I-Biribi 2:14 - Te B'aib'ara

¹⁴ Kam na karaoi b'aai ni kabane n aki ngurengure ma n aki kabo-taeka;

I-Biribi 2:14 Iomraidhean Croise

Taian Areru 106:25

A ngurengure i nanon aia um'arianna, Ao a rawa ni kan ongo ni b'anaan te UEA.

Taeka n Rabakau 13:10

E karika te kangaanga te kamoamoa ae e korakora. Kaiangoraoiko ao kaawakin reireiam.

Warekaia Iteraera 14:27

b'a a na anga ana rongorongo nakoia Iteraera ae kaangai:

Mataio 20:11

Ngke e reke i rouia booia, ao a ngurengure iroun teuare kam'akuriia,

Mareko 14:5

B'a te kabira aei, e kona ni kaboaki nako n te boo ae raka i aon tenibubua te tenari, ao a kona n anganaki akana aki kaub'ai!” Ao a kaoti aroia n riba neierei.

Mareko 9:14

Ngke a roko reirei ake tem'angina i rouia, ao a noriia aomata aika rangi ni bati i rarikiia, ma taani koroboki, b'a a kauntaeka ma ngaiia.

Ruka 5:30

Ao B'aritaio ma taani koroboki a ngureakiniia ana reirei Iesu, ao a taku, “E aera ngkai kam am'arake ao ni mooi ni botaki ma taan anai taekiti ma aomata aika buakaka?”

M'akuri 15:2

E bo te kauntaeka ae ab'ab'aki i marenaia uakekei ma B'auro ao B'arenaba i bukin te baere a taekinna uakekei; ao a rineaki ngkanne B'auro ma B'arenaba ma raoia tabem'aang mai Antioka b'a a na nako Ierutarem nakoia taan tuatua ma unimm'aane i bukin te baere a kauntaeka iai.

M'akuri 15:39

A bo ngkanne ni kauntaeka n te aro are a raure nako iai: e kaira Mareko, B'arenaba, ao a borau nako Kubero;

M'akuri 15:7

Ngke e a maan te kauntaeka, ao e teirake Betero, ao e kaangai nakoia, Taari, kam ataai b'a E rineai ngkoa te Atua i buakora b'a N na tataekina te euangkerio nakoia aomata aika tiaki I-Iutaia, b'a a aonga n ongo ma n onimaki.

M'akuri 6:1

Ao ni boong akekei, ngke e tabe n rikirake m'aitiia aomata ake a onimakina Iesu, ao a ngurengure I-Iutaia ake a b'aina te taetae n Erene irouia raoia n I-Iutaia ake a b'aina te taetae n Ebera, i bukina ngke akea tib'aia aia aine, ake a tia ni mate buia, ae e reke n te tib'atib'a n te bong ae koraki.

I-Rom 12:18

Ngkana kam konaa, ao karaoi b'aai ni kabane aika kam na kona iai ni maeka n rau ma aomata ni kabaneia.

I-Rom 14:1

Kam na m'anea n akoa te aomata ae mamara n ana onimaki, ma tai kauntaeka ma ngaia i bukin tein aron ana iango.

I-Rom 16:17

I butingkami, taari, b'a kam na tarataraia te koraki akana eekaanako te reirei are kam reireiaki iai, b'a a karika te i raraaure iai irouia aomata; ao baika a karaoi a riki b'a b'aai ni kab'akab'aka. Kam na kararoaingkami mai rouia!

1.I-Korinto 10:10

Ao kam na tai ngurengure, n ai aroia tem'angina i buakoia ngke a ngurengure, ao a tiringaki iroun Aneran te Mate.

2.I-Korinto 12:20

B'a I maaku, b'a I kawa n roko ao I noringkami b'a tiaki aron ae I tangiria, ao ngkami kam norai b'a tiaki naba aron ae kam tangiria; b'a a kawa n noraki i roumi taiani kauntaeka, ma te bakantang, ma un, ma unra i marenaia ami botaki nako, ma taeka ni kamaraki nano ma winanti, ma aaro ni kainikatonga, ma mwebuaka.

I-Karatia 5:15

Ma ngkana kam i tenatena ma n i kaakang, ao kam na tarataraingkami b'a kam kaawa ni kamaunaingkami temanna iroun temanna.

I-Karatia 5:26

Ti na tai riki ni kainikatonga, ti na tai i kaunun, ao ti na tai i babakantang.

I-Biribi 2:3

ao akea te bae kam na karaoia ma te kauntaeka ke te kainikatonga, ma kam na b'aina te nanorinano, temanna nakon temanna, n aromi n iangoia b'a a raoiroi riki nakoimi.

1.I-Tetaronike 5:13

Kam na anganiia karineaia ae bati ma tangiraia i bukin aia m'akuri. Kam na b'aina te raoi i buakomi.

1.I-Tetaronike 5:15

Kam na taraia b'a akea temanna ae na karaoa ae buakaka nakon temanna i bukina ngke te aomata arei e a tia ni karaoa ae buakaka nako ina; ma kam na ukoukora ae raoiroi i bukimi n taai nako, ao i bukiia naba aomata ni kabaneia.

Ebera 12:14

Kam na keiaki n raoi ma aomata ni kabaneia, ma n tabui maiumi b'a a na b'ai te Atua; b'a ngkana akea aei ao e aki kona te aomata n nora te Uea.

Iakobo 1:20

b'a unin te aomata e aki kona ni karaoa nanon te Atua.

Iakobo 3:14

Ma ngkana iai i nanomi te bakantang ae bati ma te iangoingkami i bon iroumi, ao kam na tai kamoamoaingkami n eekaanako te koaua ma ni kakewea.

Iakobo 5:9

Taari, kam na tai i b'angantaeka, b'a a kaawa ni motikaki taekami; noria, e a kaan te tia motiki-taeka b'a ae E a kani kaoti.

1.Betero 3:11

E na kitana te buakaka, ao e na kakaraoa ae e raoiroi; E na ukoukora te raoi, ao e na kekeiaki m'aaka nako iai.

1.Betero 4:9

Kam na i akoakoi n aki b'angantaeka.

Iuta 1:16

Bon taani b'angantaeka te koraki aei, ao taani ngurengure ma taan iri oin nanoia ni kaib'ab'aru; taan taetae ni kainikatonga, ao a kamoamoaia aomata ni karangiia b'a a aonga n reke i rouia baika tangiri.