I-Biribi 2:8 - Te B'aib'ara

⁸ E kananorinanoa i bon i rouna, ao E ongeaba ni karokoa te mate, are te mate n te kaibangaki.

I-Biribi 2:8 Iomraidhean Croise

Taian Areru 22:16

A otab'aniniai te bootaki n aomata ae buakaka b'a kanga ai aroia kamea; a ewari baiu ma waeu.

Taeka n Rabakau 15:33

E na kawanawanaingkami kaotan karinean te UEA ao e na uota te karineaki nakoim te nanorinano.

Mataio 17:2

A nora Iesu b'a e bitaki taraana, ao e oota moana n ai aron taai, ao a taraa ni mainaina n raneanea kunnikaina n ai aron te oota.

Mataio 26:39

Ao E nako riki teutana, ao E katorobubua ni bobaraaki i aontano ao E tataro ni kangai, “Tamau, ngkana e konaki, ao e na nako mai Rou te m'angko ni karawawata aei; ma tiaki nanou ae na iraki, ma nanom.”

Mataio 26:42

Ao E a manga nako riki n tataro ao E kangai, “Tamau, ngkana e aki kona n nako aei, b'a N na boni moi iai, ao e na tauaki am taeka.”

Ruka 9:29

Ngke E tabe n tataro, ao E onikaki aron taraan ubuna, ao e riki ni mainaina man raneanea kunnikaina.

Ioane 10:18

Akea ane anaa maiu mairou. I anga n oin nanou. E mena irou te kona n anga, ao te kona n anaia. I anganaki te mwioko aei iroun Tamau.

Ioane 14:31

ma e na ataia te aonnaba b'a I tangira Tamau; ao anne bukina ae I karaoi iai b'aai ni kabane ake E tuangai. “Tei rake, ti na nako maikai.

Ioane 15:10

Ngkana kam ongeaba nakon au tua nako, ao e na bon aki bua mairou tangirami; n ai arou ngkai I ongeaba nakon ana tua nako Tamau, ao e aki bua tangirau i rouna.

Ioane 4:34

E taku Iesu nakoia, “Kanau bon te ongeaba nakon nanon Teuare kanakomaiai, ao te katia ana m'akuri.

M'akuri 8:33

Ngke e karinanoaki, ao e aki reke nakoina te motiki-taeka ae e raoiroi. ao bon akea ae na kaoti taekaia ana kariki, B'a e a tia n toki maiuna i aon te aba.”

I-Rom 5:19

B'a aroia aomata aika bati ngke a riki n atongaki b'a taani bure n ana aki-ongeaba te aomata ae ti temanna, ao ai aroia naba aomata aika bati b'a a na kaetaki aroia n reitaki ma te Atua n ana ongeaba te aomata ae ti temanna.

2.I-Korinto 8:9

B'a kam ata ana akoi ara UEA are Iesu Kristo, b'a ngke E kaub'ai, ao E riki n aki kaub'ai i bukimi, b'a kam aonga ni kaub'ai n ana aki kaub'ai.

I-Karatia 3:13

E kainaomataira Kristo man te rekenikai are n te Tua, ngkae E karaoa are E na reke kaina iai i bukira, b'a e koreaki ae kaangai, “E a reke kain te aomata ae tauraki n te kai:”

Te Tua-Kaua 21:23

ma kam na aki katuka rab'atana ikanne ni karokoa te moaningabong. Kam na taunna naba n te bong anne, b'a rimwi ao e na kamaraia aon te aba ni kabane te UEA i bukin te rab'ata ae mate. E anganingkami te aba aei te UEA b'a abami, ma ngaia are, kam na aki kam'araea aon te aba ni katuka rab'atan te tia bure i aon te aroka.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Ebera 12:2

ao ti na tarataraa Iesu are te tia kariki ara onimaki, ao te tia kakoroa; are E taona nanona nakon te kaibangaki, n aki mutiakina kamaamaeana, i bukin te kim'areirei are kamenaki i m'aina; ao E tekateka i angaatain ana kaintokanuea te Atua.

Ebera 12:4

B'a n ami buaka are kam kaitaraa iai ma te bure, ao akea i roumi ae e mate.

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;