I-Biribi 2:16 - Te B'aib'ara

¹⁶ n aromi n taua ni kamatoa taekan te maiu. Ma ngaia ae ngkana e roko ana bong te UEA, ao N na boni kim'areirei iroumi, ngkai e aki matebuaka au kekeiaki ma au m'akuri.

I-Biribi 2:16 Iomraidhean Croise

Taian Areru 40:9

Te UEA, n aia tai ni bootaki am Aomata, Ao I taekina te rongorongo ae raoiroi, ae taekani kamaiuara iroum. Ko ataai b'a N na aki toki n taekinna.

Taian Areru 71:17

Te Atua, Ko reireiai ma ngke te teei ngai; Ao I teimatoa ni kakarakin taekan am M'akuri aika Kamimii ni karokoa ngkai.

Itaia 49:4

I taku i bon irou, “I a rangi ni korakai; ao e a tia ni banebuaka au tai. Ma I karaoa aei i bukin te UEA ae te Atua, ao E na anganai kaniwangau.”

Mataio 10:27

Ae I tuangngkami n te roo, ao kam na taekinna n te ngaina; ao ae kam ongo i Rou ngke ti ngaira, ao kam na takaruaia i aon taubukin auti.

Ruka 12:8

Ao I taku nako imi, b'a ane kaotia i mataia aomata b'a raou ngaia, ao Natin te Aomata e na manga kaotia i mataia ana anera te Atua b'a raona ngaia;

Ioane 6:63

Ae E anga te maiu bon Tamnein te Atua; akea irouia aomata ae kona ni karaoa aei. A riki taeka aika I a tia n atong b'a kawain rokon te Tamnei ao te maiu iroumi.

Ioane 6:68

E kaekaa Betero ao e taku, “Te Uea, ti na nako n antai? A mena iroum taeka aika e reke mai iai te maiu are aki toki.

M'akuri 13:26

Mm'aane, taari, ngkami akana kam riki mairoun Aberaam! Ao akana maaka naba te Atua i buakomi, e kanakomaiakaki taekan te kamaiu aei nako ira.

1.I-Korinto 1:8

Boni Ngaia are na kateimatoaingkami naba ni karokoa te toki, b'a kam aonga n aki kabuakakaki n ana bong ara UEA are Iesu Kristo.

1.I-Korinto 9:26

Ma ngaia ae I aki biri n aki akaaka, ao I aki itau n ai aron temanna ae orea te akea;

2.I-Korinto 1:14

n ai aron naba are kam a tia n ataia teutana mai roura. Ao ngkana E roko ara UEA are Iesu, ao kam na kamoamoaingkami i bukira ao ngaira i bukimi.

I-Karatia 2:2

I nako b'a tuangau n te kaotioti are roko i rou; ao I tuangiia te euangkerio are I tataekinna i buakoia aomata aika tiaki I-Iutaia; ao I karaoa aei nakoia uake a atoatongaki b'a taani kairiri, ngke ti ngai ma ngaiia, b'a a kaawa ni matebuaka au m'akuri ake I a tia ni karaoi n taai aika nako, ao aika I karaoi ngkai.

I-Karatia 4:11

I maaku iroumi, b'a e kaawa ni matebuaka au m'akuri i bukimi.

I-Biribi 1:10

B'a kam aonga ni kona n rinei baika moa n raraoi, ao kam na itiaki ma n aki kabuakakaki n te bong are E na roko iai Iesu,

I-Biribi 1:6

ao I koaua raoi n aei, b'a Teuare moana te m'akuri ae e raoiroi i nanomi, E na boni wakina karaoana ni karokoa ae e tia n ana bong Kristo Iesu.

1.I-Tetaronike 2:19

B'a tera ara kaantaninga, ao ara kim'areirei, ao te baunuea ae ti na kamoamoaira iai? Tiaki boni ngkami i matan ara Uea are Iesu n rokona?

1.I-Tetaronike 3:5

Ma ngaia arei, ngke I aki kona ni kamaanai riki n taona nanou, ao I kanakoa Timoteo nako imi b'a I aonga n ata aron ami onimaki; b'a I raraoma ngkana tao kam a tia ni kairaki iroun te tia kariri, ao a matebuaka ara m'akuri.

Ebera 4:12

B'a e maiu ana taeka te Atua, ao e m'am'akuri ao e kakang riki nakoni kabaang aika uaitera wiia ni kabane, ao e ewara nako te aomata nakon te tabo are a kaitibo iai te maiu ma te tamnei, ao taian toma n ri ma kanoan ri; ao e atai raoi ana iango te nano ma baika riki iai.

1.Betero 1:23

B'a n ana taeka te Atua, ae te taeka ae maiu ae teimatoa, ao ai aron ae kam a manga bungiaki, tiaki mairoun te karo ae mamate, ma mairoun te karo ae aki mamate.

1.Ioane 1:1

Te baere iai ma ngke a tuai ni karikaki b'aai, are ti ongo, are ti noria ni matara, are ti tarataraia, are a riingnga naba baira, ae taekan te Taeka are te maiu,

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.