkami.

Warekaia Iteraera 14:30

ae na rin n te aba are I a tia ni berita iai b'a N na anganingkami b'a abami ni koaua; a na ti rin iai Kareb'a ma Iotua.

Ruka 1:43

Ao e aera ngkae e reke aei i rou, ae e na kawarai tinan au Uea?

Ruka 11:20

Ma ngkana ni m'aakan te Atua ae I kanakoia iai taimonio, ao nanona ngkanne b'a e a roko Uean te Atua i aomi.

Ioane 14:20

N te bong arei, ao kam na ataia b'a I mena i nanon Tamau, ao ngkami i nanou, ao Ngai i nanomi.

Ioane 14:7

Ngke arona b'a kam a kaman ataia b'a antai Ngai ni koaua, ao kam na kaman ataia naba b'a antai Tamau; ao kam a ataia ma ngkai, ao kam a tia n noria.”

Ioane 16:3

A na karaoi baikai nakoimi aomata i bukina b'a a aki ata Tamau, ao a aki ataai naba.

Ioane 17:3

Ao aio aron reken te maiu are aki toki: bon te ataiko b'a ti Ngkoe ae te Atua ni koaua, ao te ata Iesu Kristo, ae Ko kanakomaia.

Ioane 17:8

b'a I a tia n tuangiia taeka ni kabane ake Ko tuangai, ao a kaaki i nanoia, ao a ataia b'a ngaia e koaua ae I nako mai mai Roum; ao a kakoaua ae Ko kanakomaiai.

Ioane 20:13

A titirakinna ao a taku, “Neiko, ko aera ngkai ko tang?” E kaekaia ao e taku, “I bukina b'a a uota nako au Uea, ao I aki ata te tabo ae a kaaki iai.”

Ioane 20:28

E kaeka Toma ao e taku nakoina, “Au Uea ao Atuau!”

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

I-Rom 8:18

B'a I kakoaua b'a a aki kona ni kabotauaki taiani b'ainikirinaki aika reke nako ira ni boong aikai ma te neboaki are nang kaotaki nako ira.

I-Rom 8:39

ke te rietaata, ke te rinano, ao e aki kona naba te b'ai teuana ae karikaki, ni karaureira ma tangirara iroun te Atua, are i nanoni Kristo Iesu are ara UEA.

1.I-Korinto 2:2

B'a e reke nanou ngke I mena i buakomi b'a akea riki te bae N na taekinna b'a ti Iesu Kristo, te Kristo are mate n te kaibangaki.

1.I-Korinto 9:10

ke tiaki ana taeka anne i bukira? E boni koreaki i bukira: b'a te aomata ae katauraoa raoi tanon ana tabo n ununiki e m'akuri ma kaantaningan reken tib'angana man uaan arokana; ao te aomata are kaki kunin uaan uita e kaantaninga naba reken tib'angana man uaan uita.

2.I-Korinto 4:4

b'a a a tia n rabunaki nanoia aomata aika tiaki taan onimaki iroun atuan te aonnaba aei, b'a a na aki nora ootan euangkerioni mimitongini Kristo, are katotongan te Atua.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

I-Karatia 1:16

b'a E na kaota Natina i rou, b'a I aonga n tataekinna i buakoia aomata aika tiaki I-Iutaia, ao I aki iango ma temanna ngkekei naba;

I-Ebeto 4:13

ao n tokina b'a ti na bane n roko n te onimaki ae ti teuana ao n ataakin Natin te Atua; ti na riki b'a kanga te aomata ae e a ikawai, n ai aroni Kristo; ao ti na riki n ai arona ni koaua:

I-Biribi 1:1

Mairouni B'auro ma Timoteo, aika ana toro Kristo Iesu, nakoia ake a itiaki ni kabaneia, ake a nim ma Kristo Iesu, ake a mena i Biribi; ao nakoia naba ake mataniwi ma taani buobuoki:

I-Biribi 3:10

B'a N na ata Iesu ma te m'aaka are E a manga kamaiuaki iai, ma ni maraki n ai arona ni maraki, ao n riki n ai arona ni matena,

I-Biribi 3:12

I aki taku b'a e a tia n reke i rou are I uaiakinna, ao I aki taku b'a I a kororaoi n te raoiroi. Ma I kakorakorai ni biri b'a I aonga n taua te kaniwanga, b'a ngaia aei bukin are E karikai iai Kristo Iesu b'a ana b'ai.

I-Biribi 3:7

Ma b'aai ake I taku b'a a kakawaki, ao I a atong ngkai b'a akea bonganaia i bukini Kristo.

2.Timoteo 4:6

Ao ngai, e a roko te tai ae N nang kamateaki iai ao N nangi riki b'a kanga ai aron te karea are te ninima are kab'aroaki i aon te baonikarea; aio au tai are N nang kitana iai te maiu aei.

Ebera 3:14

B'a ti riki b'a raao ngaira ma Kristo ngkana ti taua ni kamatoa ni karokoa te toki te aki nanokokoraki are reke i roura ngke ti moa n onimaki.

1.Betero 2:7

Ma ngaia ae te atibu aei, e kakawaki nakoimi ngkami aika kam onimaki; ma nakoia akana aki onimaki, “E riki b'a bouan te maninganinga te atibu are kakiaki b'a akea bonganana irouia taani kateitei.”

2.Betero 1:2

E na kabatiaki nakoimi te akoi ma te raoi n ataakin te Atua ma Iesu are ara Uea.

2.Betero 1:3

E a tia te Atua n oini m'aakana n anganira b'aai ni kabane i bukin te maiu ni Kristian, n ataakin Teuare weteira b'a ti na buokanib'ai ma Ngaia n arona ma kateina ae e raoiroi;

2.Betero 1:8

B'a ngkana a reke iroumi baikai, ni bati, ao kam na riki ni bongana ma n uaana n ataakin ara Uea are Iesu Kristo.

2.Betero 3:18

Ma kam na rikirake n te akoi ao n ataakin ara Uea ao ara Tia Kamaiu are Iesu Kristo. Ana b'ai te neboaki ngkai, ao n aki toki. Amen.

1.Ioane 1:3

are ti a tia n noria ma n ongo, ao ti taekinna naba nako imi; b'a kam aonga n uaia ni buokanib'ai iai ma ngaira, n ai aron are ti buokanib'ai iai ngaira ma te Tama ao Natina are Iesu Kristo.

1.Ioane 2:19

Kairiribai aikai a nako mai buakora, ma bon tiaki raora; b'a ngke arona b'a raora, ao a na bon tiku i roura. Ma a nako mai buakora, b'a a na kaotaki b'a tiaki raora ngaiia ni kabaneia.

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.