I-Biribi 2:29 - Te B'aib'ara

²⁹ Ma ngaia ae kam na m'aneia i nanon te UEA ma te kim'areirei ni kabanea; ao kam na karineia aomata aika aron teuaei:

I-Biribi 2:29 Iomraidhean Croise

Itaia 52:7

Ai kakatekera taraan te tia uarongorongo ri aoni maunga ae e touakina ae e kaangai nako Ierutarem, “Te rongorongo ae e raoiroi! Kam a kamaiuaki. E nang roko te rau. E a UEA ngkai Atuami.”

Ruka 9:5

Ao n te tabo are kam aki butim'aeaki iai irouia kaaina, ao ngkana kam kitana te kawa anne, ao taei bubun aontano mai waemi b'a te b'ai ni kakoaua nako ia b'a a aki mutiakiningkami.”

Ioane 13:20

Bon te koaua ni koaua ae I a tuangngkami, b'a ane m'anea n akoa ane I kanakoa, ao e m'aneai n akoai; ao ane m'aneai n akoai, ao e m'anea n akoa naba Teuare kanakomaiai.”

M'akuri 2:46

A bobotaki n te Tembora ma te nano ae ti teuana ni katoa bong, ao a bobotaki n am'am'arake n aia auti nako, ao a kang kanaia ma te kukurei ao te nanoraoi,

M'akuri 28:10

A karineira n aaro ni karinerine aika bati; ao ngke ti nangi borau, ao a katokai baika riai i bukira b'a ara tianaki.

M'akuri 8:8

Ma ngaia ae e bati te kim'areirei irouia kaain te kaawa arei.

I-Rom 10:15

Ao a na kanga n tataekinna ngkana a aki kanakoaki? N ai aron are koreaki ni kaangai, “Ai tamaroa ra waeia ake a roko n uoti rongorongoni baika raraoi!”

I-Rom 16:2

M'aneia n akoia n aran te UEA, n te aro ae riai irouia ana aomata te Atua; ao kam na buokia n te b'ai ane e kainanoia mai roumi: b'a te tia buokiia aomata aika bati ngaia, ao te tia buokai naba.

1.I-Korinto 16:10

Ngkana arona b'a e roko i roumi Timoteo, ao kam na tarataraia b'a a na akea te bae e na makiningkami iai; b'a te tia m'akuri ngaia i bukin te UEA, n ai arou naba.

1.I-Korinto 16:18

b'a a karekea raun tamneiu ma tamneimi; ma ngaia ae kam na aki m'am'aninga taekaia aeka n aomata akanne.

2.I-Korinto 10:18

B'a tiaki te aomata ae taekina arona ni kamoamoaa ae kakoauaki b'a e raoiroi arona, ma te aomata ae kamoamoaki arona iroun te UEA.

2.I-Korinto 7:2

Kaota ami tangira nako ira; akea temanna ae ti karaoa ae kairua nako ina; akea ae ti urua maiuna ae raoiroi, ao akea ae ti burebureia.

I-Biribi 2:28

Ma ngaia ae I barekia ni kanakoa nakoimi, b'a kam aonga ni manga kakatonga ngkana kam noria, ao b'a e aonga ni karako riki nanokawakiu.

I-Korote 4:10

E kamauringkami Arititareko ae raou ni kabaeaki, ma Mareko ae ai tarini B'arenaba (are kam a tia n anganaki te kaetieti i bukina, b'a ngkana e roko i roumi ao kam na m'aneia n akoia).

1.I-Tetaronike 5:12

Ma ti butingkami, taari, b'a kam na ataiia akana kakorakoraia ni m'am'akuri i buakomi, akana kairingkami ma n reireingkami n aromi ni maiu n reitaki ma te Uea.

1.Timoteo 5:17

A riai unimm'aane aika raoiroi aia kairiri n iangoaki b'a e riai ni kataboroaki nakoia booia, ai moa ra riki nakoia te koraki aika korakora aia m'akuri ni kab'arab'ara ma n reirei;

Ebera 13:17

Kam na ongeaba nakoia ami taani kairiri, ao kam na aan taeka i rouia: b'a a tantani n aki motirawa i bukini kawakinani maiumi, ngkai a nang taekin aroia ni m'akuri. Ngkana kam ongeaba i rouia ma n iri nanoia, ao a na karaoa aia m'akuri ma te kim'areirei; ma ngkana kam aki, ao a na karaoa aia m'akuri ma te rawawata n nano, ao anne bon akea buokami iai.

3.Ioane 1:10

Ma ngaia aei, ngkana tao I roko iroumi, ao N na kauring b'aai ake e karaoi ngke e wibuakaira n taeka aika bubuaka. Ao e aki toki ikanne. E rawa ni butim'aia taari akekei, ao e tukiia ake a kani butim'aia ma ni kab'akaia man te ekaretia.